Strandapósturinn - 01.06.2020, Page 8

7
Ritnefnd Strandapóstsins
Ritnefnd Strandapóstsins þakkar velunn-
urum ritsins fyrir góðar móttökur á síðasta
ári og þeim sem lögðu til efni í árgang 52.
Það er ánægjulegt hversu margir hugsa
til okkar og senda inn efni og sumir hverjir
ár hvert. Fyrir það erum við þakklát. Nýir
greinahöfundar og ljóðahöfundar hafa bæst
í hópinn sem gefur okkur von um gott fram-
hald.
Það efni sem birt hefur verið í Stranda-
póstinum frá upphafsárum ritsins mun gera
komandi kynslóðum kleift að fræðast um
fortíðina þegar þær kynna sér þann fjársjóð
sem ritið hefur að geyma.
Strandapósturinn er gefin út í 450 ein-
tökum og áskrifendur er tæplega 300 talsins.
Tíu árgangar hafa verið endurprentaðir
frá árinu 2017 og fyrsti árgangur hefur verið
endurprentaður þrisvar frá útgáfu ritsins. Nú
er hægt að kaupa heilt safn.
Höfundatal fyrir árgangana sem komnir
eru út er langt á veg komið og verður að -
gengi legt á tölvutæku formi á Facebooksíðu
Átthagafélags Strandamanna. Fyrirhugað er að gefa höfundatal út á prenti
seinna meir. Áskrifendur sem hafa áhuga á að eignast slíkt höfundatal eru
hvattir til þess að hafa samband við ritnefnd.
Allir árgangar Strandapóstsins fást í Verzlunarfélagi Árneshrepps
í Norðurfirði og í Samkaupum á Hólmavík. Festa má kaup á nýjustu
árgöngum ritsins í Riishúsi á Borðeyri, í Verslunarfélagi Drangsness og í
Minjasafninu Kört í Trékyllisvík. Heilt safn er hægt að nálgast hjá fram-
kvæmdastjóra Strandapóstsins.
Stöndum saman að velferð Strandapóstsins um ókomin ár.
Birna Hugrún
Bjarnardóttir
Kristín
Einarsdóttir
Guðrún Valgerður
Haraldsdóttir
Svanhildur
Guðmundsdóttir
Jóna Ingibjörg
Bjarnadóttir
Marta Guðrún
Jóhannesdóttir