Strandapósturinn - 01.06.2020, Page 9

8
Jón Ólafur Vilhjálmsson frá Kollsá
formaður Átthagafélags Strandamanna
Starfsemi Átthagafélagsins var með nokkuð föstu sniði að vanda. Við
héldum hið árlega þorrablót félagsins í Framheimilinu 17. janúar og veislu-
stjóri var Björk Jakobsdóttir. Þá komu Kristín Einarsdóttir og Gunnar
Jóhannsson frá Hveravík og fóru yfir áhrifavalda á dægurlagatexta í
gegnum áratugina. Þau töluðu um hvernig tíðarandinn og lífsbaráttan
hafði áhrif á textagerð og fluttu dæmi þar um. Skemmtileg pæling það. Þá
var happadrætti eins og á fyrri blótum. Þetta var með fjölmennustu þorra-
blótum okkar en rúmlega 180 manns komu. Fjöldinn sprengdi salarkynnin
sem við vorum með og verðum við að huga að stærri sal fyrir næsta blót.
Þetta er ánægjulegt og vona ég að félagar haldi áfram að sækja þorrablótin
okkar af sama krafti. Við í stjórn getum boðið upp á þau atriði er vekja
áhuga. Miðaverð var 8.500 kr og er það mjög gott verð fyrir svona sam-
komu með mat, skemmtiatriðum og balli. Hljómsveitin Upplyfting sá um
tónlistina eins og áður og Múlakaffi sá um matinn.
Strandapósturinn kom út fyrr en verið hefur eða í lok mars. Í honum
er mikið og fræðandi efni. Mikil lausasala hefur verið á ritinu og eru eldri
ritin nú að verða eftirsótt. Í Strandapóstinum er að finna fróðleik sem í
mörgum tilfellum er ekki að finna annars staðar og því eru ómetanleg
menningarverðmæti í þessu riti til framtíðar.
Jóna Ingibjörg Bjarnadóttir hefur stjórnað og stýrt útgáfu Strandapóst-
sins af mikilli röggsemd og verið kraftmikil í að koma póstinum í lausasölu.
Hún hefur með sér dugmikið fólk í ritstjórn. Er þeim þökkuð þau störf
sérstaklega en það kemur fram annars staðar í ritinu hverjir sitja þar. Sama
má segja um aðra í stjórn og skemmtinefnd Átthagafélagsins.
Starfsemi
Átthagafélags
Strandamanna
árið 2019