Strandapósturinn - 01.06.2020, Qupperneq 33

32
sem grunni að lágu verði, hefur augljósa kosti umfram viðskiptahugmynd
kaupfélaganna. Það hefur því horft til verri vegar hjá Kaupfélagi Stein-
grímsfjarðar og nú er komið að sögulokum. Taprekstur og greiðsluerfið-
leikar hafa einkennt reksturinn undanfarin 15 ár og þrátt fyrir mikla vinnu
stjórnar við að halda í við hið gamla rekstrarform, er ljóst að Kaupfélag
Steingrímsfjarðar, í núverandi mynd heyrir brátt sögunni til. Þegar þetta
er skrifað, í febrúar 2020, liggur fyrir að matvörudeild Kaupfélagsins mun
sameinast Samkaupum.
Strandakjarninn
Allar breytingar á rekstrarumhverfi fyrirtækja leiða yfirleitt af sér annað
hvort ógnanir og/eða tækifæri og það á einnig við nú hvað varðar stöðu
Kaupfélags Steingrímsfjarðar. Hugmyndin að stækkun verslunar- og þjón-
ustuumhverfisins á Hólmavík, hefur lengi verið á borðinu. Á síðari árum
hefur hugmyndin tekið á sig skýrari mynd verslunar- og þjónustukjarna,
sem hefur gengið undir vinnuheitinu „Strandakjarninn“. Byggðastofnun
veitti til að mynda styrk til þróunar hugmyndarinnar og hagsmunaaðilar
hafa skipst á skoðunum um eðli og form slíks verslunar- og þjónustukjarna.
Kaupfélag Steingrímsfjarðar á Hólmavík. Ljósmynd: Jóna Ingibjörg