Strandapósturinn - 01.06.2020, Side 62

61
æðarkolla hefur orpið þar og séð um áburðargjöf ásamt með lunda og
öðrum fugli, þó að margt bendi til þess að lundavarpið hafi verið mun
minna fyrr á öldum, þá aðallega í Lundahól og í hólunum efst á Kjölnum.
Heyfengur úr eyjunni hefur þá verið umtalsvert meiri en síðar varð. Þar
sem lundavarp er þétt, hverfur grasið og skarfakál kemur í þess stað og
nýtist það eingöngu til beitar. Til þess að ná þessum verðmætum þurftu
Broddanesbændur að eiga bát. Um bátaeign þeirra á fyrri öldum er einungis
ein heimild, sem mér er kunn. Hún er í Prestssögu Guðmundar Arasonar
frá 1200. Þá er Guðmundur fluttur norður yfir Húnaflóa frá Broddanesi. Á
ferðum sínum um landið hafði hann alltaf nokkra menn í föruneyti sínu og
til að flytja þá hefur þurft sex- eða áttæring. Um eignarhald á Broddanesi
er það eitt skjalfest fyrir 1580 að Eggert Hannesson hirðstjóri og lögmaður
átti árið 1570 40 hundruð í Broddanesi og innheimti þá í landskuld 90
álnir en engar kúgildaleigur. Fram á 19. öld hefur jörðin verið leigujörð og
ábúendur margir ekki hirt um hlunnindi þar sem skyldi en um það er þó
allt óvíst.
Dyrhólmi er næst landi um 80 metra norðvestur af Þrönguvör. Nafnið
er án efa dregið af lægð sem er norðarlega í honum. Þar eru engin örnefni
Dyrhólmi. Þröngavör fremst. Ljósmynd: Sigurður Guðbrandsson