Strandapósturinn - 01.06.2020, Page 84

83
Grímur Sigurðsson á bassa, Magnús Guðmundsson á gítar og Kristján
Valur Vilbergsson á trommur.
Síðan var gert hlé á starfi kórsins til 1. júní, en þá fór kórinn í dagsferð
um Suðurland en ekki voru haldnir neinir tónleikar í þeirri ferð.
Við vorum um 60 manns, kórfélagar og makar, sem lögðum af stað frá
Reykjavík laugardagsmorguninn 1. júní og ókum sem leið lá yfir Hellisheiði
og byrjuðum á að stoppa við Kerið í Grímsnesi. Við gengum niður í það og
sungum þar eitt lag.
Síðan lá leiðin að Sólheimum í Grímsnesi þar sem við vorum viðstödd
opnun menningarhátíðar. Fyrst fengum við kynningu á sögu staðarins sem
var mjög fróðleg og skemmtileg. Síðan sungum við nokkur lög fyrir framan
kaffihúsið Grænu könnuna en þar var heimilisfólk á Sólheimum og gestir
sem voru komnir á opnun menningarhátíðarinnar. Að lokum borðuðum
við hádegisverð á Sólheimum áður en við héldum för okkar áfram.
Því næst fórum við í Skálholt. Þar tók Kristján Björnsson vígslubiskup í
Skálholti á móti okkur og fræddi okkur um sögu staðarins og sungum við
tvö lög í kirkjunni sem var skemmtilegt því hljómburður í Skálholtskirkju
er einstakur. Einnig sýndi hann okkur staðinn, meðal annars Þorláksbúð
þar sem við sungum líka. Að lokum fengum við kaffi og kleinur í Skálholti.
Næst lá leiðin í Fellakotsland í Biskupstungum en þangað var okkur
boðið í heimsókn til Önnu Ingu Rögnvaldsdóttur sem syngur með okkur í
Kórinn að syngja á Sólheimum. Ljósmynd: Böðvar Guðmundsson