Strandapósturinn - 01.06.2020, Side 124

123
Gréta Húnfjörð Sigurðardóttir
Hafnarfirði
Ferð Átthagafélags
Strandamanna
til Þýskalands og Póllands 2019
Það var kalt í veðri og hált á leiðinni á flugvöllinn sunnudagsmorguninn
15. september en hlý voru faðmlögin þegar ferðalangar úr hópi Stranda-
manna hittust í flugstöðvarbiðröðinni við að innrita sig og farangurinn.
Gleði skein af hverju andliti og auðséð að allir hlökkuðu til ferðalags og
samveru næstu daga.
Það lá þó við aðskilnaði strax í byrjun þegar galvaskur fararstjórinn
Emil Örn Kristjánsson ruddi sér braut út úr flugstöðvarbyggingunni
í Berlín með 48 Strandamenn á eftir sér. Óframfærinn pólskur bílstjóri
stóð þar með skilti sem á stóð ,,Strandamannaferð¨. Hluti hópsins staldr-
aði við og ákvað síðan að fylgja honum þó ekki næðist að stöðva hina
sem hurfu í fjarska og sinntu engum köllum frá þeim sem töldu sig hafa
valið rétt. Bílstjórinn leiddi sinn hóp fljótt og vel að rútunni en Emil fór
einhverja fjallabaksleið með sinn hluta sem skilaði sér þó í rútunna um
síðir og haldið var af stað í fyrsta hluta ferðarinnar sem var 350 km leið
til Wroclaw. Emil sagði frá helstu staðháttum, fyrst í Berlín og síðan í
Póllandi, þegar komið var yfir landamærin. Það kom fljótlega í ljós að þau
Jónas og Magga voru með í för að venju og fengu sögur af þeim að fljóta
með öðru hvoru. Stansað var tvisvar á leiðinni, í fyrra skiptið í Þýskalandi
og seinna þegar komið var inn í Pólland og strax kom í ljós verðmunur á
vörum og þjónustu í þessum löndum.
Wroclaw, sem hét áður Breslau, er gömul og falleg háskólaborg sem
stendur við ána Odra. Borgin var undir þýskum yfirráðum en var lögð
undir Pólland eftir stríð en hefur gegnum tíðina verið undir yfirráðum
ýmissa þjóða. Wroclaw er fjórða fjölmennasta borg Póllands og stór að