Strandapósturinn - 01.06.2020, Síða 126

125
mætti borða 11 þeirra en ekki þá tólftu. Yrðu þá alltaf 12 núðlur í skálinni
á hverjum morgni. Hann vaknaði, sá skálina og borðaði 11 núðlur strax en
gat ekki stillt sig og ætlaði að borða þá síðustu líka en hún skoppaði frá
honum upp á bogann og varð að steini. Boðskapur sögunnar: Alltaf að
hlýða konunni, jafnvel þótt hún sé dáin.“
Undir lok seinni heimsstyrjaldarinnar var setið um borgina í 80 daga
og fór hún mjög illa í loftárásum þegar Rauði herinn gerði árásir á leið
sinni til Berlínar. Borgin hefur hins vegar verið endurnýjuð mikið síðan og
virðast þar vera mikil umsvif.
Okkur var bent á litlar dvergastyttur, sem eru um alla borg. Á borgar-
kortinu stendur að þær séu alls 382. Fyrstu styttunni var komið fyrir í
miðbænum árið 2001 og er tákn Appelsínugulu hreyfingarinnar eða Sam-
stöðu, sem var pólsk andkommúnista hreyfing, stofnuð i Wroclaw af Lech
Walesa og félögum, sem unnu svo fyrstu frjálsu kosningarnar þar í landi.
Borgarstjórinn í Wroclaw fékk svo listamann árið 2005 til að gera fimm
dvergastyttur í viðbót til að viðhalda minningunni um „byltinguna“ og
skapa einhverskonar hefð. Þær fengu sess á mismunandi stöðum og eru nú
dreifðar um alla borg.
Eftir að rútan var yfirgefin var gengið að Salttorginu og Ráðhúsinu.
Síðan var frjáls tími fram að kvöldverði á hótelinu. Nú var tækifæri til
að leita uppi dvergastyttur og voru þessar styttur mikið myndaðar og
leyndust víða.
Það var ekki mjög hlýtt þegar stundvísir Strandamenn lögðu upp frá
Wroclaw þriðjudaginn 17. september á leið suður á bóginn til Krakár. Við
áttum bókaða skoðunarferð um Auschwitz kl. 14:00 og vildi bílstjórinn
hafa tímann fyrir sér. Hann átti von á töfum vegna vegaframkvæmda
en svo varð þó ekki og við komin langt á undan áætlun. Við fengum
skoðunarferðinni flýtt um 50 mínútur svo biðin var ekki löng. Skipt var
upp í smærri hópa og talaði annar leiðsögumannanna góða ensku en hinn
ekki og fór Emil með honum til að túlka. Eftir á að hyggja var ef til vil
best að skilja sem minnst svo hryllingurinn næði ekki heljartökum á manni
þegar gengið var um þessar vistaverur þar sem þúsundir höfðu mætt
örlögum sínum. Sumir fóru beint í dauðann aðrir í þrældóm meðan þeir
höfðu þrek og krafta til. Þeir komu alls staðar frá og voru af ýmsum þjóð-
ernum þó aðallega Gyðingar, Sígaunar, Pólverjar og sovéskir stríðsfangar