Strandapósturinn - 01.06.2020, Síða 132

131
Ákveðið var að stofna einkahluta-
félag um rekstur verslunar í Norður-
firði. Íbúar höfðu verið án verslunar
frá því um haustið 2018 og höfðu því
fengið mat og aðrar nauðsynjar með
flugi. Flugið hafði gengið svona upp
og ofan eins og fyrr segir svo það var
mjög mikilvægt að koma búðinni í
gang sem fyrst. Íbúum Árneshrepps
stóð til boða að gerast stofnfélagar með því að kaupa hlut í félaginu. Hvert
hlutabréf kostaði 25.000 kr og var fólki heimilt að kaupa fleiri en eitt
hlutabréf. Stofnfundur átti að vera 29. janúar en honum var frestað til
1. febrúar vegna ófærðar en Vegagerðin opnaði veginn þann 31. janúar.
Fjölmargir höfðu áhuga á að vera með í að stofna félag um verslunar-
rekstur og söfnuðust 5.200.000 kr í hlutafé og hluthafar voru 70 manns.
Hver og einn mátti bara kaupa fjóra hluti svo tryggð væri jöfn eignaraðild.
Félagið fékk nafnið Verzlunarfélag Árneshrepps. Byggðastofnun gaf loforð
um styrkveitingu til reksturs verslunar í Árneshreppi en fimm aðrir staðir
á landinu fengu líka sambærilega styrki.
Fósturvísatalning fór fram 18. mars og mætti Guðbrandur Þorkelsson á
Skörðum í Dalasýslu norður til þess verkefnis. Þetta var í níunda skipti sem
fósturvísatalning á fé hefur verið framkvæmd á þennan máta.
Fyrri hluta aprílmánaðar var veður sæld og fór hiti upp í 13 gráður suma
daga. Um miðjan mánuð fór aðeins að kólna aftur.
Í maí mætti svo Frumherji til Hólmavíkur og þá gátu heimamenn farið
með bíla sína í skoðun. Þeir hjá Frumherja koma bara einu sinni á ári svo
allir verða að nýta tækifærið. Sauðburður hófst 5. maí og þá var auðvitað
í nógu að snúast. Veðrið var ekki mjög gott og voru snjóél annað slagið í
bland við súld og þoku. Sauðburður var bara á 4 bæjum þetta árið.
Júnímánuður hófst með snjókomu og voru hálkublettir á vegum norður
í Árneshreppi en þetta sumar var óvenju leiðinlegt veðurfarslega séð. Það
var samt alveg nóg um að vera í hreppnum. Leikfélag Hólmavíkur kom og
flutti leikritið Nanna systir þann 8. júní og tókst það sérstaklega vel.
Á hvítasunnudag var nýja búðin opnuð í fyrsta sinn. Árný Björk Björns-
dóttir var ráðin verslunarstjóri og stóð hún vaktina í allt sumar. Formleg
Merki Verslunarfélags Árneshrepps.