Bændablaðið - 07.10.2021, Blaðsíða 36

Bændablaðið | Fimmtudagur 7. október 202136
Húnavatnshreppur ásamt bænd-
um innan Fjallskiladeildar
Grímstungu- og Haukagilsheiða
reistu nú í sumar nýjan gangna-
mannaskála á Grímstunguheiði.
Einar Kristján Jónsson, sveit-
arstjóri Húnavatnshrepps, segir að
hreppurinn hafi borgað bygginguna,
en hún var reist með mikilli sjálf-
boðavinnu bænda í fjallskila-
deildinni sem þar áttu ófá handtök.
Þeir sáu einnig um að reisa nýtt
hesthús við skálann og er það um
120 fermetrar að stærð.
Um 500 fermetrar að stærð
Einar segir að húsið hafi verið
keypt á síðasta ári af verktaka sem
vann við gerð Vaðlaheiðarganga
og var það sótt til Eyjafjarðar
og flutt þaðan á áfangastað.
Gangnamannaskálinn er sam-
settur úr 10 skálaeiningum með
29 gistiherbergjum, snyrtingum,
matsal og eldhúsaðstöðu og er rétt
um 500 fermetrar að stærð. Mörg
herbergjanna eru tveggja manna
þannig að rými er fyrir um 50
manns í húsinu.
Nýi gangnamannaskálinn var
tekinn í gagnið við smalamennsku
nú í haust og reyndist vel. Mikið
fjölmenni þarf til að smala afrétt-
inn sem er mjög stór og nær niður
að Langjökli. Smalamennska tekur
nokkra daga, farið er upp á heiði á
sunnudegi og jafnan komið niður
á fimmtudagskvöldi.
Einar segir að með tíð og tíma
standi til að leggja niður þrjá skála,
Álkuskála, Fljótsdragaskála og
Öldumóðuskála, og nýta nýja
skálann í þeirra stað. /MÞÞ
Sauðfjárbændur í Vatnsdal þurfa
að smala sínu fé allt að 70 km leið í
Undirfellsrétt, en frá Langjökli að
Undirfellsrétt er nálægt 70 km. Að
þessum sökum eru gangnamenn í
4–5 daga að smala afréttinn.
Í fyrstu var notast við grjóthlaðna
torfkofa og tjöld, en í kringum 1960-
65 voru gamlir strætisvagnar og
rútur dregnar suður á heiði og bílarn-
ir notaðir allt til 1977 og 1978 þegar
gerðir voru þrír gangnamannaskálar,
í Fljótsdrögum, Öldumóðuskáli og
Álkuskáli, allir án rafmagns og hit-
aðir með gasi.
Í sumar var fjárfest í vinnubúðun-
um sem starfsmenn Vaðlaheiðarganga
notuðu við gangnagerðina og voru
vinnubúðirnar fluttar um 20 km upp
á Grímstunguheiði og settar saman,
keypt ljósavél og smíðað hesthús.
Vinnuframlagið var að mestu bænd-
ur í Vatnsdal sem fóru ófáar ferðir
fram á heiðina.
Prúðbúnir bændur
vígðunýja skálann
Sunnudaginn 5. september mættu í
sparifötunum bændur í Vatnsdal og
tóku þennan nýja skála í notkun.
Þetta var líka fyrsta kvöldið í fimm
daga smölun þeirra 13 undanreið-
manna sem fara lengst, en fyrsti
smölunardagur er frá Langjökli
(oftast nefnt Fljótsdrög af heima-
mönnum). Nýi skálinn getur tekið
á milli 30 og 40 manns. Herbergin
eru 30, bæði eins og tveggja manna,
ágætlega rúmgóð og allir geta farið
í sturtu eftir langan smölunardag.
Góð eldunaraðstaða er í skálanum,
matsalurinn tekur nálægt 40 manns
í sæti og eru tvær litlar setustofur
þar til viðbótar.
Tvö í stórum skála að þrífa þegar
Bændablaðið truflaði þrifin
Þegar tíðindamaður Bænda-
blaðsins kom í heimsókn fimmtu-
daginn 9. september var matráðs-
konan Sigþrúður Sigfúsdóttir
að þrífa skálann ásamt Bjarna
Kristinssyni eftir þessar fjórar nætur
sem gangnamenn höfðu notað nýja
skálann. Aðspurð hvernig gangna-
mönnum hafi líkað vistin fannst
þeim að þessi nýi skáli hafi staðið
vel undir væntingum. Eftir stutt
spjall og kaffibolla var tími kom-
inn á að kveðja og hætta að trufla
vinnandi fólk, en að lokum, til ham-
ingju, Vatnsdælingar, með glæsi-
legan gangnamannaskála. /H.L.J.
LÍF&STARF
Gangnamannaskálinn er samsettur úr 10 skálaeiningum með 29 gistiherbergjum, snyrtingum, matsal og eldhús-
aðstöðu og er rétt um 500 fermetrar að stærð. Mynd / Bjarni Kristinsson
Í fyrstu var notast við grjóthlaðna torfkofa og tjöld, en í kringum 1960–65 voru gamlir strætisvagnar og rútur dregnar
suður á heiði og bílarnir notaðir allt til 1977 og 1978 þegar gerðir voru þrír gangnamannaskálar, í Fljótsdrögum,
Öldumóðuskáli og Álkuskáli, allir án rafmagns og hitaðir með gasi.
hlöðnum torfkofum
Þegar tíðindamaður Bændablaðsins kom í heimsókn fimmtudaginn 9. sept-
ember var matráðskonan Sigþrúður Sigfúsdóttir að þrífa skálann ásamt
Bjarna Kristinssyni eftir þessar fjórar nætur sem gangnamenn höfðu notað
nýja skálann. Mynd / HLJ
Sunnudaginn 5. september mættu bændur í Vatnsdal í sparifötunum inn á Grísmtunguheiði og tóku nýja gangnamannaskálann í notkun. Þetta var líka
fyrsta kvöldið í fimm daga smölun þeirra 13 undanreiðmanna sem fara lengst, en fyrsti smölunardagur er frá Langjökli. Mynd / Bjarni Kristinsson
Í sumar var fjárfest í vinnubúðunum sem starfsmenn Vaðlaheiðarganga notuðu
við gangagerðina og voru vinnubúðirnar fluttar um 20 km upp á Grímstungu-
heiði og settar saman, keypt ljósavél og smíðað hesthús.
Myndir / Hjálmar Ólafsson