Bibliotheca Arnamagnæana - 01.06.1943, Blaðsíða 17

XV
mortis illorum : nec deprehenditur error, prius quam disparuerint vmbræ.
Sed hæc aut fabulosa sunt, aut certe Dæmonum ludibria. Ipse Ionas
fabulosa putat.
13. Grantzius Islandos specus plerumque habitare scribit, ad mon-
tium latera excavatis mansiunculis. Quod idem quoque Olaus asserit,
in primis tempore brumali. Ex ossibus piscium domos exstruunt, penuria
lignorum. Contra Ionas, dicit hic templa et domicilia exstare satis multa
ex ligno, cespite, et saxis satis magnifica et sumptuosa.
14. Duos håbet Insula Episcopatus Cathedrales, Holam sub quo
sunt Monasteria Pingora, Remested, Modur, Munkeniere: Scalholt cui
Monasteria subsunt Videy, Pyrnebar, Kirckebar, et Skirda. Ex Vellei
huius tabulæ auctoris tamen scriptis intelligitur novem in ea esse mona-
steria : et templa praeterea trecenta viginti nouem. Episcopi autem ex
Academia Haffniensi eo mittuntur, quorum alter boreali Insulæ parti
praeest, alter Meridionali. Ac vterque Gymnasium publicum aedibus
adiunctum håbet, in quo viginti quatuor pueros suo sumptu alere et
erudire tenetur.
15. Incolae communi tecto, victu et strato gaudent cum iumentis.
In simplicitate sancta vitam agunt, cum nihil amplius quærant quam
quæ natura concedit. Nam et montes habent pro oppidis, vt diximus,
et fontes pro delitijs. Beata gens, cuius paupertati nemo invidet, et inde
beatior quod Christianismum acceperit.
16. Sed merca tores Angli et Dani quiescere gentem et suo con ten tam
esse non sinunt. Nam ob piscaturam euehendam, Insulam hane fre-
quentantes, cum mercibus omnigenis vitia quoque nostra invexerunt.
Res maiorum memorabiles carminibus celebrant, vel scopulis insculptas
vindicant ab obliuione. Piscibus vt plurimum victitant, quibus quoque
exsiccatis et contusis, tanquam in farinam redaetis, loco panis in mensa
vtuntur: lautiores autem pane bis cocto. Potus olim aqua, ditioribus
lac: nunc autem fruges aliunde allatas huic miscere didiceruntj et
simplicis vndæ, postquam exteri cum ijs negotiari cæperunt, oderunt
haustum, Lubecenses enim, Hamburgenses, et Rostochienses quotannis
hane insulam navibus suis frequentantes eo deferunt farinam, panem,
cereuisiam, mulsum, vinum, pannos Anglicos, lintea, ferrum, chalybem,
aurum, argentum, mulierum vittas et ligna in vsum ædificiorum et
navigiorum: exportant pro his pannum Islandicum (vulgo watman)
magnas sulphuris effossi moles, pisces induratos, butyrum, sebum, vellera,
ferarum pelles, vulpes, falcones albos, equos, et alia istiusmodi. Piscium