Bibliotheca Arnamagnæana - 01.06.1943, Qupperneq 48

eosdemqve velocissimos, qvibus vescatur, capit. Idqve mirå naturæ
solertiå: Passo corpore fundo se applicat: mox nitore vastissimæ
molis laté diffuso adnatat undiqve immensum piscium agmen et
resupinæ belluæ gregatim insidet: qvoad illa ingentem inhærentium
multitudinem diducto oris hiatu deglutit. Ita natura in sustentationem
sui prona est et perita! Est et nautis et imprimis piscatoribus et
hamiotis, qvi e scaphis pisciculos captant, valdé formidabilis et
infesta.
Sed pergo ad postremam, qvam in hoc nostro Oceano au thores
ponunt, cetorum speciem: qvæ ab iis corruptå voce Seevant nomina-
tur, cum Sionaut dicendum esset, vel etiam usitatius Nauthuele. Ita
vocamus cete grandia, qvæ mugitum instar boum edunt, qvasi dicas:
Bos marinus. Ad eundem modum Hrosshuale appellamus, qvæ more
eqvorum hinniunt et juba eqvina conspicui sunt: Hros enim nobis
eqvum significat. Sic Svijnhuele, qvæ grunnitum more suum tollunt.
Atqve ejusmodi fere infinita miracula illa montium nostrorum, ut
et glaciei marinæ ab exotericis scriptoribus usqve ad ravim decantata,
qvantulum veri et qvantum falsi habeant, singulari industriå dudum
aperuit atqve examinavit clariss. Arngrimus nostras Commentarii
parte 41 sect. 7 et seqventibus. Qvocirca si eå de re longam jam denuo
instituerem orationem, nihil aliud qvam actum agerem: sufficit
monuisse vera esse qvæcunqve a Dn. Arngrimo eadem de re scripta
sunt.
10. Eruptiones flammarum de monte Hecla bis terve mea ætate
contigerunt, qvi nunc præcise attigi annum qvinqvagesimum. Ab eå
sedes episcopalis, Skalholt, qvæ est in australi Islandia III2 milliar.
distat. Est et villa qvædam in vicinio nomine Næfurholt duorum
saltem milliarium spatio a monte dissita. Qvocirca et hic immane
qvam errat cum suis asseclis Agricola.
Memoria etiam complector montem qvendam ad littus meri-
dionalis Islandiæ situm, non procul å monasterio bikvabæ horrenda
vi et violentia ignis subterranei, nec non ardentis sulphuris disruptum
ea ex parte, qva mare spectabat, in mare corruisse annis abhinc
circiter XXX qvo tempore ego e patria in Daniam navi vehebar.
Jamqve nauclerus conjectabat nos LXXX milliaribus ab Islandia
1 Sic cod. (pro 1). 2 In margine: NB 4.