Morgunblaðið - Sunnudagur - 20.03.2022, Blaðsíða 2

Segðu mér frá nýju þáttunum þínum.
Ég gerði fjórar stuttar myndi sem heita Sögur sem breyta
heiminum, mjög svo hógvær titill. Þetta eru í raun portrett af
fjórum einstaklingum, viðtal og ljósmyndir. Þau eiga það
sameiginlegt að einhver atburður eða ákvörðun breytti lífi
þeirra til frambúðar. Ég byrja með því að spyrja bara: Hvað
gerðist?
Hvaða fólk er þetta og hvernig fannstu það?
Þetta er ekki landsþekkt fólk, en þau eiga öll sögu sem gerði
líf þeirra stærra og betra. Ég hef alltaf á ferlinum haft augu
og eyru opin og þá rekur á fjörurnar fólk sem vekur áhuga
manns.
Hvernig vannstu þessa þætti?
Viðmælendur komu til mín í ljósmyndastudíó og ég tók af þeim
portrett og viðtal um leið, en svo sjáum við einnig senur úr lífi
þeirra. Hver þáttur, sem er fimmtán mínútna langur, endar á því
að sýnd er portrettmynd af viðmælandanum sem við höfum þá
kynnst í gegnum myndina.
Er ekki óvenjulegt að taka portrett í miðju viðtali?
Jú, en ein ljósmynd getur sagt svo margt. Mig langaði að setja ljós-
myndir inn í sögurnar því um leið og ljósmynd sést, kemur einhver
kyrrð í frásögnina. Um leið langaði mig að hverfa aftur til þeirrar
hefðar þegar fólk kom í stúdíó og lét taka af sér ljósmynd, sem eng-
inn gerir lengur. Það verður einhver athöfn úr því. Ljósa- og
myndatökumeistarinn Bjarni Felix blessaði þetta svo með sinni
frábæru vinnu.
Er von á fleiri þáttum?
Já, það eina sem ég kann er að halda áfram. Búa til meira,
spyrja meira. Sögur fólks falla aldrei úr gildi.
Morgunblaðið/Árni Sæberg
ÞORSTEINN J.
SITUR FYRIR SVÖRUM
Að breyta
heiminum
Í FÓKUS
2 MORGUNBLAÐIÐ SUNNUDAGUR 20.3. 2022
Verið velkomin
í sjónmælingu
Hamraborg 10, Kópavogi, sími 554 3200
Opið: Virka daga 9.30–18, laugardaga 11-14
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Þ
að er góð spurning; ég hef einmitt verið að ræða þetta við eiginkonu
mína,“ svaraði breski blaðamaðurinn Tim Judah, þegar ég spurði
hann á föstudaginn fyrir viku hvað hann ætlaði sér að vera lengi í
Kænugarði, þaðan sem hann hafði skrifað frá upphafi innrásar Rússa.
„Staðreyndin er sú að þetta er stærsta fréttin í heiminum í dag; þannig að
það er ekki auðvelt að láta sig hverfa núna. En til að svara spurningunni þá
skulum við orða þetta svona: Ég fer um leið og mér finnst ég ekki vera
öruggur lengur. Það er heldur ekki eins og ég sé eini blaðamaðurinn hérna;
við erum fjölmörg. Að því sögðu þá
er dauður blaðamaður auðvitað
gagnslaus. Þannig að þetta þarf að
vega og meta frá degi til dags,“
bætti hann við og strauk hendinni
yfir þreytulegt andlitið á hótel-
herbergi sínu í Kænugarði. Mætt
hafði á honum.
Daginn eftir að viðtalið birtist á
fréttavef Morgunblaðsins varð mér
hugsað til Tims en þá barst frétt
þess efnis að bandarískur blaðamað-
ur, Brent Renaud, hefði verið skot-
inn til bana í bænum Irpin, rétt hjá
Kænugarði, þar sem Tim hafði verið
að afla efnis skömmu áður. Annar
særðist. Fleiri kollegar hafa fallið síðan. Ég heyrði síðast í Tim á fimmtudag-
inn. Þá var hann enn í Kænugarði og leið sem fyrr eins og hann væri örugg-
ur. Sókn Rússa hefði tafist; þeir hefðu hvorki komist lönd né strönd.
Það er mikið á sig lagt til að flytja heiminum fréttir af því sem er að gerast
í stríðinu í Úkraínu – líf og limir eru bókstaflega undir. Hugrekki, segja sum-
ir. Fífldirfska, segja aðrir. Gildir svo sem einu enda kjarni málsins sá að við
fáum vonandi gleggri mynd af gangi mála á vígstöðvunum og í grennd við
þær en ef upplýsingamiðlun væri bara á hendi rússneskra og úkraínskra
yfirvalda. Blaðamennirnir sem þarna eru staddir eiga mikið lof skilið.
Hugsið ykkur stöðuna í Rússlandi, eins og hún blasir við okkur. Árið 2022
fá landsmenn bara þær upplýsingar sem stjórnvöldum eru þóknanlegar og
þau telja óhætt að miðla. Búið er að banna vestræna fréttamiðla og allt að 15
ára fangelsi bíður þeirra sem ekki nota „rétt“ orð um stríðið.
Í þessu ljósi kemur ekki á óvart að Marína Ovsjanníkova hafi heillað
heimsbyggðina með framgöngu sinni þegar hún mótmælti stríðinu í beinni
útsendingu rússneskrar ríkisstöðvar og baðst afsökunar á að hafa borið út
lygar. Sá gjörningur hlýtur að hafa vakið einhverja landa hennar til umhugs-
unar. Hvort það skilar sér í auknum mótmælum mun tíminn leiða í ljós.
Enn þá öruggur
í Kænugarði
Pistill
Orri Páll Orm-
arsson
orri@mbl.is
’
Það er mikið á sig lagt
til að flytja heiminum
fréttir af því sem er að
gerast í stríðinu í Úkra-
ínu – líf og limir eru
bókstaflega undir.
Bryndís Guðmundsdóttir
Lakkrís í öllu formi.
SPURNING
DAGSINS
Hvað er
besta
nammið?
Þór Sigurgeirsson
Lakkrís, hann er stórhættulegur og
ég má eiginlega ekki borða hann.
Alma Sigrún Sigurgeirsdóttir
Alls konar súkkulaði.
Adolf Ársæll Gunnsteinsson
Harðfiskur og hákarl.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Fjórir nýir þættir Þorsteins J., Sögur sem breyta
heiminum, eru nú komnir í Sjónvarp símans. Bjarni
Felix Bjarnason sá um kvikmyndatöku og lýsingu.