Morgunblaðið - Sunnudagur - 20.03.2022, Blaðsíða 22

22 MORGUNBLAÐIÐ SUNNUDAGUR 20.3. 2022
KNATTSPYRNA
Þ
egar hann var strákur varði
Frenkie de Young mörgum
sumarfríum með fjölskyldu
sinni á tjaldsvæði nærri L’Escala í
Katalóníu, þar sem gestir og gang-
andi fengu á undan öðrum að njóta
þess að sjá hann spila á spænskri
grund. Annað veifið var kíkt í heim-
sókn á Camp Nou og ungi maðurinn
ákvað hver draumaáfangastaður
sinn sem knattspyrnumanns væri.
Fyrir þremur árum skrifaði mið-
vellingurinn knái undir drauma-
samninginn við Barcelona. Hvernig
hefur þessi tími verið?
„Ég er bara glaður að vera hjá
Barcelona enda hefur mig langað að
vera hérna frá unga aldri. Draum-
urinn hefur ræst. Því er hins vegar
ekki að neita að ég hefði viljað vera
búinn að vinna fleiri titla en við gerð-
um fyrstu tvö árin. Ég bjóst við
meiru, orðum það bara þannig. Þess
utan er ég hæstánægður hérna og
verð vonandi um ókomin ár.“
– Hvernig var að koma hingað,
talaðirðu þegar spænsku?
„Já, vegna þess að eftir að ég
skrifaði undir hjá Barcelona í janúar
2019 var ég áfram í fimm mánuði hjá
Ajax og notaði tímann vel til að
sækja spænskutíma í Hollandi. Fyr-
ir vikið gat ég bjargað mér á
spænsku þegar ég kom hingað til
Barcelona. Ég talaði hana ekki reip-
rennandi, en ég gat gert mig skiljan-
legan og skilið hvað hinir leikmenn-
irnir voru að segja. Ég gerði með
öðrum orðum allt á spænsku og get
ekki sagt annað en að allir hafi að-
stoðað mig eftir bestu getu. Auðvit-
að breyttist margt út af því að ég
hafði aldrei búið erlendis áður. Mér
var hins vegar mjög vel tekið og leið
strax eins og ég væri hluti af hópn-
um. Það hjálpaði líka til að ég komst
strax í byrjunarliðið, þannig að um-
skiptin gengu hratt og örugglega
fyrir sig.“
Fékk strax sms frá Busquets
– Hvaða leikmenn studdu við bakið á
þér umfram aðra?
„Þegar ég skrifaði undir fékk ég
strax sms frá Sergio Busquets.
„Frábært að fá þig og ef þig vantar
aðstoð þá er ég alltaf til staðar,“
sagði hann. Um leið og ég kom til
borgarinnar var hann fljótur að
benda mér á veitingastað og panta
borð fyrir mig og unnustu mína,
Mikky. Ekki nóg með það, hann lét
eigandann líka vita að við værum að
koma, þannig að þeir báru okkur á
höndum sér. Ég kunni að meta
þetta, ekki síst í ljósi þess að Bus-
quets leikur svo að segja sömu stöðu
og ég á vellinum og gæti hafa litið á
mig sem ógnun við sig.“
– Fannstu strax fyrir samkeppni
frá öllum í liðinu?
„Nei, ég fékk það aldrei á tilfinn-
inguna. Fann ekki að nokkur maður
hugsaði: „Jæja, hérna er nýr mið-
vellingur mættur sem gæti þýtt
minni leiktíma fyrir mig.“ Þvert á
móti voru allir mjög hjálplegir enda
hugsa menn einfaldlega: Þeir bestu
spila og enginn getur haft áhrif á
það nema ég sjálfur. Það er ekki eins
og að öðrum sé um að kenna ef mað-
ur er ekki að spila. Þannig finnst
mér menn yfirleitt upplifa það.“
– Heimsfaraldurinn setti margt úr
skorðum fyrsta veturinn sem þú
varst hjá Barcelona. Hvernig horfir
þú á þann tíma?
„Ég man að við spiluðum heima
gegn Sociedad – leik sem við unnum
– og eftir það var deildinni slegið á
frest. Við hættum líka að æfa um
óákveðinn tíma. Væntingar manna
stóðu til þess að við gætum byrjað að
æfa aftur innan tveggja vikna og að
deildin færi aftur af stað eftir þrjár
til fjórar vikur, en síðan leið bara og
beið og skilaboðin urðu sífellt nei-
kvæðari. Sjálfur náði ég að skjótast
til Hollands, rétt áður en girt var
fyrir öll ferðalög, og við biðum þar
þangað til við urðum að snúa til
baka.“
Heyrði hvað allir sögðu
– La Liga byrjaði loks aftur í júní.
Hvernig var að leika á tómum leik-
vöngum?
„Það var mjög undarlegt, sér í lagi
til að byrja með enda áttum við
þessu ekki að venjast. Skyndilega
heyrði maður hvað allir voru að
segja. Þegar þjálfarinn er hinum
megin á vellinum heyrir maður ekki
orð sem hann segir en núna heyrði
maður allt. Svo var það bergmálið –
eins og í hornspyrnum – þegar menn
öskruðu. Það fór svo allan hringinn.
Fólk heima í stofu heyrði þetta að
vísu ekki vegna þess að gervihljóð
voru notuð í útsendingunum. Þegar
upp var staðið varð þetta bara norm-
ið, við gerðum þetta svo lengi. Það er
hins vegar ekkert launungarmál að
án andrúmsloftsins á völlunum nær
adrenalín leikmanna ekki sömu hæð-
um.“
– Á þínu öðru tímabili unnuð þið
konungsbikarinn og komust nálægt
því að vinna La Liga. Tvö jafntefli og
ósigur í seinustu fjórum leikjunum
þýddi að þið rétt misstuð af lestinni.
Sumir halda því fram að tapið gegn
Granada, sex leikjum fyrir mótslok,
hafi verið banabitinn. Ertu sammála
því?
„Ég, ég held það. Við vorum langt
á eftir en komumst síðan á mikla
siglingu og færðumst nær og nær.
Þá kom að leiknum við Granada en
hefðum við unnið hann hefði topp-
sætið verið okkar. Það hefði breytt
öllu að komast á toppinn, ekki síst
andlega, og slegið hin liðin út af lag-
inu. Maður veit svo sem aldrei en ég
er sannfærður um að hefðum við
unnið leikinn hefðum við átt mjög
góða möguleika á að verða meist-
arar.“
Sá besti frá upphafi
– Síðasta sumar yfirgaf Lionel Messi
félagið mjög óvænt. Hvar varstu
staddur þegar þú fékk þær fréttir?
„Ég var að sækja föður minn og
bróður á flugvöllinn þegar ég fékk
skilaboðin. „Messi er að fara frá
Barcelona.“ Til að byrja með trúði
ég þessu ekki en fljótlega fengum
við vísbendingu um hvað væri í raun
og veru á seyði. Það hafði verið orð-
rómur á kreiki en ég tók aldrei mark
á honum. Þess vegna var þetta skell-
ur.“
– Hvaða áhrif hafði þetta á félag-
ið?
„Hann var andlit félagsins. Þann-
ig að þegar hann fór – eftir allt sem
hann hafði gert fyrir félagið – var
það þungt högg fyrir alla. Við sökn-
um hans enn þá. Þegar maður af
þessu tagi er ekki lengur til staðar
gjörbreytist allt sem hendi sé veif-
að.“
– Hvernig var að vera allt í einu án
hans inni á vellinum? Hélduð þið
samt ósjálfrátt áfram að leita að
honum?
„Þegar þú ert með svona mann í
liðinu þínu reynirðu vitaskuld að
finna hann eins oft og kostur er –
þannig að leikurinn lagar sig ósjálf-
rátt að honum, sem eðlilegt er. Eftir
að hann fór þurftum við að endur-
skipuleggja okkur, bæði sem ein-
staklingar og lið. Að mínu viti er
hann sá besti á svo til öllum sviðum
fótboltans. Hvort sem við vorum að
æfa slúttið okkar, stöðuskilning eða
hvað sem var, alltaf var hann bestur.
Ekkert sem um hann hefur verið
sagt er oflof; í mínum huga er hann
sá besti frá upphafi.“
Getur lært margt af Xavi
– Fáeinum mánuðum eftir brott-
hvarf Messis leysti Xavi Ronald
Koeman af sem þjálfari liðsins. Hafa
æfingarnar breyst mikið?
„Sumt hefur ekkert breyst, enda
leikur Barcelona alltaf með
ákveðnum hætti, burtséð frá því
hvað þjálfarinn heitir. En allir þjálf-
arar eru með sínar áherslur.“
– Hefurðu fengið einhver per-
sónuleg ráð frá Xavi sem hafa hjálp-
að þér á vellinum?
„Við erum vitaskuld báðir miðvell-
ingar að upplagi í svo til sömu stöðu,
þannig að í þeim skilningi getur
hann kennt mér margt. Við stingum
stundum saman nefjum á skrifstof-
unni hans og hann sýnir mér mynd-
bönd úr leikjunum mínum. Hann út-
skýrir hvernig hitt og þetta blasir
við honum og hvað ég geti gert til að
bæta mig. Við horfum á brot af því
hvernig ég staðset mig og hvernig
best sé að leysa hinar og þessar
stöður sem koma upp í leikjum og
taka bestu ákvarðanirnar. Þetta hef-
ur hjálpað mér mikið, maður áttar
sig betur á því hver staðan er hverju
sinni og hvað sé best að gera. Við
horfum aftur og aftur á sömu brotin,
þannig að þetta síast allt inn.“
Vill vera mikið í boltanum
– Þú hefur leikið margar stöður hjá
Barcelona; varst meira að segja not-
aður sem miðvörður um skeið hjá
Koeman – og stóðst þig vel. En hver
er þín uppáhaldsstaða?
„Það er ekkert endilega einhver
ein ákveðin staða sem ég vil helst
spila. Að því sögðu þá finnst mér ég
hafa mest fram að færa í stöðum,
þar sem ég er mikið í boltanum og
þar af leiðandi vel inni í leiknum. Það
er þá helst á miðjunni, þar sem ég
má detta til baka til að sækja bolt-
ann og hefja uppbygginguna.“
– Þú nefndir Sergio Busquets áð-
an, sem leikur stundum í sömu stöðu
og þú. Hvernig myndir þú skilgreina
hans leik?
„Hann er frábær leikmaður. Allir
vita að hann er góður á boltanum en
hann er ekki síðri án hans. Ég held
að fáir átti sig á því hversu marga
bolta hann vinnur og hversu vel
hann staðsetur sig þegar við erum
án boltans.“
– Ykkur hefur gengið ágætlega að
undanförnu. Kannski var 4:2-
sigurinn á Atletico vendipunkturinn.
Hvað finnst þér um þann leik og
hver eru markmiðin fram á vorið?
„Á þeim leik var leikvangurinn
svo gott sem fullur aftur, andrúms-
loftið var gott og margt jákvætt á
seyði, rautt spjald og mörg mörk –
sum hver glæsileg. Markmiðið er
alltaf að vinna öll mót sem við tökum
þátt í. Úr þessu verður erfitt að
vinna La Liga en við höfum sett
stefnuna á að vinna Evrópudeild-
ina.“
Frá því að hann komst fyrst í liðið
hjá Ajax hefur Frenkie de Jong allt-
af verið númer 21. Það er virðingar-
vottur við afa hans heitinn.
„Ég fékk að velja númerið mitt
hjá Ajax og valdi 21 vegna þess að
afi minn var fæddur 21. apríl. Þegar
maður er ungur eru efri númerin
oftast laus og 21 var eitt af þeim.
Mér hefur alltaf liðið vel með það á
bakinu og hef því haldið mig við
það.“
Hefði viljað vinna fleiri titla
Þrjú ár eru liðin frá því
að hollenski knatt-
spyrnumaðurinn
Frenkie de Jong skrifaði
undir draumasamning-
inn við Barcelona. Hér
lítur hann yfir feril sinn
á Spáni til þessa,
útskýrir hvernig Sergio
Busquets studdi hann
frá fyrsta degi, hvað
hann hefur lært af Xavi
og hvernig honum leið
þegar Lionel Messi
yfirgaf félagið.
Arthur Renard info@arthurrenard.nl
AFP
AFP
Frenkie de Jong lét
drauminn rætast og
gekk í raðir Barcelona.
De Jong saknar Lionels
Messis sárt enda sé hann
sá besti frá upphafi vega.