Morgunblaðið - Sunnudagur - 20.03.2022, Síða 18

inni en auk Telde er komið við á ólífubúgarði
og í litlu þorpi sem heitir Aguiner.
Stolt San Francisco er kirkjan San Juan
Bautista, eða Kirkja Jóhannesar skírara, sem
stendur við samnefnt torg í hjarta hverfisins.
Hún var upphaflega reist seint á 15. öld og
hliðið, sem er upprunalegt, er í Sevilla/
portúgalsk-gotneskum stíl. Turnarnir eru aft-
ur á móti í nýgotneskum stíl, reistir snemma á
síðustu öld. „Kirkjan er gríðarlega falleg, að
innan sem utan, og leynir á sér,“ segir Svana.
„Öllu er vel við haldið þarna og allt í þessum
dásamlega gamla stíl. Þetta er svolítið eins og
að ferðast aftur í tímann.“
Svana segir lífið og ferðaþjónustuna á Kan-
arí óðum vera að færast í fyrra horf eftir
heimsfaraldurinn. Auðvitað hafi eitt og eitt
fyrirtæki ekki lifað lokanirnar af en umferð
ferðamanna sé eigi að síður að verða eðlileg.
Enn er grímuskylda innandyra en Svana segir
engan kippa sér upp við það. „Það er bara
staðalbúnaður; bíllykillinn og gríman.“
Hún segir Íslendingana upp til hópa voða
glaða að vera farnir að ferðast aftur og margir
hafi framlengt dvöl sína á Kanarí í vetur, þeg-
ar þeir sáu að lífið er að mestu farið að ganga
sinn vanagang. Loksins, loksins.
Þessar tröppur þjónuðu forð-
um þeim tilgangi að hjálpa hefð-
arkonum að komast á hestbak.
Falin perla á Kanarí
Að koma í hverfið San Francisco í bænum Telde á Kanarí er eins og að ferðast aftur í tímann,
segir Svanhildur Davíðsdóttir fararstjóri, sem er nýfarin að bjóða upp á hópferðir þangað.
Myndir: Árni Sæberg saeberg@mbl.is Texti: Orri Páll Ormarsson orri@mbl.is
Í þessari litlu verslun í San Francisco má kaupa
ólífuolíu og vodka þráðbeint frá býli.
Maður á gangi í gamla
hverfinu við ólífugarðinn,
steinsnar frá kirkjunni.
Hjónin Svanhildur Davíðsdóttir og Karl Rafns-
son hafa verið fararstjórar á Kanarí í áratug.
Þetta tré í San
Francisco var ekki
gróðursett í gær.
Þ
egar hjónin Svanhildur Davíðsdóttir,
kölluð Svana, og Karl Rafnsson, kall-
aður Kalli, fararstjórar hjá Vita, fóru í
vetur að svipast um eftir nýjum stöðum á Kan-
arí, eða Gran Canaria, til að fara með hópa sína
á var þeim bent á San Francisco, einn elsta
hluta bæjarins Telde, sem er sá næststærsti á
eyjunni, á eftir Las Palmas.
Þau slógu til og sjá svo sannarlega ekki eftir
því. „Það er mjög fallegt þarna í San Francisco
og það sem meira er, við sjáum aldrei neina
aðra ferðamenn. Þannig að næðið er gott. Mér
skilst að það sé helst göngu- og hjólreiðafólk
sem kemur þarna við. Heimamenn hafa tekið
okkur opnum örmum, enda björgum við alveg
fjárhag bakarísins,“ segir Svana og hlær.
„Við erum búin að fara í fjórar ferðir nú þeg-
ar og ætlum í þá fimmtu á þriðjudaginn og fólk
hefur verið gríðarlega ánægt. Þetta er ekki
endilega það sem það bjóst við að sjá þegar
það kom hingað en eykur svo sannarlega við
upplifunina,“ bætir hún við en ríflega 40
manns eru jafnan í hverjum hópi.
„Við vorum þarna á mánudaginn í ekkert
sérstöku veðri en það eyðilagði ekki upplif-
unina.“
– Hvað kallar þú „ekkert sérstakt veður“?
„15 til 20 stiga hita og skúrir. Bara svona ís-
lenskt sumarveður,“ svarar hún hlæjandi.
Einmitt.
Svana og Kalli hafa starfað sem fararstjórar
á Kanarí í áratug og segir hún áhuga Íslend-
inga á því að skoða sig um á eyjunni hafa færst
í vöxt. Þau ætla því að bjóða áfram upp á þessa
ferð. Alla vega fram á vorið.
Ferðin hefst árla morguns á ensku strönd-
18 MORGUNBLAÐIÐ SUNNUDAGUR 20.3. 2022
FERÐALÖG