Morgunblaðið - 25.03.2022, Síða 2

2 FRÉTTIR
Innlent
MORGUNBLAÐIÐ FÖSTUDAGUR 25. MARS 2022
PORTÚGAL
SUMARSÓL Á ALBUFEIRA
ÚRVAL ÚTSÝN 585 4000 WWW.UU.IS INFO@UU.IS
INNIFALIÐ: FLUG, GISTING, INNRITAÐUR FARANGUR OG HANDFARANGUR
29. MAÍ - 07. JÚNÍ
CLUBE ALBUFEIRA 3*
SUPERIOR ÍBÚÐ
92.900 KR
Á MANN FULLORÐNA OG 2 BÖRN
29. MAÍ - 07. JÚNÍ
HOTEL NAU SALGADOS 5*
JUNIOR SVÍTA
VERÐ FRÁ127.900 KR
Á MANN FULLORÐNA OG 2 BÖRN
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Gísli Freyr Valdórsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Forsendunefnd Alþýðusambands Ís-
lands og Samtaka atvinnulífsins hefur
komist að niðurstöðu um greiðslu
hagvaxtarauka til launafólks. Ákveðið
var að hagvaxtaraukinn komi til
greiðslu 1. maí líkt og kveðið er á um í
kjarasamningum. Munu því launa-
taxtar hækka um 10.500 kr. og al-
menn laun um 7.875 kr. frá 1. apríl og
koma til greiðslu 1. maí.
Samtök atvinnulífsins voru mótfall-
in því að virkja ætti hagvaxtarákvæð-
ið við núverandi aðstæður og fóru
þess á leit við verkalýðshreyfinguna
síðastliðið haust og aftur í viðræðun-
um í yfirstandandi mánuði „að gert
yrði samkomulag um að hagvaxtar-
auki komi ekki til framkvæmda. Því
var hafnað með öllu,“ segir í umfjöllun
um málið á vef SA í gær.
Fram hefur komið að landsfram-
leiðsla á mann jókst um 2,53% á síð-
asta ári og hefur það þá þýðingu að
hagvaxtarauki kjarasamninganna
hefur verið virkjaður. Í umfjöllun ASÍ
er bent á að launagreining leiði í ljós
að launahlutfall í hagkerfinu hafi ver-
ið stöðugt á samningstímabilinu.
Samtök atvinnulífsins benda á að
þegar lífskjarasamningurinn var
gerður í apríl 2019 var útlit fyrir 1-
1,5% hagvöxt á hvern íbúa á hverju
ári samningstímans. Þessar spár
brugðust í kórónukreppunni og af því
leiði að svigrúm til almennrar kaup-
máttaraukningar minnkaði. „Samtök
atvinnulífsins hafa varað við því að
hagvaxtarákvæði Lífskjarasamnings-
ins komi til framkvæmda, enda fyrir-
tækin ekki í stakk búin til að taka á
sig frekari launahækkanir. Hækkun
launa 1. janúar sl. var langt umfram
svigrúm atvinnulífsins vegna breyttra
forsenda og hefur haft hvetjandi áhrif
á verðbólgu og vexti. Seðlabankinn
hefur varað við vaxandi verðbólgu
vegna ósjálfbærra launahækkana
sem kalli á hækkun stýrivaxta bank-
ans,“ segir í umfjöllun SA.
Launahækkanir
vegna hagvaxtar
- Alþýðusam-
bandið hafnaði
óskum SA með öllu
Morgunblaðið/Eggert
Atvinnulíf Hagvöxtur var 2,53% á
íbúa milli áranna 2020 og 2021.
Höskuldur Daði Magnússon
hdm@mbl.is
„Við erum búin að æfa í um það
bil þrjá mánuði. Eftir seinustu
tímaæfingar er ég orðinn vongóð-
ur að þetta muni ganga vel,“ segir
Sindri Guðbrandur Sigurðsson
matreiðslumaður sem tekur þátt í
Norðurlandamótinu í matreiðslu í
næstu viku.
Hópur Íslendinga heldur utan
um helgina en keppnin fer fram í
Herning í Danmörku. Sindri tekur
þátt í keppninni um matreiðslu-
mann Norðurlandanna, Gabríel
Kristinn Bjarnason reynir sig í
keppni ungkokka, Sveinn Steins-
son og Aþena Þöll Gunnarsdóttir
keppa í grænkeraflokknum og
Steinar Bjarnason keppir í fram-
reiðslu.
Keppendur þurfa að reiða fram
forrétt úr kjúklingi og rabarbara,
aðalrétturinn verður að vera
norsk lúða og eftirréttur skal inni-
halda hvítt súkkulaði og rauðróf-
ur. „Við sérpöntuðum okkur lúðu
frá Noregi til að æfa okkur.
Norska lúðan er aðeins feitari en
sú sem við fáum hér og hún er öll
í sömu stærð enda ræktuð,“ segir
Sindri sem er orðinn spenntur fyr-
ir keppninni.
„Já, ég held að flestir kokkar
vilji taka þátt í þessari keppni. Það
verður gaman að sjá hvar maður
stendur gagnvart öðrum á Norð-
urlöndunum.“
Keppnin um matreiðslumann
Norðurlandanna og ungkokka-
keppnin er sams konar. Þurfa þeir
Sindri og Gabríel að elda fyrir 12
manns á tíma. „Svo fáum við ein-
hvern danskan aðstoðarmann úti
sem hjálpar til við uppvaskið eða
það sem við treystum honum fyr-
ir.“
Sindri er 26 ára en hann útskrif-
aðist sem matreiðslumaður árið
2016. Hann hefur verið í kokka-
landsliðinu í nokkur ár og starfar
nú sem yfirmatreiðslumaður á
Héðni Kitchen & Bar.
Sérpöntuðu lúðu frá
Noregi til að æfa sig
Morgunblaðið/Arnþór Birkisson
Helgi Bjarnason
helgi@mbl.is
Hörður Arnarson, forstjóri Lands-
virkjunar, sagði á ársfundi fyrir-
tækisins í gær að mikil eftirspurn
væri eftir orku en ekki von á orku frá
nýjum virkjunum fyrr en eftir fjögur
til sex ár. Hann greindi frá því hvaða
áherslur fyrirtækið leggur við sölu á
nýrri orku á næstu árum en tók það
fram að ekki verði til næg orka í öll
þau verkefni, hvað þá önnur. Fram
kom að stjórn Landsvirkjunar hefur
samþykkt að leggja til að arð-
greiðslur frá Landsvirkjun til ríkis-
ins verði 15 milljarðar króna í ár.
Hörður sagði að fyrirtækið ætti
fljótlega að geta komist í gang með
virkjanir til að sinna eftirspurninni.
Tók þó fram að þetta væru flókin
verkefni og mikilvægt að ná sem
breiðastri sátt um þau. Nefndi að
togstreita væri á milli loftslagsmála
og náttúruverndar þótt loftslagsmál-
in væru stærsta náttúruverndarmál-
ið. Togast væri á um lífskjörin.
Þarna þurfi að finna jafnvægi.
Hörður flokk-
aði viðskiptavini í
fimm flokka og
sagði að áhersla
Landsvirkjunar
næstu 4-6 árin
væri á þrjá
þeirra. Aukin inn-
lend notkun og
orkuskipti væri í
fyrsta forgangi.
Þar á eftir kæmi aukin stafræn veg-
ferð, svo sem gagnaver og matvæla-
vinnsla. Það yki á fjölbreyti í at-
vinnulífinu. Í þriðja lagi væri vöxtur
og framþróun núverandi stórnot-
enda. Landsvirkjun vildi styðja við
viðskiptavini sína, hjálpa þeim að
auka virðisaukandi vörur og fleira.
Ný stóriðja ekki í forgangi
Sem dæmi um hópa nýrra við-
skiptavina sem ekki yrði hægt að
sinna á þessum tíma en væru einnig
áhugaverðir nefndi Hörður nýja
stóriðju, til dæmis álver, kísilver og
áburðarverksmiðju, og verkefni sem
tengdust útflutningi á orku, svo sem
rafeldsneyti og sölu um sæstreng.
Ásbjörg Kristinsdóttir, fram-
kvæmdastjóri á sviði framkvæmda,
sagði frá helstu virkjunum sem eru í
undirbúningi. Landsvirkjun hefði
hug á að nýta sér vatnsafl, jarð-
varma og vindafl við næstu fram-
kvæmdir. Þá væri hafin vinna við af-
laukningu virkjana á Þjórsár--
Tungnaársvæðinu. Hvammsvirkjun
og stækkun Þeistareykjastöðvar eru
þau verkefni sem nú eru helst til
skoðunar en einnig vindorkugarðar
við Blönduvirkjun og Búrfell.
Ekki von á nægri orku í öll verkefni
- Mikil eftirspurn er eftir orku hjá Landsvirkjun en ekki von á nýrri orku fyrr en eftir fjögur til sex ár
- Innlendur markaður, orkuskipti og stafræn vegferð er í forgangi ásamt framþróun stórnotenda
Hörður Arnarson