Fréttablaðið - 14.04.2022, Blaðsíða 20

Grandagarði 13 Glæsibæ, 5.hæð eyesland.is Gr dagarði 13 Gl sibæ, 5.hæð eyesland.is
Sjónmæling innifalin í eins árs
áskrift á linsum. Pantaðu linsur
í áskrift á eyesland.is
Frí heimsending!
Linsur
í áskrift
Stefán John Turner hefur
lengi haft áhuga á tísku og
ljósmyndun en hann vinnur
meðal annars við efnis-
sköpun á samfélagsmiðlum
fyrir ýmis erlend vörumerki.
Hér sýnir hann lesendum
inn í fataskápinn sinn.
starri@frettabladid.is
Stefán John Turner hefur mikla
ástríðu fyrir ljósmyndun og öllu
sem tengist tísku. „Ég byrjaði árið
2016 að pósta tískuefni á sam-
félagsmiðlum og hafði greinilega
svo gaman af því að ég er enn að
því í dag. Þetta hefur þó þróast
ansi mikið síðan þá og er ég bæði
að taka að mér verkefni fyrir
Instagram reikninginn minn
(@stefanjohnturner) og einnig
að búa til myndefni fyrir fyrir-
tæki til að pósta á sína miðla. Ég
legg mikla vinnu og pælingar í
efnið sem ég skapa og þekki hvað
virkar.“
Heimsfaraldurinn hefur ekki
haft mikil áhrif á störf hans
heldur gaf hann sér tíma og tæki-
færi til að skapa og gera enn betur.
„Ég gaf mér til dæmis meiri tíma
til að vinna myndirnar mínar og
læra betur á myndbandsforrit.
Síðan hef ég unnið mikið við
efnissköpun á samfélagsmiðlum
fyrir ýmis erlend vörumerki á
borð við HM, Samsonite, Paul
Hewitt, The Fifth, Shoe The Bear
og f leiri. Annars er ég virkilega
spenntur fyrir árinu fram undan
þar sem bíða ýmis ævintýri. Ég
mun til dæmis mynda brúðkaup
í Barcelona í sumar sem ég er
spenntur fyrir.“
Langar að mynda í náttúrunni
Aðspurður um helstu kosti þess
fyrir skapandi fólk að búa hér á
landi nefnir hann náttúruna þótt
hann nýti hana reyndar lítið í sínu
efni. „Ég er meira að reyna að láta
Reykjavík líta út eins og stórborg
sem er skemmtileg áskorun fyrir
mig. En í ár langar mig að mynda
tísku í íslenskri náttúru. Helstu
gallarnir eru veðrið sem getur
verið leiðinlegt og tækifærin hér
eru ekki eins mörg og í stærri
borgum.“
Utan brúðkaupsins í Barcelona í
sumar stefnir Stefán á að reyna að
ferðast eins mikið og hann getur
og um leið að skapa betra efni, þar
á meðal í íslenskri náttúru.
Stefán sýnir hér lesendum inn í
fataskápinn sinn.
Spurt og svarað:
Hvernig hefur tískuáhugi þinn
þróast undanfarin ár?
Ég er ekki lengur hræddur við að
prófa nýja hluti og er með opnari
huga gagnvart tísku en áður.
Hvernig fylgist þú helst með
tískunni?
Ég nota Instagram, Pinterest og
tískublöð eins og Vouge og GQ.
Hvar kaupir þú helst fötin þín?
Ég kaupi þau mikið á netinu, til
dæmis frá Asos, Shoe The Bear,
Er virkilega spenntur fyrir árinu
Hér klæðist Stefán buxum frá Zöru og skyrtu frá Selected. Derhúfan er frá
Les Deux og skórnir úr H&M. FRÉTTABLAÐIÐ/ERNIR
Ljósu útvíðu buxurnar eru frá Weekday og skyrtan er frá Selected. Skórnir
eru frá Nike og hálsmenið frá Nialaya frá LA Outfit.
Weekday, Zara, Botaskin, Cosstore
og A.P.C Paris.
Hvaða litir eru í uppáhaldi?
Helstu litirnir núna eru pastel-
litir, sérstaklega grænn og ljósblár.
Áttu minningar um gömul tísku-
slys?
Ekkert sem mér dettur í hug
en það eru alltaf einhver tímabil
sem maður fer í gegnum en það er
svo mikið partur af þessu. Alltaf
gaman að líta til baka og hlæja.
Hvaða þekkti einstaklingur er
svalur þegar kemur að fatnaði?
David Beckham, klárt mál.
Hvaða f líkur hefur þú átt lengst
og notar enn þá?
Það eru alveg nokkrar flíkur
en ég mundi helst nefna vintage
leðurjakka. Ég er farinn að hafa
meiri áhuga á vintage flíkum en ég
hafði áður. Mér finnst stíllinn oftar
en ekki meira sérstakur og stendur
upp úr.
Áttu uppáhaldsverslanir?
A.P.C Paris, efnið og sniðið er
mjög flott.
Áttu eina uppáhaldsf lík?
Þær eru nokkrar en helst vil
ég nefna frakka sem ég keypti
fyrir nokkrum árum. Hann hefur
mögulega besta snið sem ég veit
um fyrir frakka en hann var
keyptur í Zöru á sínum tíma.
Bestu og verstu fatakaupin?
Bestu kaupin mín eru klassísk
jakkaföt. Ég bara man ekki hver
verstu kaupin eru því ég reyni að
passa mig hvað ég kaupi. En verstu
kaupin eru klárlega þau þar sem
ég er ekki alveg viss en enda á að
kaupa flíkina og notar hana svo
aldrei.
Notar þú fylgihluti?
Ég nota grófa hringi og hálsmen
og á nóg af þeim. Ég alveg elska
flott skart.
Eyðir þú miklum peningum í föt
miðað við jafnaldra þína?
Ég þori nú varla að viðurkenna
það en ég held að ég sé klárlega
að eyða meira en jafnaldrar. En á
sama tíma er þetta bæði áhugamál
og partur af vinnunni minni. n
Skyrtan er frá Polo Ralph Lauren og keypt í Herragarðinum. Vestið er frá Zöru,
Buxurnar frá Les Deux og keyptar í Hanz. Skórnir eru Nike og skartið frá Sign.
4 kynningarblað A L LT 14. apríl 2022 FIMMTUDAGUR