Fréttablaðið - 14.04.2022, Blaðsíða 14

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir
kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Það er með
ólíkindum
að forkólf-
ar vinstri-
sinnaðs
flokks á
borð við
VG reyni
að verja
gjörning
af þessu
tagi sem
misbýður
sennilega
stærstum
hluta
þjóðar-
innar.
Almenn-
ingi er nóg
boðið.
Sigmundur Ernir
Rúnarsson
ser
@frettabladid.is
Er stóra plan ríkisstjórnar Katrínar Jakobsdóttur að
ganga upp?
Á síðasta kjörtímabili veikti ríkisstjórnin með
skipulegum hætti afar mikilvægar eftirlitsstofnanir
í íslensku samfélagi. Stjórnarflokkarnir samþykktu
lög sem eru til þess fallin að veikja Fjármálaeftirlitið.
Samkeppniseftirlitið var einnig veikt með lagasetn­
ingu og tennurnar dregnar úr Skattrannsóknastjóra
með því að leggja embættið niður og renna því undir
Skattinn. Og nú er búið að selja meiri hluta í Íslands­
banka. Stjórnarflokkarnir hafa búið vel í haginn fyrir
þá sem sýsla með mikla peninga.
Fyrir sumum er Alþingi Íslendinga staður þar sem
stjórnmálamenn leika pólitíska leiki sem ætlaðir eru
fáum og fyrir fáa útvalda.
Slíkir leikir geta sannarlega dregið dilk á eftir sér
þannig að almenningur beri skaðann. Skýrt dæmi um
það er einkavæðing bankanna sem leiddi til banka­
hrunsins haustið 2008. Einkavæðing Íslandsbanka
sem nú stendur yfir er leikur af sama toga. Niðurstaða
nýjasta útboðsins er á allra vörum og ásakanir um
spillingu eru háværar.
Það er hlutverk okkar alþingismanna og ráðherra
að gæta að hag almennings. Það var ekki gert þegar
veittur var afsláttur af hlutunum í Íslandsbanka og
þeir færðir skyldmennum fjármálaráðherrans, fjár­
festingarsjóðum sem keyptu og seldu strax í fyrra
útboði og fólki sem vann við útboðið, svo dæmi séu
tekin sem ósætti er um. Og nokkrum lykilpersónum
hrunsins sem hafa sannarlega reynslu af bankarekstri
líkt og sár reynsla almennings er um og flokkast nú
sem hæfar til að eignast hann á ný.
Almenningi er nóg boðið. Fjármálaráðherrann
sem ber samkvæmt lögum alla ábyrgð á söluferlinu
og samþykkti kauptilboðin, er rúinn trausti. Vinstri
grænir benda í allar aðrar áttir en á þann sem
ábyrgðina ber, af ótta við að missa ráðherrastóla og
Framsókn er klofin í afstöðu sinni.
Nú er mál að linni. Stjórnarflokkarnir verða að átta
sig á að almenningur lætur þá ekki leika svona illilega
á sig – aftur. n
Mál að linni
Oddný G.
Harðardóttir
þingmaður Sam­
fylkingarinnar
Sími: 561 1433
mánudaga-föstudaga 7.30 -17.30
laugardaga 8.00 -16.00
sunnudaga 9.00 -16.00
• Austurströnd 14
• Hringbraut 35
PREN
TU
N
.IS
NÝBAKAÐ
BRAUÐ
ALLA DAGA
.......................................
www.bjornsbakari.is
Nýafstaðin sala á hlut þjóðarinnar í
Íslandsbanka er dapurlegur vitnis­
burður um vanhæfa seljendur,
hvort heldur er á vegum Banka­
sýslu ríkisins eða fjármálaráðu­
neytisins.
Val á kaupendum, sem margir hverjir hafa
leyst út skjótfenginn hagnað sinn á undra­
skömmum tíma, er bæði óskiljanlegt og ógagn­
sætt. Voru þó vítin næg til að varast.
Háttsemi þessara höndlara er þeim mun sár­
ari fyrir þjóðina þegar í ljós kemur að þeir taka
út gróða sinn á kostnað íslenskra lífeyrissjóða
sem hefðu viljað kaupa stærri hlut í bankanum,
en fengu ekki, sakir einstaklinga sem ætluðu
sér aldrei annað en að njóta langsamlega hæsta
tímakaups sem stjórnvöld hafa nokkru sinni
boðið yfir eina nótt.
Fagfjárfestar sem ætluðu sér að eignast hlut í
bankanum til langs tíma voru augljóslega ekki
í forgangi við undirbúning sölunnar, heldur
lukkuriddarar götunnar sem hlæja nú upp í opið
geðið á þjóðinni.
Ábyrgð fjármálaráðherra á þessu klúðri er
mikil. En hann getur þó falið sig á bak við eigin
pólitík sem gengur út á að koma eignum ríkisins
til einkaaðila.
Ábyrgð forsætisráðherra er enn meiri, en
Katrín Jakobsdóttir, formaður Vinstrihreyfing­
arinnar – græns framboðs, mun verða minnt á
þessa sölu það sem eftir lifir kjörtímabilsins – og
raunar enn lengur, enda er hér kominn vitnis­
burður um raunverulega pólitík hennar í verki.
Það er með ólíkindum að forkólfar vinstri­
sinnaðs flokks á borð við VG reyni að verja
gjörning af þessu tagi sem misbýður sennilega
stærstum hluta þjóðarinnar. Það er jafnvel með
enn meiri ólíkindum að svokallaðir sósíalistar
af þessu tagi standi fyrir kapítalískri spillingu af
sömu gerð og flokkur þeirra var stofnaður til að
berjast gegn.
Undarlegast af öllu er að enginn úr þeirra
hópi hafi hreyft við mótbárum í aðdraganda
sölunnar – og að það hafi aðeins verið ráðherra
Framsóknarflokksins sem hafi barið í borðið, að
því er virðist í tilviki Lilju Alfreðsdóttur.
Og jafnvel er það allra undarlegast við þennan
görótta gjörning að varla eða ekki heyrist bofs
innan úr sellum sósíalistanna sem enn þá telja
sig vera félagsmenn í VG. Þeir þegja bara þunnu
hljóði – og ekki er einu sinni vitað hvort þeir
skammist sín. Kannski finnst þeim bara þægi­
legt að vera í vasa Sjálfstæðisflokksins.
Svona er þá komið fyrir VG. Flokkurinn styður
Sjálfstæðisflokkinn. Kannski ætti hann að
athuga með inngöngu. n
Á ábyrgð VG
Prinsipp
Alveg er dæmalaust gaman
að vera í pólitík og geta ráðið
hvaða fólk sest að kjötkötl­
unum hverju sinni, en eitt verst
falda leyndarmál íslenskrar
stjórnsýslu hefur núna verið
upplýst, Ásdís Halla Braga­
dóttir verður ráðuneytisstjóri,
nema hvað, því svona er Ísland
og hefur aldrei verið öðruvísi
og mun ekkert breytast næstu
áratugina því minni kjósenda
er falið á botni buddunnar – og
hefur ekkert með prinsipp að
gera. Aðgangurinn að æðstu
embættum ræðst sem fyrr af
f lokksskírteinum – og ef menn
eru með eitthvað múður út
í það, þá er ráðherrunum að
mæta í dómsal eftir enn eitt
hundeltið.
Dýr
Og talandi um dýr. Mannaráðn­
ingar í æðstu lögum samfélags­
ins eru auðvitað efni í mafíósa­
mynd. Hvað er sameiginlegt
með æðsta yfirmanni vegamála
á Íslandi, æðsta yfirmanni
Borgarlínunnar og manninum
sem er einmitt þar fyrir ofan
og gegnir embætti samgöngu­
ráðherra eða hvað það nú heitir
eftir alla nafnakollhnísana, jú,
innviða ráðherra, en öll þessi
þrenning er dýralæknar. Það er
eitthvað sjúklega krúttlegt við
þetta og erkiíslenskt, enda eru
góð ráð dýr og dýrin í skóginum
ekkert annað en vinir ef þau
þekkja vel til réttu dýranna. n
SKOÐUN FRÉTTABLAÐIÐ 14. apríl 2022 FIMMTUDAGUR