Fréttabréf Siglfirðingafélagsins í Reykjavík og nágrenni - maj 2020, Qupperneq 10

10
Bítlarnir eða
Kósakkakórinn
Á hlið tvö á plötu karlakórsins Vísis sem verðlaunuð
var í Cannes 1968 eru fimm erlend lög við íslenska
texta tveggja Siglfirðinga. Tvo þeirra samdi Hafliði
Guðmundsson en þrír eru eftir föður minn, Stefán
Friðbjarnarson, þeirra á meðal texti við rússneska
lagið Troika.
Ég man vel eftir því þegar hann var að berja þessa
texta saman, sérstaklega Troika. Þá var slegist um
lítinn plötuspilara á heimilinu sem við systkinin
höfðum einokað til að spila Bítlana og fleiri popp-
goð þess tíma. Það vakti lítinn fögnuð fimmtán ára
unglings þegar pabbi kom heim með plötu með
Kósakkakórnum og spilaði sínkt og heilagt lagið
Troika. Þá máttu Bítlarnir víkja.
Sjálfur var pabbi ekki lagviss og átti í fyrstu erfitt
með að fá textann til að falla að laginu. Þurfti móðir
mín, Hulda Sigmundsdóttir, að syngja textann og
þá komu hnökrar í ljós sem voru sniðnir af smám
saman.
Ég var feginn þegar þessu lauk því þá gat ég aftur
spilað Bítlaplöturnar mínar óhindrað. Og kannski
spilaði ég mest plötuna sem Bítlarnir fengu
verðlaun fyrir í Cannes á sama tíma og karlakórinn
Vísir var þar á ferð forðum daga.
Kjartan Stefánsson
Feðgarnir háðu harða baráttu um plötuspilarann.
Rét
tingaverkstæði
LITRÓF
umhverfisvottuð prentsmiðja
Sími 563 6000 · Vatnagörðum 14 · 104 Reykjavík · www.litrof.is