Fréttabréf Siglfirðingafélagsins í Reykjavík og nágrenni - okt. 2020, Síða 27

Siglfirðingablaðið 27
Göng milli Siglufjarðar
og Fljóta
Eftir erfiðan vetur á Siglufirði og allt að 50 daga
lokun á þjóðveginum frá Ketilási til Siglufjarðar,
stundum allan daginn, stundum skemur, svo og
áframhaldandi jarðsig á Almenningum, þá er eðlilegt
að tekin sé upp umræða um nauðsynlegar vegabætur
með hugmyndum um jarðgöng milli Siglufjarðar og
Fljóta.
Hugmyndin er ekki ný af nálinni og var oft til
umræðu í gömlu bæjarblöðunum.
Einnig var hún viðruð í sambandi við Héðinsfjarðar-
göng og hvaða leið ætti að fara með þau, þar sem
Fljótakosturinn með stuttum göngum þarna á milli
var í þeim kosti.
En nóg um það, besti kosturinn var valinn og hann
hefur sannað sig rækilega.
Þessi snjóþungi, erfiði vetur varð til þess að við
undirritaðir tókum okkur til og skrifuðum umsögn
til Samgöngunefndar Alþingis þegar verið var að
ræða samgönguáætlanir til 5 og 20 ára.
Umsögn þessi var undirrituð af hvorki meira né
minna en 70 aðilum á Siglufirði, Ólafsfirði og í
Fljótum, forsvarsmönnum nær allra fyrirtækja, og
fulltrúum félagasamtaka.
Í umsögn okkar sagði m.a.þetta. (Ath fjöldi lokunar-
daga hefur verið uppfærður.)
Jarðgöng Siglufjörður - Fljót
• Siglufjarðarvegur frá Ketilási í Fljótum til Siglu-
fjarðar hefur verið lokaður í 50 daga frá 10. desem-
ber 2019 til vors vegna snjóa og snjóflóðahættu.
• Ný jarðgöng frá Siglufirði yfir í Fljót leggja af
þennan snjóþunga og erfiða vegkafla sem er um 25
km langur.
• Þessi jarðgöng stytta leiðina til Siglufjarðar
um 15 km.
Héðinsfjarðargöng - algjör bylting
Héðinsfjarðargöng milli Ólafsfjarðar og Siglufjarðar,
sem opnuð voru fyrir umferð 2010, hafa sannað
gildi sitt og gjörbreytt lífsskilyrðum íbúa á svæðinu.
Ein megin röksemdin fyrir framkvæmdunum á
sínum tíma var sú að með göngunum tengdist
Siglufjörður byggðum við Eyjafjörð á þann hátt að
Eyjafjarðarsvæðið í heild yrði öflugra mótvægi við
höfuðborgarsvæðið og byggð á miðju Norðurlandi
myndi styrkjast verulega. Það hefur ótvírætt gengið
eftir. Á sama tíma var nefnt á undirbúningstíma
verksins fyrir 20 árum, að ávinningurinn af hring-
tengingu með ströndinni um Tröllaskaga yrði einnig
verulegur fyrir sveitarfélög í Skagafirði, Siglufirði
og Eyjafirði, ekki síst í ferðaþjónustu. Í umræðum
kom skýrt fram að til framtíðar litið yrði vegur um
jarðgöng áfram frá Siglufirði til Fljóta eini raun-
hæfi kosturinn fyrir slíka hringtengingu, ekki síst
vegna ástands vegarins um Almenninga vestan
Strákaganga.
Siglufjarðarvegur frá Ketilási
Siglufjarðarvegur frá Ketilási að bæjarmörkum
Siglufjarðar er um 25 km langur og liggur um
svokallaða Almenninga. Vegurinn var lagður í tengsl-
um við opnun Strákaganga árið 1967 og er barn síns
tíma, hlykkjóttur og bugðóttur. Alvarlegast er þó að
vegurinn liggur á 7 km kafla um stóra landspildu
sem er á hreyfingu og því fylgir mikið og stöðugt
jarðsig sem oft kemur fram sem brot með skörpum
brúnum þvert á yfirborð vegarins og skapar mikla
hættu fyrir vegfarendur. Þetta ástand kallar á tíðar
og dýrar viðgerðir. Þótt ekki séu miklar líkur á að
vegurinn rofni varanlega með því að heilar spildur
falli í sjó fram er þetta ástand viðvarandi og engar
líkur á að því linni í framtíðinni. Sérfræðingar eru
sammála um að allar hugsanlegar aðgerðir til úrbóta
yrðu einungis bráðabirgðalausnir. Auk þessa er
leiðin frá Fljótum að Strákagöngum mjög snjóþung,
snjóflóðahætta á kafla, veðrasamt og vegurinn ekki
góður miðað við nútíma kröfur. Þessi vegkafli er
jafnframt mesti farartálminn á leiðinni til og frá
Siglufirði og mjög oft ófær vegna snjóa. Eins og að
framan greinir lokaðist leiðin 50 sinnum frá 10.
desember 2019 til vors. Vegurinn út með ströndinni
í Siglufirði og að Strákagöngum verður einnig mjög
oft ófær vegna aur- og snjóflóða og er því mikill
farartálmi eins og vegurinn um Almenninga. Loks
má geta að þegar til Siglufjarðar er komið liggur
innkeyrslan um þröngar og fjölmennar íbúagötur og
skapar oft á tíðum mikla slysahættu. Við þessa götu
er m.a. aðalinngangur fyrir Sundhöll og íþróttahús