Fréttablaðið - 25.06.2022, Side 4

Við verðum að sýna
ráðdeild og setja okkur
raunhæf markmið.
Fjóla Kristinsdóttir.
Það liggur í hlutarins
eðli að þetta hækkar
verð á kjötinu úti í
búð, bæði því erlenda
og innlenda.
Ólafur Stephensen, fram-
kvæmdastjóri Félags atvinnu-
rekenda
kristinnhaukur@frettabladid.is
NEYTENDUR Félag atvinnurekenda
hefur sent Samkeppniseftirlitinu
ábendingu um hvernig umsvif
íslenskra kjötframleiðenda bjagi
útboð tollkvóta á kjöti. Það er að
þeir bjóði langhæst verð í kvótann
og sölsi meirihluta hans undir sig.
Einkum í kvóta á svínakjöti en einn-
ig í öðrum vöruflokkum.
„Innlendir framleiðendur eru
að spila á útboðskerfið og vinna
gegn markmiðum tollkvótanna.
Sem voru að stuðla að aukinni
samkeppni og þar með lægra vöru-
verði,“ segir Ólafur Stephensen,
framkvæmdastjóri félagsins.
Tollk vótaker f ið hefur verið
við lýði síðan árið 1995 og verið
umdeilt. Lengst af hafa hæstbjóð-
endur fengið úthlutuðum kvóta en
árið 2020 var sett á svokallað jafn-
vægisútboð, þar sem allir þátttak-
endur borga sama verð. Fyrri aðferð
var notuð aftur í faraldrinum en
jafnvægisútboðið tekur við á nýjan
leik í haust.
Ólafur segir að íslenskir fram-
leiðendur geti misnotað bæði þessi
kerfi. Aðrar leiðir sem nefndar
hafa verið eru hlutkesti sem Sam-
keppniseftirlitið hefur lagt til eða
blönduð leið af hlutkesti og inn-
flutningsreynslu sem Félag atvinnu-
rekenda hefur lagt til. Það er að inn-
flytjendur njóti þess að hafa fjárfest
í viðskiptasamböndum og búnaði
en jafnframt er opið fyrir nýliðun.
„Að okkar mati ætti Samkeppnis-
eftirlitið að beina því til stjórnvalda
að breyta þessu kerfi. Það væri eðli-
leg ráðstöfun að innlendum fram-
leiðendum væri ekki gefinn kostur
á að bjóða í tollkvóta,“ segir Ólafur.
„Það liggur í hlutarins eðli að þetta
hækkar verð á kjötinu úti í búð,
bæði því erlenda og innlenda.“ n
Sendu Samkeppniseftirliti ábendingu vegna útboðs á kjöti
Ólafur
Stephensen
ÞVERHOLT 6 • 270 MOSFELLSBÆR • S. 590 2300
OPIÐ VIRKA DAGA 10-17 • LOKAÐ Á LAUGARDÖGUM Í SUMAR JEEP.IS
EIGUM BÍLA
TIL AFHENDINGAR
STRAX!
PLUG-IN HYBRID
Jeep® Wrangler Rubicon 4xe goðsögnin rafmagnaða
hefur svo sannarlega slegið í gegn og sannað gildi
sitt við íslenskar aðstæður. Bjóðum upp á 35”-37”
og 40” breytingapakka.
Hveragerði
2.778 íbúar
Tap á hvern íbúa:
115 þús. kr.
Árborg
10.452 íbúar
Tap á hvern íbúa:
205 þús. kr.
Vogar
1.331 íbúi
Tap á hvern íbúa:
183 þús. kr.
Ísafjarðarbær
3.794 íbúar
Tap á hvern íbúa:
150 þús. kr.
Seltjarnarnes
4.715 íbúar
Tap á hvern íbúa:
120 þús. kr.
Húnabyggð
(áður Blönduós)
1.322 íbúar
Tap á hvern íbúa:
122 þús. kr.
thorgrimur@frettbladid.is
SKIPULAGSMÁL Höfuðborgareignir
greiddu Bílastæðasjóði 96.863 krón-
ur á mánuði, alls 4.165.109, fyrir sjö
bílastæði í Lækjagötu vegna fram-
kvæmda sem þar hafa staðið yfir
síðustu ár.
Vestari akrein Lækjargötu var
loks opnuð á ný í síðustu viku eftir
að hafa verið lokuð í um fjögur ár.
Á henni hafa verktakar sem unnið
hafa að hótelbyggingu haft umrædd
bílastæði.
„Fyrsta afnotaleyfið fyrir þreng-
ingu við Lækjargötu 12 var gefið út
30. maí 2018,“ segir Gunnar Her-
sveinn Sigursteinsson, verkefna-
stjóri hjá umhverfis- og skipu-
lagssviði Reykjavíkur, í svari við
fyrirspurn blaðsins. „Svo til á sex
mánaða fresti hefur þörf fram-
kvæmdaaðila á notkun borgar-
landsins verið yfirfarin og öryggi
vegfarenda út frá framkvæmdinni
metið. Gefin hafa verið út 7 afnota-
leyfi vegna framkvæmdarinnar
við Lækjargötu 12 og er kostnaður
við hvert þeirra rúmlega 20 þús.
kr. Framkvæmdaaðili greiðir Bíla-
stæðasjóði fasta upphæð á mánuði
fyrir afnotin af gjaldskyldu bíla-
stæðunum sem eru innan afmark-
aða vinnusvæðisins.“ n
Verktakastæðin í
Lækjargötu leigð
á fjórar milljónir
Akreinin á Lækjargötu var lokuð í um
fjögur ár vegna framkvæmdanna.
FRÉTTABLAÐIÐ/ANTON BRINK
Hallarekstur sex sveitarfélaga
var yfir hundrað þúsund
krónur á hvern íbúa á síðasta
ári. Samanlagður rekstur allra
sveitarfélaga var neikvæður
um 8,8 milljarða. Bæjarstjóri
Árborgar segir brýnt að snúa
þessari þróun við ef ekki á illa
að fara.
ggunnars@frettabladid.is
EFNAHAGSMÁL Samband íslenskra
sveitarfélaga hefur safnað saman
ársreikningum 64 af 69 sveitar-
félögum fyrir árið 2021, en í þeim
sveitarfélögum búa yfir 99 prósent
landsmanna.
Samanlagður rekstrarafgangur
A hluta var neikvæður um 8,8
milljarða króna. En það er sá hluti
rekstrar sveitarfélaga sem stendur
undir þjónustu við íbúa og er fjár-
magnaður með skatttekjum.
Af þeim sveitarfélögum sem skil-
uðu ársreikningum með miklu tapi
skera þrjú stór sveitarfélög sig úr.
Reykjavík með hallarekstur upp
á 3,8 milljarða, Hafnarfjörður með
1,5 milljarða og Árborg með 2,1
milljarðs tap á árinu 2021.
Í 18 sveitarfélögum af 64 er staðan
sú að útsvarstekjur duga ekki fyrir
launum starfsmanna.
Þá var veltufé frá rekstri neikvætt
í 15 sveitarfélögum. Það felur í sér að
tekjur duga ekki fyrir þjónustu og
öðrum rekstrargjöldum. Þar er því
ekkert rúm fyrir fjárfestingu eða ný
verkefni.
Þar sem fleiri en 1.000 manns búa
var reksturinn einna þyngstur í sex
sveitarfélögum. Þau eiga það sam-
merkt að halli síðasta árs var yfir
100 þúsund krónur á hvern íbúa.
Árborg ber höfuð og herðar yfir
önnur sveitarfélög sem eru í slíkri
stöðu. Þar nam tap síðasta árs 205
þúsund krónum á hvern íbúa, en í
sveitarfélaginu búa hátt í 11 þúsund
manns. Þar á eftir kemur sveitar-
félagið Vogar með 183 þúsund
krónur á hvern íbúa.
Hver íbúi í Ísafjarðarbæ ber halla
upp á 150 þúsund krónur á síðasta
ári, sem er örlítið verri niðurstaða
en ársreikningar  Húnabyggðar,
Seltjarnarness og Hveragerðis sýna.
Nýráðinn bæjarstjóri Árborgar,
Fjóla Kristinsdóttir, segir þessa nið-
urstöðu ekki góða. „Þetta er auðvit-
að ein ástæða þess að kosningarnar
fóru eins og þær fóru og nýtt fólk var
fengið að borðinu. Við fundum það
mjög sterkt í kosningabaráttunni.“
Fjóla segist rétt vera að ná utan
um vandann á sínum fyrstu dögum
í starfi. „En það er alveg ljóst að við
verðum að snúa þessari þróun við.
Árborg getur ekki farið í gegnum
mörg svona ár. Það er alveg ljóst.
Við höfum verið að rýna þetta
með okkar ráðgjöfum frá  KPMG
og leggja grunn að langtímastefnu
í fjármálum.“
Íbúum Árborgar hefur fjölgað
gríðarlega síðustu ár en samkvæmt
Fjólu útheimtir slíkur vöxtur heil-
mikla fjárfestingu í innviðum.
„Það skýrir þennan hallarekstur
auðvitað að einhverju leyti. Þessi
gríðarlegi vöxtur er ekki bara
dýr heldur hefur fjölgun síðustu
ára  fylgt ákveðið stefnuleysi og
skortur á fyrirhyggju. Því þurfum
við að breyta.“
Viðsnúningur í rekstri sveitar-
félaga býður ekki upp á neina töfra-
lausn að sögn Fjólu. „Þetta mun taka
tíma en við verðum að sýna ráðdeild
og setja okkur raunhæf markmið.
Þetta er ærið verkefni en um
leið mjög spennandi því Árborg er
samfélag í sókn og hér eru spenn-
andi hlutir að gerast sem eiga eftir
að koma okkur á beinu brautina í
rekstrinum. En þá þurfum við líka
að halda vel á spöðunum,“ segir
Fjóla að lokum. n
Tap Árborgar það mesta á hvern íbúa
Fjóla Kristinsdóttir, bæjarstjóri Árborgar, fær fjárhagsvandann í fangið en
hún er nýtekin við sem bæjarstjóri. MYND/AÐSEND
4 Fréttir 25. júní 2022 LAUGARDAGURFRÉTTABLAÐIÐ