Skessuhorn - 14.07.2021, Qupperneq 4

MiðViKudAgur 14. júLÍ 20214
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.877 krónur með vsk. á mánuði. Elli- og örorkulífeyrisþegar greiða
kr. 3.348. Rafræn áskrift kostar 3.040 kr. Rafræn áskrift til elli- og örorkulífeyrisþega er 2.800 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Finnbogi Rafn Guðmundsson frg@skessuhorn.is
Valdimar K. Sigurðsson vaks@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Ef þeir þá nenna
undanfarin fjögur ár hefur ráðið ríkjum ríkisstjórn þriggja flokka sem sækja
fylgi sitt frá breiðum og afar ólíkum hópi kjósenda. Á yfirborðinu má segja að
litið hafi út fyrir að samstarfið hafi gengið vel, en best gekk það sannanlega
þegar sóttvarnayfirvöldum var treyst fyrir að stýra baráttunni við kórónuvei-
rufaraldurinn. Til að ná saman gáfu þessir þrír ólíku flokkar eftir nánast öll þau
baráttumál sem þeir settu á oddinn í aðdraganda kosninga fyrir fjórum árum.
raunar hefur aðferðin við að láta lifa í glæðum stjórnarsamstarfsins byggst á
því að tala ekki um breytingar á stjórnarskrá, þrátt fyrir skýran vilja almenn-
ings, fátt hefur verið gert til að jafna stöðu ríkra og fátækra og þannig hefur
þetta einhvern veginn dröslast, ef svo má segja. Kannanir sýna nú ótvírætt að
mest óánægja er í röðum baklands Vinstri grænna með árin fjögur. Einung-
is fimmtungur þeirra myndi velja óbreytt ríkisstjórnarmynstur eftir kosningar,
en dæmið snýst svo við í tilfelli kjósenda Framsóknar og Sjálfstæðisflokks. All-
ar líkur eru því á að Vg muni missa fylgi þeirra sem ætla síst af öllu að kjósa
hægri stjórn aftur til valda. Væntanleg niðurstaða er því hreint ekki svo skýr, en
hverju sætir það?
Í fámennu landi er ein örugg leið til að vinstri öfl nái ekki slagkrafti sínum.
Það er einmitt sú að of margir litlir flokkar og flokksbrot bjóði fram krafta
sína og berjist sundraðir um atkvæði þeirra sem krefjast aukins jöfnuðar. Allir
verða þessir flokkar því litlir og þeir sem græða eru gömlu hægri flokkarnir.
jafnvel þótt fylgi Sjálfstæðisflokksins sé sögulega lítið, er það svo miklum mun
meira en fylgi annarra flokka að nánast útilokað er annað en flokkurinn komi
að myndun ríkisstjórnar. Án þeirra væri líklega ekkert stjórnarmynstur í boði
öðruvísi en fjórir eða jafnvel fimm flokkar stæðu að baki slíkri stjórn. Slíkt væri
afar óspennandi kostur að mínu viti, nógu illa finnst mér hafa gengið hjá þriggja
flokka ríkisstjórn sem þarf að semja sig frá öllum sínum baráttumálum. Þá kæmi
sömuleiðis til kastanna blóðugir smákóngabardagar. Sjáið þið til dæmis fyrir
ykkur að inga Sæland og gunnar Smári, formenn Flokks fólksins og Sósíal-
ista, myndu ná lengi saman við stjórnarborðið? Þá líklega með Loga, Þorgerði
Katrínu og jafnvel guðmund Franklín við borðshornið! Nei, slík samsuða yrði
ekki langlíf.
Þegar of margir flokkar bjóða fram getur niðurstaðan því aldrei orðið önnur
en sú að offjölgun þeirra hjálpar mest þeim sem þeir vilja helst berja á, nefnilega
Sjálfstæðis- og Framsóknarflokknum. Þeir tveir munu alltaf geta náð saman,
eru nánast óaðskiljanlegir og í raun undarlegt að þeir hafi ekki fyrir löngu runn-
ið saman í eina sæng. Eini óræði þátturinn er hvern eða hverja þeir þurfa að
drösla með sér að stjórnarborðinu til að ná þingmeirihluta. Ekki verður að telj-
ast líklegt að það verði Samfylking eða Viðreisn, enda hafa þeir nefnt að þjóðin
ætti að breyta kúrsi í gjaldeyrismálum og jafnvel daðra við aukið Evrópusam-
starf. Það verður því aldrei ríkisstjórn Sjálfstæðisflokks og þeirra. Miklu líklegra
er að gömlu hægri flokkarnir gætu hugsað sér Pírata, jafnvel þótt guðfaðirinn í
Hádegismóum telji það fráleitt. En kannski ræður hann ekki lengur öllu? Mér
er í fersku minni fyrir síðustu kosningar þegar samfylkingarfólk ákvað að berjast
fyrir vinstri stjórn og gekk svo langt að tilnefna Katrínu jakobsdóttur, formann
Vg, sem forsætisráðherraefni. Vissulega varð þeim að ósk sinni, að hluta. Fyrir
kosningarnar í september efast ég stórlega um að það útspil verði notað aftur.
Stjórnmálaflokkar verða, líkt og fyrirtæki sem vilja ná árangri, að mynda sér
sérstöðu. Það sorglega við líðandi kjörtímabil er einmitt sú staðreynd að þessir
flokkar hafa alls ekki verið að reyna neitt í þá veru. Miðað við málflutning þeirra
er fátt í þeirra gjörðum og fasi sem bendir til að þessi hugsun hafi verið til stað-
ar. Hvort sem í hlut á Miðflokkur eða Flokkur fólksins, Píratar, Viðreisn eða
Samfylking, er stefnan óljós. Það hefur nefnilega skort á að flokkarnir hafi sýnt
kjark með að setja mál á oddinn og marka sér sérstöðu. Einhvern veginn eins
og þeir nenni ekki að berjast og þyki bara býsna vænt um vel borgaða innivinnu.
Hvort sem það væri fyrir betri stöðu skuldara, látið verði af arðráni lífeyris eldra
fólks eða hverju öðru; Ég mun bíða spenntur eftir því að þessir flokkar birti
stefnumál sín fyrir kosningarnar. Ef þeir þá nenna því.
Magnús Magnússon.
Á sjöunda tímanum síðastliðið laug-
ardagskvöld var Slökkvilið Akra-
ness og Hvalfjarðarsveitar kallað út,
sem og viðbragðsaðilar frá Borgar-
nesi. Eldur var laus í sumarbústað í
landi Ölvers við rætur Hafnarfjalls.
Enginn var í húsinu þegar eldur-
inn kom upp. Mikinn reyk lagði frá
húsinu þegar slökkvilið kom á vett-
vang, en slökkvistarf gekk greið-
lega. Fljótlega var hafist handa við
að reykræsta húsið en vakt var við
það fram eftir kvöldi. Húsið er tals-
vert skemmt að innan. Eldsupptök
liggja ekki fyrir.
mm
Eyjólfur Vilberg gunnarsson hefur
verið ráðinn sparisjóðsstjóri Spari-
sjóðs Suður-Þingeyinga ses. Spari-
sjóður Suður-Þingeyinga ses. er ein
elsta fjármálastofnun landsins og
varð til við sameiningu fimm spari-
sjóða í Suður-Þingeyjarsýslu. Sá
elsti þeirra, Sparisjóður Kinnunga,
var stofnaður árið 1889. Hinir sjóð-
irnir voru Sparisjóður Aðaldæla,
Sparisjóður Fnjóskdæla, Spari-
sjóður Mývetninga og Sparisjóður
reykdæla, en aðalstöðvar sjóðsins
eru á Laugum í reykjadal. Spari-
sjóður Suður-Þingeyinga er sjálfs-
eignarstofnun sem hefur það hlut-
verk að stunda svæðisbundna fjár-
málastarfsemi á grundvelli sam-
félagslegrar ábyrgðar. Hefur sjóð-
urinn aldrei hvikað frá þeirri
grunnskyldu sinni enda stóð hann
keikur af sér fjármálahrunið fyrir
þrettán árum þegar flestir íslensku
bankarnir fóru á hliðina. Skilgreint
hlutverk sjóðsins er að standa vörð
um og þróa atvinnulíf, mannlíf og
velferð á starfssvæðinu. „Starfsemi
Sparisjóðs Suður-Þingeyinga bygg-
ir á nálægð við viðskiptavini, heið-
arleika og trausti, þekkingu á að-
stæðum og þörfum viðskiptavina og
svæðis, hóflegum vaxtamun, skyn-
samlegum útlánum og samstarfi við
aðra sparisjóði um að hámarka hag-
kvæmni og þekkingu í starfi sjóðs-
ins,“ segir í tilkynningu sem send
var út vegna ráðningar nýs spari-
sjóðsstjóra.
Eyjólfur Vilberg var um tíu ára
skeið í trúnaðarstörfum fyrir Ar-
ion banka og um tíma svæðisstjóri
á Vesturlandi með útibú í Borgar-
nesi. Eyjólfur er með viðskipta-
fræðimenntun frá HÍ, M.Sc. gráðu
í fjárfestingastjórnun frá sama skóla
auk þess að hafa fengið löggildingu
sem fasteigna- og skipasali.
mm
Íbúar á Vesturlandi voru 16.826
talsins 1. júlí síðastliðinn og hafði
fjölgað um 121, eða um 0,7%, frá 1.
desember 2020. Í samantekt Þjóð-
skrár kemur fram að á þessu tíma-
bili hefur íbúum fjölgað í sjö sveit-
arfélögum af tíu á Vesturlandi,
en fækkað í þremur. Hlutfalls-
lega fjölgaði íbúum mest í Helga-
fellssveit á Snæfellsnesi, eða um
tíu manns á tímabilinu, eru nú 75.
Mest hlutfallsleg fækkun var hins
vegar í Eyja- og Miklaholtshreppi
þar sem fækkaði um 13,3%. Íbúar
þar eru nú 104 en voru 120 und-
ir lok síðasta árs. Íbúum í grund-
arfirði fækkaði um 41 á tímabilinu,
eða um 4,7%, eru nú 829.
Akranes heldur líkt og undan-
farin misseri uppi stærstum hluta
fjölgunar íbúa á Vesturlandi. Þar
fjölgaði um 95 íbúa á tímabilinu frá
1. desember, eða um 1,2%. Íbúar
þar eru nú 7.760. Í Hvalfjarðarsveit
fjölgaði um 18 íbúa (2,8%), í Borg-
arbyggð um 21 (0,6%), í Stykkis-
hólmi um 3 (0,3%), í Snæfellsbæ
um 16 (0,9%) og í dalabyggð um
17 (2,7%).
mm
Byggðarráð Borgarbyggðar sam-
þykkti á fundi sínum síðastliðinn
fimmtudag að hafin verði vinna við
frumhönnun á skólahúsnæði fyrir
Kleppjárnsreykjadeild grunnskóla
Borgarfjarðar, en gert er ráð fyrir
hönnunarkostnaði í fjárhagsáætlun
Borgarbyggðar fyrir yfirstandandi
ár. „Byggðarráð felur sveitarstjóra
að gera samning við aðila til verks-
ins og leggja fram til samþykktar á
næsta fundi,“ segir í bókun frá fund-
inum. Á Kleppjárnsreykjum stend-
ur til að rífa hluta elsta skólahússins
og reisa nýbyggingu í staðinn.
mm
Sara Lísa dagmóðir á Akranesi á rúnti með börnin.
Fjöldi íbúa á Vesturlandi
nálgast sautján þúsund
Hefja frumhönnun skólabyggingar
Eldur kom upp í sumarbústað í Ölveri
Eyjólfur Vilberg ráðinn sparisjóðsstjóri
Eyjólfur Vilberg Gunnarsson.