Skessuhorn - 14.07.2021, Blaðsíða 22
MiðViKudAgur 14. júLÍ 202122
How do you like Iceland?
Spurning
vikunnar
(Spurt í Borgarnesi)
Jed frá Hollandi
Mér líkar allt við landið.
Carlotta frá Ítalíu
Mér líkar mjög vel við landið.
Maður keyrir örfáa kílómetra og
lendir inn í gjörólíku umhverfi
og landslagi. Veðrið hér getur
líka verið áskorun.
Stefania frá Ítalíu
Mér líkar mjög vel við landið.
Þið eruð með frábært landslag
hér.
Lauren og Otis frá Oklahoma í
Bandaríkjunum
Ég elska landið. Við myndum
flytja hingað ef við gætum.
Það verður að segjast eins og er að
það gengur ekki alveg nógu vel hjá
Vesturlandsliðunum í knattspyrnu á
Íslandsmótinu þegar mótið er hálfn-
að í flestum deildum. Hér ætlum við
aðeins að skoða stöðu liðanna, helstu
úrslit og markaskorara og rýna í
framhaldið.
ÍA leikur í Pepsi Max deildinni og
er nú í tólfta og neðsta sæti með sex
stig eftir tólf leiki og markatalan er
11-25. Þeir sem hafa skorað þessi ell-
efu mörk fyrir ÍA eru gísli Laxdal
unnarsson með þrjú, Viktor jóns-
son, Ísak Snær Þorvaldsson og Þórð-
ur Þorsteinn eru með tvö mörk hver
og síðan þeir ingi Þór Sigurðsson og
Steinar Þorsteinsson með eitt mark
hvor.
Skagamenn hafa aðeins unnið einn
leik í sumar gegn HK á útivelli 1-3
og gert þrjú jafntefli gegn Víkingi r,
Stjörnunni og Keflavík. Átta leikjum
hafa þeir tapað og þar á meðal 5-1
fyrir FH en í hinum leikjunum sjö
aldrei tapað stærra en með tveimur
mörkum. Næstu leikir eru gegn Val
og FH heima og Stjörnunni úti og
síðustu þrír leikir liðsins eru í sept-
ember gegn Leikni og Fylki heima
og Keflavík á útivelli.
Markmannavandræði hjá
Skagamönnum
Ljóst er að staða Skagamanna er
ekki góð þessa stundina og margt
sem þarf að breytast til að þeir nái
að halda sæti sínu í deildinni. HK er
með níu stig og Fylkir með ellefu stig
sæti ofar. Því er líklegt að þessi þrjú
lið verði í botnbaráttunni þó að lið
eins og Keflavík, Stjarnan og Leikn-
ir gætu dottið í þann pakka líka.
Skagamenn hafa verið í vandræðum
með markmannsstöðuna í allt sum-
ar: Fyrst meiddist aðalmarkvörður-
inn Árni Snær eftir þrjá leiki, þá tók
dino Hodzic næstu sex og í síðustu
þremur leikjum hefur hinn ungi og
óreyndi Árni Marinó staðið á milli
stanganna. Vörn Skagamanna hefur
verið óörugg í mörgum leikjum sum-
arsins kannski þess vegna en jóhannes
Karl þarf að laga til sem fyrst í varn-
arleiknum ef ekki á að fara illa. Þó er
mesta vandamálið í sóknarleiknum
því mörk vinna leiki og það er allt of
lítið af þeim hjá Skagamönnum og
ekki skrýtið að menn hafi spurt fyr-
ir mót hver ætti að skora mörkin. Þá
hafa sóknarmennirnir Hákon ingi og
Morten Beck ekki enn náð að skora í
deildinni en þeir voru líklega fengn-
ir til ÍA til að skora mörk. En þol-
inmæði er dyggð og bjartsýnin ekki
á sandi byggð og vonandi að Skaga-
menn fari að rífa sig í gang og nái upp
smá leikgleði og djörfung því annars
gæti liðið fallið í þriðja skiptið í næst-
efstu deild á síðustu tíu árum.
Víkingur Ólafsvík leikur í Lengju-
deildinni og situr nú í tólfta og neðsta
sæti með tvö stig eftir ellefu leiki og
markatalan er 14-38. Þeir sem hafa
skorað þessi 14 mörk fyrir Víking
eru Kareem isiaka með fjögur mörk,
Harley Willard með þrjú, Anel
Crnac, Emmanuel Keke, guðfinnur
Þór Leósson, Hlynur Sævar jónsson,
Marteinn Theodórsson og Þorleifur
úlfarsson eru með eitt mark hver og
eitt mark er sjálfsmark.
Guðjón mættur á ný
Víkingur hefur gert tvö jafntefli í
sumar gegn Þór Akureyri 2-2 og
grindavík 2-2 og tapað öllum hin-
um, stór töp gegn Þrótti 0-7 og 5-1
gegn Aftureldingu, 0-3 gegn Vestra
en annars ekki tapað með meira en
tveimur mörkum í hinum leikjun-
um. Næstu leikir eru gegn grinda-
vík heima, Aftureldingu úti og Fram
heima og síðustu þrír leikir liðsins eru
í september gegn Þrótti úti, gróttu
heima og grindavík á útivelli.
Víkingur er í ansi vondum málum
og þarf líklega kraftaverk til að ná að
halda sér uppi. Þróttur og Selfoss eru
fimm og sjö stigum fyrir ofan þá eins
og staðan er nú og miðað við geng-
ið í sumar er ólíklegt að það breyt-
ist. Hins vegar er guðjón Þórðarson
mættur í brúnna aftur hjá Ólsurum
til að reyna að snúa gengi liðsins við
og ef einhver getur lagað varnarleik
að þá er það hann. Markmenn liðs-
ins, Marvin og Konráð, eru ung-
ir og með litla reynslu og ekki ólík-
legt að guðjón reyni að ná sér í nýj-
an markmann og varnarmenn áður
en félagsskiptaglugginn lokast í lok
júlí enda liðið búið að fá á sig allt of
mörg mörk í sumar eða tæplega fjög-
ur mörk í leik að meðaltali. Liðið er
byggt upp á útlendingum eins og á
síðustu árum og í bland eru ungir ís-
lenskir leikmenn með litla reynslu í
efri deildum. Miklar mannabreyting-
ar urðu á liðinu frá því í fyrra og því
alltaf ljóst að þetta yrði erfitt sumar
í Ólafsvík. Að öllum líkindum fellur
Víkingur eins og laufblöðin í haust
en það verður þó gaman að fylgj-
ast með guðjóni og hans mönnum
reyna að koma í veg fyrir það með
öllum tiltækum ráðum.
Jöfn deild
ÍA leikur í Lengjudeild kvenna og
er nú í sjöunda sæti með tíu stig eft-
ir níu leiki og markatalan er 9-20.
Þær sem hafa skorað þessi níu mörk
eru Erla Karitas jóhannesdóttir með
þrjú, Sigrún Eva Sigurðardóttir með
tvö og þær dana joy Scheriff, Lilja
Björg Ólafsdóttir, unnur Ýr Har-
aldsdóttir og Védís Agla reynisdótt-
ir eru með eitt mark hver.
ÍA hefur unnið þrjá leiki í sum-
ar gegn Augnabliki 2-1, HK 0-1 og
grindavík 2-3, gert eitt jafntefli gegn
Haukum og tapað fimm, með þrem-
ur mörkum í þremur leikjum og með
einu í tveimur leikjum. Næstu leikir
eru gegn gróttu heima, Augnabliki
úti og Kr heima og síðustu tveir
leikir liðsins eru í september gegn
Aftureldingu heima og Haukum á
útivelli.
ÍA stúlkur eru í ágætis málum
þannig séð í deildinni en eru þó að-
eins fimm stigum frá fallsæti þar sem
grindavík og Augnablik sitja. ÍA má
því ekki slaka neitt á klónni á næstu
vikum því það er stutt bæði upp og
niður og deildin mjög jöfn og ým-
islegt getur gerst. ÍA er með frekar
ungt lið en meðalaldur liðsins er um
tuttugu ár og er byggt upp á heima-
stúlkum auk tveggja erlendra leik-
manna. Liðið hefur fengið á sig of
mörg mörk í sumar og þarf að bæta
sig í varnarleiknum ef þær ætla að
sleppa við botnbaráttuna. Liðið er
með góðan markmann á milli stang-
anna, Anítu Ólafsdóttur, en vörnin
fyrir framan hana hefur verið á köfl-
um óörugg og gefið of mörg mörk á
klaufalegan hátt. Sóknin er þó mesta
vandamálið hjá ÍA því þær hafa skor-
að aðeins eitt mark í leik að meðal-
tali og ekki náð að tengja nógu vel
saman miðju og sókn og þá fer allt of
lítið fyrir kantmönnum liðsins fram
á við. Þá hefur hin bandaríska dana
joy Scheriff ekki enn fundið sig fyrir
framan markið og aðeins skorað eitt
mark í níu leikjum. En ef þessi vanda-
mál verða leyst af þjálfurum liðsins
að þá er ekki spurning að Skagastúlk-
ur sigli lygnan sjó í deildinni og færi
sig jafnvel ofar í töflunni.
Brekka hjá Kára
Kári leikur í 2. deild karla og er nú
í ellefta sæti með sex stig eftir ell-
efu leiki og markatalan er 15-26.
Þeir sem hafa skorað þessi 15 mörk
fyrir Kára eru Marinó Hilmar Ás-
geirsson með fimm, Martin Mon-
tipo og Andri júlíusson með fjög-
ur og gabríel Þór Þórðarson og jón
Vilhelm Ákason með eitt hvor. Kári
hefur aðeins unnið einn leik í sumar
gegn Haukum 2-3, gert þrjú jafntefli
og tapað sjö, með þremur mörkum í
tveimur leikjum, með tveimur í ein-
um leik og með einu í fjórum leikj-
um. Næstu leikir eru gegn KV úti og
KF úti og reyni S. heima og síðustu
þrír leikir liðsins eru í september
gegn Þrótti Vogum heima, Haukum
heima og Magna á útivelli.
Káramenn hafa verið í basli síð-
ustu ár í 2. deildinni og það virð-
ist hafa orðið spennufall í félaginu
eftir tímabilið 2018 þegar Kári var
ekki langt frá því að tryggja sér sæti
í næstefstu deild sem hefði þýtt að
einungis ein deild hefði verið á milli
ÍA og Kára. Þau hafa frá árinu 2015
verið með venslasamning og í sam-
starfi varðandi leikmannamál og
meðal annars leikið undir merkjum
ÍA/Kári/Skallagrímur í 2. flokki karla
síðustu ár sem hefur án vafa bara ver-
ið til góðs fyrir félögin. Hins vegar er
alltaf erfitt fyrir þjálfara að hafa ekki
leikmannahópinn í föstum skorðum
fyrir tímabilið og vita í raun aldrei
hvaða leikmenn hann fái í næsta leik
og jafnvel ekki ráða því hverjir eigi að
spila. Hvort sem það er ástæðan fyrir
því að þó nokkurt rót hefur verið í
þjálfaramálum Kára á síðustu árum
er ómögulegt að segja en Káramenn
hafa þó verið mjög heppnir með þá
þjálfara sem hafa náð að halda þeim
í annarri deildinni undanfarin ár. Nú
lítur allt út fyrir það að Kári sé á leið
niður um deild en þekkjandi það að
það þarf oft ekki meira en einn til tvo
sigurleiki í röð til að ná upp stemn-
ingu og sigurhefð en það þarf þá að
gerast sem fyrst hjá Káramönnum.
Þeir hafa ekki verið að fá á sig mörg
mörk eða bara svipað og önnur sex lið
í deildinni en aðalvandamálið í sumar
hefur verið það að þeir hafa verið að
missa sigurleiki niður í jafntefli eða
tap. Það má líklega skrifa á reynslu-
leysi því meðalaldur liðsins hefur oft
á köflum verið í kringum tuttugu ár
en á sama tíma ættu menn að hafa
þol, kraft og gott líkamlegt form til
að vega upp á móti því. Spennandi
verður að fylgjast með Káramönnum
það sem eftir lifir af tímabilinu og sjá
hvort þeir nái því að spila í 2. deild
fimmta árið í röð á næsta ári.
Samantekt: Í fyrsta skipti í sögu
knattspyrnu á Vesturlandi gætu fjög-
ur lið átt það á hættu að falla niður
um deild á sama árinu. Eins og stað-
an er nú er það alls ekki ólíklegt og
þá sérstaklega karlamegin en það yrði
mikið áfall fyrir öll þessi félög. Þetta
kemur allt í ljós í haust en þangað til
hvetjum við sem flesta til að skella sér
á völlinn og styðja sitt lið til sigurs.
vaks
Skagamenn eru í tómu tjóni.
Ljósm. gbh
Falla fjögur lið af Vesturlandi í sumar?
Skagastúlkur eru í hörku baráttu. Ljósm. sas
Kári er í bölvuðu brasi. Ljósm. sgh
Víkingur Ólafsvík er í veseni. Ljósm. af