Skessuhorn - 25.08.2021, Blaðsíða 18

MiðviKUdagUr 25. ÁgúST 202118
Fyrir kosningarnar 25. september
næstkomandi býður Miðflokkurinn
fram lista í öllum kjördæmum. Hér
í Norðvesturkjördæmi skipa efstu
sætin tveir þeir sömu og fyrir kosn-
ingarnar fyrir fjórum árum þegar
flokkurinn vann stórsigur. Berg-
þór Ólason er nú sem fyrr odd-
viti listans og Sigurður Páll Jóns-
son skipar annað sætið. Þeir hlutu
báðir kosningu síðast; Bergþór sem
kjördæmakjörinn en Sigurður Páll
hreppti áttunda sætið í kjördæm-
inu, svokallað uppbótarþingsæti.
Nú stefna þeir ótrauðir að kjöri að
nýju. Skessuhorn heldur áfram að
ræða við frambjóðendur flokkanna.
Bergþór Ólason á rætur sínar hér
á vesturlandi, en móðir hans Ósk
Bergþórsdóttir var af akranesi en
faðir hans Óli Jón gunnarsson er
frá Bálkastöðum í Hrútafirði. Berg-
þór er elstur þriggja bræðra, ólst
upp í Borgarnesi, nam viðskipta-
fræði við HÍ og sótti eftir það fram-
haldsnám í Manchester á Englandi.
Sambýliskona hans er Laufey rún
Ketilsdóttir lögfræðingur og Lotta
Ósk dóttir hans er búsett í Berlín.
Hann býr nú á akranesi. „Ég hef
setið á þingi frá 2017 og á þeim
tíma gegnt formennsku í umhverf-
is- og samgöngunefnd alþingis.
Þessi formannstíð mín hefur verið
afar lærdómsrík og spennandi verk-
efni að takast á við og þannig hef ég
öðlast betri innsýn í þá málaflokka
sem í rauninni eru hvað mikil-
vægastir fyrir búsetu fólks á lands-
byggðinni. Málaflokkar sem snerta
hið daglega líf og afkomu fyrir-
tækja. Í nefndarstarfinu kom sér vel
sú reynsla sem ég hafði fengið árin
2003-2006 þegar ég gegndi starfi
aðstoðarmanns Sturlu Böðvarsson-
ar samgönguráðherra.“
Bergþór segir kosningabaráttuna
vart hafna, öll umræða fram undir
þetta hafi helgast í stóru og smáu
af viðbrögðum stjórnvalda við
Covid-19. „Nú skiptir hins vegar
mestu máli að við Íslendingar för-
um að tala um stjórnmál og þau úr-
lausnarefni sem bíða okkur næstu
fjögur ár,“ segir hann.
Samgöngumál á oddinn
aðspurður segir Bergþór að hann
líti svo á að aðalmálin fyrir kom-
andi kjörtímabil verði atvinnumál
og samgöngumál en einnig sam-
skipti einstaklinga og hins opin-
bera. „Hvernig á til dæmis aðgengi
okkar að vera að þjónustu hins
opinbera? Hvernig mun umræðan
um miðhálendisþjóðgarð verða og
svo framvegis? En við í Miðflokkn-
um setjum samgöngumál á oddinn
hvað kjördæmið varðar. Það blas-
ir til dæmis við að klára þarf vega-
gerð um Kjalarnes sem er í raun
risamál fyrir íbúa hér í Norðvestur-
kjördæmi og allt norðanvert land-
ið. við verðum að koma Sunda-
braut á koppinn og komast þar í
framkvæmdagír í stað þess að skrifa
endalausar skýrslur. Það er einfald-
lega ekki til arðbærari vegafram-
kvæmd en Sundabrautin er. að því
sögðu lýsi ég þungum áhyggjum af
tafapólitík dags borgarstjóra með
fulltingi samgönguráðherra. raun-
staðan í því máli er sú að það er ekk-
ert að gerast og líklega var pólitískt
meiri vilji fyrir málinu árið 2006
þegar ég starfaði í samgönguráðu-
neytinu en núna. Þá héldu menn að
Sundabraut væri svo að segja hand-
an við hornið. Síðan eru fimmtán
ár liðin og í raun er málið á verri
stað nú en þá. Mér er næst að halda
að þetta mál sé orðið að trúarbrag-
ðastríði hjá degi B Eggertssyni.
Sundabrautin er einhvern veginn
límd við flugvallarmálið og í raun
allt gert til að hefta framgang vega-
lagningar yfir sundin. Nú síðast var
samþykkt að byggja upp bíllaust
hverfi í gufunesi, þar sem Sunda-
braut er ætlað að liggja um í bak-
garðinum. Ef við í Miðflokknum
komumst til valda heiti ég því að
Sundabraut verður forgangsmál,“
segir Bergþór.
Meðal annarra brýnna verkefna
í samgöngumálum á vesturlandi
nefnir hann þverun grunnafjarðar
sem hefði í för með sér betri teng-
ingu akraness við hringveginn með
færslu hans vestur fyrir akrafjall,
veglínan væri betri hvað umferðar-
öryggi og vetrarþjónustu varðar og
það myndi efla samskipti milli akra-
ness og Borgarness og styrkja sem
atvinnusvæði, enda styttingin um
sjö kílómetrar á milli bæja. Einnig
veg um Skógarströnd milli Stykk-
ishólms og dala, veg sem í dag er
í hvað verstu ástandi allra vega en
gríðarlega mikilvægur. „Einnig er
uppbygging Uxahryggjavegar gríð-
arstórt sóknarfæri sem við meg-
um ekki tapa af. Með vegi þar yfir
kæmist á góð tenging milli Suður-
lands og vesturlands sem ferða-
þjónustan myndi njóta góðs af.
Loks vil ég nefna vegi yfir Laxár-
dalsheiði og Klofningsveg í dölum.
Það er því af nógu að taka á landi,
en varðandi samgöngur á sjó þurf-
um við að berjast fyrir því að fá nýj-
an og öruggari Baldur sem fyrst til
siglinga yfir Breiðafjörð. Það var í
raun ótrúlegt lán að ekki varð slys
í vetur þegar Baldur með sína einu
aðalvél varð vélarvana í slæmu veðri
á firðinum í rúman sólarhring. Þá
eru ónefnd mikilvæg samgöngu-
verkefni í öðrum hlutum kjördæm-
isins,“ segir Bergþór.
Meira af grænni orku
En atvinnumálin eru Bergþóri og
Miðflokknum sömuleiðis hugleik-
in. „Ný skýrsla loftslagsráðs Sam-
einuðu þjóðanna leggur okkur Ís-
lendingum beinlínis þær skyld-
ur á herðar að framleiða meira
af grænni orku. Til þess höfum
við mikið svigrúm. Í ljósi þeirrar
þrautagöngu sem ferill rammaáætl-
unar um nýtingu orku hefur farið í
gegnum tel ég að hverfa verði frá
þeirri nálgun sem menn byggðu á
við gerð hennar. við þurfum að líta
til aukinnar orkuöflunar með vatns-
orku og jarðvarmavirkjunum. Ég er
þá ekki að mæla með að við flytjum
orkuna út með sæstreng heldur er
hægt að flytja orku milli landa með
öðrum leiðum. Til dæmis í formi
vetnis og ammoníaks. En fyrsti
kostur er alltaf að nýta orkuna til
innlendrar framleiðslu, afganginn
má svo flytja út. Þá eigum við að
hætta að skammast okkar fyrir öfl-
uga stóriðju, en sá iðnaður er hér
á landi stundaður í miklu meiri og
betri sátt við náttúruna en stóriðja
almennt erlendis. græn, innlend
orka er umhverfisvæn vara. Ál er til
dæmis hvergi í heiminum framleitt
við betri skilyrði en hér og er þar að
auki sá málmur sem mest er endur-
nýttur.“
Ekkert ESB
Bergþór segir að staða íslensks
landbúnaðar sé tvímælalaust þann-
ig að breytinga sé þörf. „við verð-
um að koma starfsskilyrðum land-
búnaðar í það horf að komast í öfl-
uga sókn í stað þess að bændur séu
í sífelldri nauðvörn. Það verður til
dæmis að bæta starfsskilyrði inn-
lendra kjötframleiðenda hratt og
örugglega.“
Sem fyrr segir Bergþór að Mið-
flokkurinn sé andvígur aðild Ís-
lands að Evrópusambandinu. „Hag
bæði landbúnaðar og sjávarútvegs
er betur borgið með því að við
stöndum utan við ESB. Það kom
berlega í ljós í aðlögunarviðræðun-
um á sínum tíma að það hefði ekki
þjónað hagsmunum okkar að sækja
um fulla aðild. Þeim viðræðum var
því sjálfhætt.“
Undarleg staða
hálendisþjóðgarðs og
þjóðlendumála
Miðflokkurinn barðist hart gegn
áætlunum ríkisstjórnarinnar um
stofnun hálendisþjóðgarðs á kjör-
tímabilinu. „Ég sagði mig úr svo-
kölluðum þverpólitískum hópi sem
vann að undirbúningi málsins við
upphaf kjörtímabilsins þegar ég sá
í hverslags óefni stefndi. Það kom
verulega á óvart að þingflokkar
Sjálfstæðisflokks og Framsóknar-
flokks skyldu svo með nefndaráliti
meirihlutaflokkanna um málið við
þinglok staðfesta að ef núverandi
ríkisstjórn heldur áfram, þá verði
hálendisþjóðgarðurinn kláraður á
næsta kjörtímabili. Eina leiðin til
að hindra slíkt er því öflugur Mið-
flokkur.“
Bergþór heldur áfram á svipuð-
um nótum varðandi þjóðlendumál.
„Mál sem snúa að þjóðlendum hafa
verið rekin áfram af furðulegu of-
forsi gagnvart bændum og stein-
inn tók úr þegar ríkisstjórnin opn-
aði fyrir það með lagabreytingu að
farinn yrði annar hringur um landið
með afli ríkisins með kröfur á hend-
ur bændum. Það kom á óvart hvaða
þingflokkar studdu þá vegferð.“
Stefnum að varnarsigri
Bergþór segir að fylgi Miðflokks-
ins fyrir Covid-19 hafi verið á góðu
róli en eftir að heimsfaraldurinn
skall á hafi stjórnarandstaðan öll
átt erfitt uppdráttar og þar á meðal
flokkur hans. „við fundum það vel
að málflutningur okkar hafði góðan
hljómgrunn. við höfum sýnt að við
gerum það sem við segjumst ætla
að gera. Stöndum við það sem við
lofum. Fylgið að undanförnu hef-
ur sveiflast talsvert en nú ætlum við
að kynna formlega stefnumál okk-
ar næstkomandi miðvikudag [í dag,
innsk. blm]. Ég trúi því að nú fari
umræðan aftur að snúast um stjórn-
mál og minna um sóttvarnaaðgerð-
ir. við í Miðflokknum erum búin að
ákveða okkar stefnumál og munum
á næstu dögum koma þeim ræki-
lega á framfæri. Okkar fylgi var síð-
ustu sex mánuðina fyrir Covid-19
að mælast um 19% hér í kjördæm-
inu, en hefur vissulega verið minna
frá því faraldurinn skall á. við ætl-
um okkur að ná fyrri styrk að nýju
og stefnum á varnarsigur, ef svo má
segja, með því að ná aftur tveimur
mönnum á þing hér í Norðvestur-
kjördæmi. Nú ætlum við að hella
okkur í greinaskrif, hringja í fólk og
hittast í smærri hópum. Þessi kosn-
ingabarátta verður ólík þeim fyrri
fyrir þær sakir að það verða engir
stærri fundir í aðdraganda kjördags,
en þá er bara að nálgast kjósendur
eftir öðrum leiðum,“ segir Bergþór
að endingu. mm
Laufey Rún Ketilsdóttir og Bergþór Ólason. Myndin er tekin á góðri stund í Stykkishólmi nú í sumar.
„Ætlum okkur varnarsigur í næstu kosningum“
Miðflokkurinn setur samgöngu- og atvinnumál á oddinn
Bergþór Ólason alþingismaður Miðflokksins.