Skessuhorn - 01.09.2021, Blaðsíða 26

MiðVikUdAgUR 1. SEptEMbER 202126
Vísnahorn
„Það var um kvöld eitt að kötu ég
mætti,“ var stundum sungið í gamla
daga og heyrist jafnvel enn. Ætli það
hafi ekki samt flestir lagt af engja-
heyskap nú til dags og vafalaust sjá
menn bæði jákvæðar og neikvæð-
ar hliðar við það eins og gengur en
höfundur næstu vísu mun hafa heit-
ið tómas Jónsson og kann ég svo-
sem ekki á honum frekari deili:
Heyjar peyinn engjum á
ei er meyjum styggur
sleginn, dreginn dengir ljá
deigju feginn þiggur.
Á árunum eftir stríð voru allmikl-
ar deilur milli atómskálda eða þeirra
sem ortu óbundið og hinna hefð-
bundnu og ýmislegt sem fæddist af
því tilefni. Ásgrímur kristinsson frá
Ásbrekku orti:
Geymdi þjóðin andans auð
unni ljóðum hreinum.
Er nú glóðin alveg dauð
aska í hlóðarsteinum.
Fáum betur yrkir óð
atómleturs kálfur.
Út á setur ýmsra ljóð
ekkert getur sjálfur.
Margir eiga að ég tel
andans forða í sjóði.
Aldrei get ég unað vel
órímuðu ljóði.
Drjúgum tryllist þessi þjóð
þroska spillir sönnum
að hlusta á illræmd atómljóð
og öskur í villimönnum.
Sonur Ásgríms, Þorsteinn Ás-
grímsson, yrkir síðar að vorlagi:
Veðrafjandinn frá mér snýr
fjármannsvanda lýkur.
Sunnanandi óskahlýr
yfir landið strýkur.
Og einn Húnvetningurinn til,
Þormóður Ísfeld pálsson frá Njáls-
stöðum segir:
Út á tímans ólguflaum
æskan burt er flotin.
Liggja bak við gamlan glaum
glösin týnd og brotin.
Já margt hefur nú skeð í „göml-
um glaumi“. Sumu má segja frá
og sumu ekki eins og gengur og
þarf svo sem ekki endilega gamlan
glaum til enda sagði okkar ástkæri
kristján Eldjárn:
Allt það sem hafa menn hátt um
hugsa og tala ég fátt um.
En ég hugsa um hitt
---slíkt er háttalag mitt---
sem talað er lítið og lágt um.
Sverrir Hermannsson var um
margt eftirminnilegur maður og
talaði stundum „hreina íslensku“
þegar honum þótti við þurfa. Ein-
hvern tímann þegar hann hafði tek-
ið nokkuð stórt upp í sig í ræðustól
Alþingis sagði torfi Þorsteinsson:
Mörg eru Sverris málblóm kunn
meðal landsins dætra og sona.
Fleiri eiga þó flónskan munn
en flíka honum ekki svona.
Margt hefur nú verið sagt á Al-
þingi Íslendinga. Sumt gáfulegt (en
ekki allt). Reyndar hef ég enga hug-
mynd um hverja Halldór Laxness
hafði í huga þegar hann orti:
Út í botnlaust orðadý
oft var margur sækinn
og að bæta bunu í
bakkafullann lækinn.
Hallmundur kristinsson orti um
þá sem búa með orð og raða þeim
saman sér til lífsviðurværis, nú eða
bara til skemmtunar þó enginn verði
svo sem saddur af þeim einmata:
Orðsins bændur engu gleyma
upp þeir hefja raust.
Ferskeytlurnar frá þeim streyma
fyrirhafnarlaust.
Ekki veit ég hvort Jón Ólafsson í
Langey orti þessa mannlýsingu um
þingmann eða bara svona einhvern
„venjulegan“ en ekki er hægt að
neita því að örlítið er hún meinleg:
Höldinn knáa hér má sjá
hirða dável seiminn
en loforð á og sannleik sá
sýnist ávallt gleyminn.
Organistanámskeið Þjóðkirkjunn-
ar voru merkilegar og oft fjölsóttar
samkomur. Eitt sinn er slíkt mót var
haldið í Skálholti var félagsheimilið
Aratunga nýtt sem gistipláss en þó
orðið þröngt mjög og lítið orðið um
dýnur nema örmjóar en þá gjarnan
notaðar fleiri. Árni bjarnason á Upp-
sölum gisti ásamt fleiri blöndhlíð-
ingum í herbergi með þessum mjóu
dýnum þegar koma enn tvær kon-
ur langt að komnar og þreyttar og
varð það þrautaráð inga Heiðmars
sem var búðastjóri að sækja dýnur
til þeirra blöndhlíðinga. Þegar þeir
Árni hittust í morgunkaffi spurði
Heiðmar hann afsakandi hvernig far-
ið hefði um þau og svaraði Árni þá:
Erfið var nóttin, aumur ég sat
allur því skakkur að vonum
því Heiðmar reif undan mér allt
sem hann gat
og afhenti vonlausum konum.
ingibjörg bergþórsdóttir orti við
æfingar á fjörgömlum sálmalögum,
svonefndum grallarasöng:

Við skulum gaula Gregorsöng.
Grimmt við skulum stund´ann.
Sé bænin nógu leið og löng
lætur Drottinn undan.
Íslenskan flækist stundum fyrir
útlendingum og þarf reyndar ekki
alltaf útlendinga til. Málfræðin rugl-
ar marga í ríminu að ekki sé talað
um orðanotkun og orðaröð. Helgi
ingólfsson yrkir um fleirtöluna:
Í fleirtölu „hakk“ yrði „hökk“,
svo held ég að „flakk“ yrði
„flökk“
og „malt“ yrði „mölt“
og „allt“ yrði „öllt“.
Að endingu „snakk“ yrði „snökk.“
--
(Þið afsakið léttúðug læti,
en limrugerð vekur oft kæti.
Ljóð byggja á orðum.
Hér allt er í skorðum
sem ofstuðlað fleirtölublæti.)
Og svo var það eintalan:
Eintala af „kenjum“ er „kenj“
og kannski af „menjum“ þá
„menj“,
af „buxum“ er „buxa“...
(Nú þarf ég að hugsa,
því þegar við grenjum fæst
„grenj“).
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Sé bænin nógu leið og löng - lætur Drottinn undan!
UltraForm líkamsræktarstöð verð-
ur opnuð á Akranesi miðvikudaginn
15. september næstkomandi. „Við
erum fyrir með eina stöð í grafar-
holti þar sem hátt í hundrað manns
æfa,“ segir Sigurjón Erni Sturlu-
son, eigandi UltraForm í samtali
við Skessuhorn. UltraForm er hóp-
tímastöð þar sem æfingarnar eru
settar upp með þeim hætti að allir
geti aðlagað þær að sinni getu. „Ef
fólk þarf frekari skalanir á æfing-
um eða sérhæfðar æfingar þá finn-
um við út úr því með fólki. Það eiga
allir að geta æft hjá okkur og það
þarf ekki að taka neitt grunnnám-
skeið fyrst. Æfingarnar eru þannig
að fólk er að vinna með eigin lík-
amsþyngd, þrektæki, hlaup/skokk/
göngu, ketilbjöllur eða handlóð.
Hver og einn velur bara þá þyngd
sem hentar. Það skiptir engu máli
þó einn taki átta kílóa ketilbjöllu á
meðan næsti maður er með 32 kíló.
Hver og einn tekur bara það sem
hann ræður við. Ég legg líka mikla
áherslu á liðleika og samhæfingu í
æfingum. En það er það sem fólk á
til að missa meir og meir með aldr-
inum og margir þurfa nú þegar að
vinna í. Því er mikilvægt að halda
þessu við og bæta,“ útskýrir Sigur-
jón.
Hlaupaþjálfun og
hlaupafjarþjálfun
Sigurjón lærði íþróttafræði á Laug-
arvatni og hefur sótt ýmis þjálfara-
námskeið. Auk þess er hann með
margra ára reynslu af æfingum
og keppnum og hefur náð langt í
hlaupum hér á landi. Aðspurður
segist hann hafa fengið boð um að
leigja húsnæði og búnað Metabolic
stöðvarinnar á Akranesi og ákveð-
ið að slá til. Hann ólst sjálfur upp
á innnesinu í Hvalfjarðarsveit og
þekkir því vel til á svæðinu. til að
byrja með verða í boði fjórir æf-
ingahópar sem fólk getur skráð sig í
en nú þegar eru tveir þeirra að fyll-
ast. „Við ætlum að byrja bara smátt
en ef eftirspurn verður mikil getum
við alltaf bætt við fleiri hópum,“
segir hann.
Hjá UltraForm er einnig boðið
upp á hlaupaþjálfun. Í grafarvogi er
Sigurjón með hlaupahóp sem æfir
saman tvo virka daga í viku og aðra
hverja helgi. Aðspurður segir hann
það koma til greina að fara af stað
með hlaupahóp á Akranesi líka. „Ef
eftirspurnin er mikil er það alveg
möguleiki. En þangað til þá bjóð-
um við líka upp á hlaupafjarþjálfun.
Það eru alveg samskonar æfingar og
á pari við það sem við erum að gera
með hlaupahópinn, nema fólk er
ekki saman í hópi,“ segir Sigurjón.
En til gamans má geta að hann var
einmitt á leið heim úr fjallahlaupi
í Frakklandi, sem margir telja með
erfiðari fjallahlaupum sem fyrir-
finnast, þegar blaðamaður heyrði í
honum. „Ég hljóp 146 km kring-
um fjallagarð Mount blanc með
9.100m hækkun og var rúmlega
25 klukkustundir á hlaupum,“ seg-
ir Sigurjón. Hægt er að finna allar
upplýsingar um UltraForm og skrá
sig í æfingahópa á ultraform.is arg
UltraForm stöð opnar á Akranesi í september
Sigurjón Ernir Sturluson eigandi UltraForm. Ljósm. úr safni