Skessuhorn - 09.03.2022, Blaðsíða 6

MIÐVIKUDAGUR 9. MARS 20226
Sest í forstjóra-
stól Samkaupa
LANDIÐ: Ómar Valdimars­
son, sem verið hefur forstjóri
Samkaupa undanfarin 13 ár,
hefur ákveðið að láta af störf­
um hjá félaginu. Gunnar Eg­
ill Sigurðsson tekur við starfi
forstjóra en hann hefur starf­
að hjá Samkaupum í tvo ára­
tugi, nú síðast sem fram­
kvæmdastjóri verslunarsviðs.
Forstjóraskiptin munu eiga sér
stað um mánaðamótin mars –
apríl, í kjölfar kynningu árs­
uppgjörs síðasta árs sem var
afar gott í rekstri fyrirtækis­
ins þrátt fyrir miklar áskoran­
ir síðustu ára vegna heimsfar­
aldursins. -mm
Undir áhrifum
HVALFJ.SVEIT: Ökumað­
ur var stöðvaður aðfararnótt
laugardags þegar hann var
að koma upp úr Hvalfjarðar­
göngunum og var látinn blása
í áfengismæli lögreglu. Próf­
ið reyndist jákvætt og er öku­
maður grunaður um að hafa
ekið undir áhrifum áfengis og
fíkniefna. Ökumaðurinn var
handtekinn og fluttur á lög­
reglustöðina. Mál hans fer í
hefðbundið ferli. -vaks
Keyrði út
af og valt
AKRANES: Að morgni
síðasta laugardags varð
bílvelta á Akrafjallsvegi þegar
ökumaður á suðurleið kom að
Akranesafleggjaranum en náði
ekki beygjunni og ók beint út
af og velti bílnum. Að sögn
öku manns hafði hann blind­
ast vegna birtuskilyrða þenn­
an morguninn og hemlaði
síðan of seint við gatnamótin.
Hringt var í Neyðarlínuna og
komu tvær lögreglubifreið­
ar og sjúkrabifreið á vettvang.
Fjórir voru í bílnum, ekki
urðu slys á farþegum en voru
þeir fluttir á HVE til nánari
skoðunar. -vaks
Rúta fór út af
DALABYGGÐ: Óhapp varð
í umferðinni á laugardags­
kvöldið á Bröttubrekku þegar
rúta fór út af veginum með
14 manns innan borðs. Engin
slys urðu á fólki og voru far­
þegar fluttir yfir í aðra bíla.
Engar teljanlegar skemmdir
urðu á rútunni og var hún sótt
síðar um kvöldið. -vaks
Veist að starfs-
manni við eftirlit
LANDIÐ: Matvælastofnun
hefur óskað eftir rannsókn lög­
reglu vegna atviks þar sem veist
var að starfsmanni stofnunar­
innar þegar hann var að sinna
eftirliti. Ekki kemur fram hvar
eða hvenær umrætt atvik átti sér
stað. „Þetta er í þriðja sinn á sl.
þremur árum þar sem máli er
vísað til lögreglu vegna þess að
veist er að eftirlitsmanni stofn­
unarinnar við störf hans. Í 106.
gr. almennra hegningarlaga
segir að hver sá sem ræðst með
ofbeldi eða hótunum um of­
beldi á opinberan starfsmann
þegar hann er að gegna skyldu­
starfi sínu eða sem á sama hátt
leitast við að hindra framkvæmd
slíks starfs skal sæta fangelsi allt
að sex árum. Jafnframt segir að
beita megi sektum ef brot er
smáfellt. Allt ofbeldi eða hótan­
ir um ofbeldi í garð starfsmanna
Matvælastofnunar verður kært
til lögreglu,“ segir í yfirlýsingu.
-mm
Rýmka reglur um
íbúakosningar
LANDIÐ: Drög að frum­
varpi til breytinga á sveitar­
stjórnarlögum vegna íbúakosn­
inga sveitarfélaga hafa verið
birt í samráðsgátt stjórnvalda.
Allir hafa tækifæri til að senda
inn umsögn eða ábendingar
en frestur til að skila inn um­
sögn er til og með 15. mars nk.
Megin tilgangur frumvarps­
ins er annars vegar að einfalda
og skýra reglur sem gilda um
íbúakosningar sveitarfélaga og
hins vegar að rýmka og lögfesta
varan lega heimildir sveitarfé­
laga til að halda íbúakosningar
með rafrænum hætti. Í frum­
varpinu eru einnig gerðar smá­
vægilegar breytingar á hinu
lögbundna ferli, sem fylgja þarf
þegar kemur að sameiningu
sveitarfélaga. -mm
Miklar framkvæmdir standa nú
yfir á veitingastaðnum Narfeyrar­
stofu í Stykkishólmi þar sem verið
er að grafa upp kjallara hússins til
að stækka staðinn. „Það hefur lengi
verið planið hjá okkur að bæta þess­
um kjallara við staðinn okkar, þetta
er stærsta einstaka rýmið í hús­
inu,“ segja þau Sæþór Þorbergsson
og Steinunn Helgadóttir eigend­
ur Narfeyrarstofu í samtali við
Skessuhorn.
Vegna þess hversu lágt var til lofts
í kjallaranum þarf að moka töluvert
úr honum svo hægt sé að nýta bet­
ur lofthæðina. „Við erum komin al­
veg niður um þrjá metra svo núna
erum við bara á fullu að undirbúa
að taka þetta í notkun. Planið er
að vera þarna með bar sem þjónar
þeim tilgangi að taka við fólki bæði
fyrir og eftir mat. Þannig vonumst
við til að leysa biðlistavandamálið
sem við höfum oft verið að glíma
við,“ segir Sæþór. „Við missum oft
marga gesti því við erum ekki með
neina biðstofu fyrir fólk. Vonandi
náum við með þessu að halda fólk­
inu og getum boðið þeim að bíða
inni,“ bætir Steinunn við.
Við moksturinn komu í ljós
gamlar minjar undir húsinu en
þar voru nokkrar hleðslur, sú elsta
talin vera frá 1750­1800. „Húsið
er sennilega byggt á grunni annars
húss,“ segja þau. „Hleðslurn­
ar verða allar lagaðar til og svo
verða þær sýnilegar auk þess sem
við ætlum að láta bergið halda sér
í tveimur veggjum,“ segja Sæþór
og Steinunn. „Við erum á fullu að
byrja að byggja upp núna og ætlum
að opna ekki seinna en í júní.“
arg
Mjög víða eru þjóðvegir, sem og
götur í þéttbýli, illa farnir eft­
ir tíðarfarið í vetur. Vegfarendur
kannast við slitlagsskemmdir og
jafnvel djúpar og varasamar holur
sem víða hafa myndast í leysingun­
um. Sé óvarlega ekið er hægt að
skemma bæði hjólbarða og felgur.
Starfsmenn Vegagerðarinnar eru
því í önnum þessa dagana við við­
gerðir. Töluvert er af holum sem
þarf að fylla í ásamt því að lagfæra
eða skipta um stikur sem hafa farið
úr skorðum vegna veðurs eða snjó­
ruðnings.
Á meðfylgjandi mynd eru þeir
Guðjón Hrannar Björnsson og
Sigurjón Hilmarsson starfsmenn
Vegagerðarinnar sem voru að nýta
góða veðrið fyrir síðustu helgi til
að sinna þessum verkefnum á Snæ­
fellsnesi. Þeir höfðu um morguninn
byrjað á Hellissandi og voru komn­
ir austur fyrir Búlandshöfða þegar
ljósmyndari hitti þá félaga. Stefnan
hjá þeim var að klára að holufylla
og laga stikur að Grundarfirði áður
en þeir hættu. Áætluðu þeir að nota
þrjú tonn af viðgerðarefni í þennan
kafla vegarins. mm/ Ljósm. þa
Vegir eru víða illa farnir eftir veturinn
Unnið í kjallaranum. Hleðslur fundust við uppgröftinn sem verða sýnilegar gest-
um. Ljósm. aðsend
Stækka Narfeyrarstofu í Stykkishólmi