Skessuhorn - 09.03.2022, Blaðsíða 12

MIÐVIKUDAGUR 9. MARS 202212
Fermingarbörn í Borgarbyggð ætla
að dansa í sólarhring frá föstudegi
til laugardags og um leið að safna
fyrir vatnsbrunni í Eþíópíu. „Vatns­
söfnun fermingarbarna er eitt
stærsta verkefni Hjálparstarfs kirkj­
unnar. Okkar fermingarbörn hér í
sveitinni búa ekki við að geta geng­
ið á milli húsa og safnað pening og
ætla þau að leysa það með sólar­
hrings dansmaraþoni og safna um
leið áheitum,“ segir Hildur Björk
Hörpudóttir sóknarprestur í Reyk­
holti í samtali við Skessuhorn. Alls
munu 45 krakkar taka þátt og munu
þau dansa á vöktum frá klukkan tvö
á föstudaginn til tvö á laugardaginn
en auk þess sem þau fá sólar hrings
fermingarfræðslu og munu vinna
ýmis verkefni. Kristín Ólafsdótt­
ir frá Hjálparstarfi Kirkjunnar ætl­
ar einnig að kíkja til þeirra með
fræðslu um söfnunina. „Hún mun
segja þeim nákvæmlega af hverju
við erum að safna fyrir þessu mál­
efni, hvert brunnurinn sem þau eru
að safna fyrir mun fara og svo fá
þau að sjá myndband frá því svæði,“
segir Hildur Björk.
Krakkarnir munu vera í kirkjunni
í Reykholti í sólarhring; „og það er
ekkert skemmtilegra þegar maður
gistir í kirkju en að fara í ratleik svo
við munum að sjálfsögðu gera það,“
segir Hildur Björk. „Við erum svo
með pizzahóp sem ætlar að baka
pizzur en þau hafa skipt verkum
og munu sjá að mestu um allt sjálf
þennan sólarhring. Það er svo ótrú­
lega skemmtilegt að gista í kirkju
og það býður upp á skemmtilegar
umræður sem fermingarbörn­
in munu taka þátt í svo ég er mjög
spennt,“ bætir hún við. Fermingar­
börnin hafa sjálf séð um að safna
áheitum með því að hringja í fólk
og banka upp á hjá nágrönnum sín­
um. Hver og einn ræður hversu háa
upphæð hann gefur og svo þegar
krakkarnir hafa lokið við dansinn
láta fermingarbörnin alla vita sem
hafa skráð sig á þeirra lista og pen­
ingnum verður safnað inn á reikn­
ing. Spurð hvert hægt sé að leita ef
fólk vill styrkja, en hefur ekki feng­
ið símtal frá fermingarbarni, segir
Hildur: „Þá er alltaf hægt að hafa
samband við okkur eða Heiðrúnu
Bjarnadóttur í Borgarnesi og við
finnum þá fermingarbarn sem hef­
ur laust pláss á sínu blaði og setj­
um viðkomandi þar,“ svarar Hildur
Björk. arg
Víkingur AK kom með um 500
tonn af loðnu til löndunar á Akra­
nesi á fjórða tímanum í fyrrinótt
og var þetta önnur löndun úr skip­
inu á nokkrum dögum. Vikuna
áður höfðu fleiri skip landað, með­
al annarra Ásgrímur Halldórsson
SF og Svanur RE. Stöðugt er því
komið með hráefni til frystingar og
bræðslu á Akranesi þar sem unnið
er á vöktum allan sólarhringinn.
Loðnan er nú býsna dreifð um
veiðisvæðið sunnan­ og vestan við
landið, allt frá Fjallasjó undir Eyja­
fjöllum og vestur um að Ísafjarðar­
djúpi. Geirs Zoëga er skipstjóri á
grænlenska uppsjávarveiðiskipinu
Polar Ammassak. Haft er eftir hon­
um á vef Síldarvinnslunnar, um síð­
asta túr á skipinu, að þeir hafi byrj­
að að veiða vestur af Bjargtöngum
og fengu þar um 700 tonn. Síð­
an var haldið inn á Breiðafjörð og
þar hafi fengist 600 tonn í tveim­
ur köstum áður en skipið var fyllt
í Nesdýpi vestur af Vestfjörð­
um. Geir segir að loðnan hagi sér
undarlega og geri sjómönnum erfitt
fyrir. Hún bæði standi djúpt og sé
gisin. Þá segir Geir mikið af hval á
miðunum og hann skapi heilmikil
vandræði við veiðarnar.
Ef marka má veiðislóð Víkings
AK úr síðasta túr er svipaða sögu
að segja. Talsvert hafi þurft að hafa
fyrir þessum skammti, eins og sést á
meðfylgjandi korti af Marintraffic.
mm/ Ljósm. Guðm. St. Valdimars-
son.
Minjavernd hefur selt Hótel Fla­
tey á Breiðafirði. Í frétt á visir.is
um söluna kemur fram að bæði
rekstur og húsakostur hafi ver­
ið seldur. Kaupendurnir eru ekki
nefndir en haft eftir Þorsteini
Bergssyni framkvæmdastjóra
Minjaverndar að kaupendurn­
ir áformi að halda áfram gisti­
rekstri og ferðaþjónustu á svæð­
inu. Gengið var frá kaupsamningi
í lok janúar.
Hótelið sjálft, sem heitir Stóra
pakkhús, var byggt árið 1908 en
auk þess er um að ræða Samkomu­
húsið, byggt árið 1900, og Eyjólf­
spakkhús frá 1908. Árið 2019 voru
svo byggð starfsmannahús ásamt
geymslu og bílskúr. Alls er húsa­
kosturinn 678 fermetrar.
Húsin hafa verið í eigu Minja­
verndar frá árinu 2007 sem hefur
staðið að umfangsmikilli endur­
byggingu húsanna. Endurbót­
um eldri húsanna lauk á árunum
2003 til 2007 og 2018 voru byggð
hús þar sem starfsmenn gætu gist.
Húsin voru áður í eigu Flateyj­
arhrepps sem fékk þau úr þrota­
búi gamla Íslandsbanka. Reyk­
hólahreppur átti forkaupsrétt að
eignunum en sveitar stjórn tók þá
ákvörðun að nýta hann ekki. mm
Minjavernd hefur
selt Hótel Flatey
Fermingarbörn safna fyrir
vatnsbrunni með dansi
Síðastliðinn laugardagsmorgun kom
Svanur RE til hafnar á Akranesi með
loðnu. Á hinum hafnarkantinum lá
svo við kaja Wilson Garston sem var
að lesta loðnumjöli sem framleitt
hefur verið á vertíðinni.
Loðnan er mjög dreifð og þarf að hafa fyrir veiðunum
Víkingur AK kom með um 500 tonn á Akranes aðfararnótt þriðjudags. Hér má sjá siglingaleið Víkings úr síðasta túr, með upphafs- og lokapunkt á Akra-
nesi, en síðan allt frá sunnan við land og vestur í djúp.