Skessuhorn - 09.03.2022, Blaðsíða 14

MIÐVIKUDAGUR 9. MARS 202214
Í Grundarfirði standa þær Ágústa
Einarsdóttir og Rut Rúnarsdóttir,
þjálfarar hjá Líkamsræktinni, fyr­
ir heilsueflingu eldri íbúa bæjarins.
Þá kemur hópurinn saman fjór­
um sinnum í viku og stundar heil­
næma hreyfingu; tvisvar sinnum í
sal Líkams ræktarinnar og tvisvar
sinnum í sal íþróttahússins.
Miðvikudaginn 2. mars síðast­
liðinn var hefðbundin dagskrá að­
eins brotin upp í tilefni Öskudags­
ins. Þá mætti sjúkraflutningamað­
urinn Tómas Freyr Kristjánsson
og fór yfir fyrstu viðbrögð við með­
vitundarleysi og notkun hjarta­
stuðtækis í slíkum tilfellum. Iðk­
endur voru mjög áhugasamir um
fræðsluna og fengu svo að æfa sig í
hjartahnoði svona til að fá einhverja
hreyfingu. Í lok tímans var svo skál­
að í engiferdrykk sem rann ljúflega
niður.
mm/ Ljósm. áe
Vetrardagar verða haldnir á Akra­
nesi dagana 17. til 20. mars en
þeir voru haldnir fyrst árið 2016
og hafa undanfarin ár verið und­
ir heitinu Írskir vetrardagar. Há­
tíðin var síðast haldin árið 2020
en var frestað í fyrra vegna far­
aldursins. Sigrún Ágústa Helgu­
dóttir hjá Akraneskaupstað seg­
ir að markmið Vetrardaga séu að
stofnanir Akraneskaupstaðar, fyr­
irtæki og bæjarbúar eru hvatt­
ir til sjálfsprottinnar þátttöku til
að glæða bæjarbraginn lífi. Þá er
þetta kjörið tækifæri fyrir menn­
ingartengda viðburði, aukinn
opnunartíma í verslunum, opn­
ar vinnustofur, „pop up“ matseðla
á veitingahúsum eða aðrar uppá­
komur.
Sigrún Ágústa segir einnig að
þau treysti algjörlega á bæjarbúa,
stofnanir og fyrirtæki til að setja
saman dagskrá. Síðan er það sem
er alltaf á boðstólum alla jafnan
eins og til dæmis Fjölskyldutím­
ar á Smiðjuloftinu og Sögustund
á bókasafninu þar sem verið er að
benda á það sem er fyrir og til að
vekja athygli á því. Þeir sem vilja
enn taka þátt geta haft samband
fyrir fimmtudaginn 10. mars.
Staðfestir viðburðir á vetrar­
dögunum í ár eru til dæmis tón­
leikar hjá Karlakórnum Svönum
og rokktónleikar í Landsbanka­
húsinu. Kellingar ganga heim að
Görðum verður laugardaginn 19.
mars þar sem gengið verður um
Garðasvæðið og kirkjugarðinn.
Föstudaginn 18. mars verður
Dansstúdíó Díönu og FIMÍA með
opna æfingu fyrir börn þriggja til
sjö ára. Þá verður Hallbera Jó­
hannesdóttir með upplestur úr
bókum sínum á Byggðasafninu
sunnudaginn 20. mars.
vaks
Sigga Dóra Matthíasdóttir er ný
hótelstýra á Laugum í Sælingsdal
fyrir sumarið. Sigga Dóra var að­
stoðarhótelstýra síðasta sumar og
þekkir því vel til svæðisins. „Hér er
dásamlegt að vera og ég er rosalega
þakklát að hafa fengið þetta starf,“
segir Sigga Dóra ánægð. Hótelið
verður opnað 1. maí og ætlar hún
að vera með mikið líf á svæðinu í
allt sumar.
„Ég ætla að vera með allskon­
ar skemmtilegar uppákomur fyr­
ir gesti og sveitunga, ég held að
það vanti hér á svæðinu. Ég ætla
að vera dugleg að fá hljómsveitir
til að koma og aðra skemmtikrafta
eins og Siggu Kling og fleiri,“ seg­
ir Sigga Dóra. „Það var mjög mikið
að gera hér síðasta sumar og mikið
fjör og ég get sagt að þetta sumar
verður ekki síðra. Ég hef verið að
stjórna alls konar skemmtikvöld­
um og svona viðburðum í gegnum
árin og því alveg á heimavelli,“ bæt­
ir hún við.
arg
Sigga Dóra Matthíasdóttir verður
hótel stjóri á Hótel Laugum í Sælings-
dal í sumar. Ljósm. aðsend
Ætlar að hafa líf og fjör á Hótel
Laugum í sumar
Laugar í Sælingsdal. Ljósm. úr safni
Vetrardagar á Akranesi
17. til 20. mars
Þær Ágústa Einarsdóttir og Rut Rúnarsdóttir stilltu sér upp fyrir framan hópinn að
loknum tímanum.
Farið yfir réttu handtökin
í leikfimi eldri borgara
Tómas Freyr kynnir réttu handbrögðin fyrir þessum duglega hópi.
Jóhanna Hallgerður Halldórsdóttir hnoðar dúkkuna.