Skessuhorn - 09.03.2022, Blaðsíða 26

MIÐVIKUDAGUR 9. MARS 202226
Landsbankamót unglinga í badmint­
on fór fram um helgina í íþróttahús­
inu við Vesturgötu á Akranesi. Alls
tóku þátt 150 keppendur frá níu fé­
lögum og tókst mótið vel. Keppend­
ur frá ÍA stóðu sig mjög vel á mótinu,
fengu fjögur gull og eitt silfur.
Í flokki U11 varð Davíð Logi Atla­
son ÍA í 1. sæti og Hilmar Karl Krist­
jánsson BH í 2. sæti. Í U15 A sigr­
aði Máni Berg Ellertsson ÍA Eggert
Þór Eggertsson TBR í úrslitaleik.
Í U15 í tvíliðaleik unnu Máni Berg
ÍA og Halla Stella Sveinbjörnsdótt­
ir BH þau Stefán Loga Friðriksson
og Lenu Rut Gígja BH í úrslitum. Í
U15 B varð Samin Esco bedo KR í 1.
sæti og Davíð Logi Heiðarsson ÍA í
2. sæti og í U15 B auka flokki sigr­
aði Hafdís María Arnórsdóttir Snæ­
dísi Önnu Heimisdóttur TBR í úr­
slitaleik.
Badmintonfélag Akraness segir í
færslu sinni á facebook: „Við þökk­
um öllum sem komu og tóku þátt og
erum svo þakklát fyrir að hafa get­
að haldið jafn stórt mót og vera með
fulla stúku af áhorfendum. Badmin­
ton á Íslandi á svo sannarlega bjarta
framtíð.“
vaks/ Ljósm. Badmintonfélag
Akraness.
Í lok febrúar fór fram Norður­
landamót ungmenna í klifri. Mótið
var haldið í Bison Boulders í Kaup­
mannahöfn og tók stór hópur
klifrara frá Íslandi þátt, þar af sjö
klifrarar frá Klifurfélagi ÍA. Flest
þeirra voru að klifra á erlendum
vettvangi í fyrsta skipti og því var
mikil spenna í hópnum.
Undankeppnin fór fram laugar­
dagsmorguninn 26. febrúar og
hátt í 100 klifrarar frá fjórum lönd­
um voru skráðir til leiks. Þar voru
klifraðar átta leiðir með flass formi,
en átta klifrarar frá Íslandi komust
áfram eftir erfiða keppni. Skaga­
klifrararnir Sverrir Elí Guðnason
(Youth B) og Sylvía Þórðardóttir
(Youth A) voru meðal þeirra sem
komust áfram í úrslit og kepptu því
aftur að kvöldi laugardags.
Úrslitalotan var ansi strembin og
leiðirnar í erfiðari kantinum. Sverr­
ir Elí fór inn í úrslit með fjóra toppa
í átta leiðum. Sverrir átti ágæta til­
raun í fyrstu leið, hröð hlaupaleið
sem breyttist í tæpar jafnvægis­
hreyfingar, en var of seinn að finna
réttan takt til að grípa zone­gripið
og var óheppinn að toppa ekki leið
nr. 2, þar sem hann datt í lokahreyf­
ingunni. Sverri Elí hafnaði því í ní­
unda sæti með 1 zone í fimm til­
raunum sem er flott niðurstaða á
fyrsta móti erlendis.
Keppni í kvennaflokki var mjög
jöfn en Sylvía var fjórða inn í úr­
slitin og því í góðri stöðu fyrir
lokasprettinn. Hún klifraði vel og
náði zone í annarri og þriðju leið
og þurfti til þess níu tilraunir, en
einungis þrjár tilraunir skildu að
Sylvíu og bronssætið. Fimmta sæti
varð því niðurstaðan sem er hennar
besti árangur til þessa og lofar góðu
fyrir komandi Norðurlandamót.
Fram undan hjá Klifurfélagi ÍA
er Bikarmeistaramót Íslands um
miðjan mars og Norðurlandamótið
í grjótglímu sem fram fer í Gauta­
borg þriðju helgina í mars, en
þangað fara þau Sylvía, Sverrir Elí
og Þórkatla Þyri Sturludóttir sem
keppir í B­flokki stúlkna. -þs
Dagana 12. til 13. mars nk. verður
ungmennaþing Vesturlands haldið
á Lýsuhóli í Staðarsveit. Um er að
ræða samstarfsverkefni sveitarfé­
laga á Vesturlandi, ungmennaráðs
Vesturlands og samtaka sveitar­
félaga á Vesturlandi (SSV). Þetta
kom fram á vefsíðu Snæfellsbæjar.
Markmiðið með þinginu er að fá
ungt fólk af öllu Vesturlandi saman,
stuðla að uppbyggingu í þágu ungs
fólks í landshlutanum, skapa vett­
vang fyrir samtal ungmenna við
frambjóðendur sveitarstjórnar­
kosninganna sem fara fram 14. maí
næstkomandi og kynnast öðrum
ungmennum, njóta og hafa gaman.
Þátttakendur munu ræða stöðu
ungmenna á Vesturlandi frá ýms­
um hliðum auk þess sem boðið
verður upp á kynningar sem tengj­
ast málefnum ungs fólks og ung­
mennaráða. Þingið er ætlað ungu
fólki á aldrinum 14 til 25 ára. Fjöldi
þátttakenda er takmarkaður við 40
manns og er lágmarksfjöldi tryggð­
ur frá hverju sveitarfélagi. Þátttak­
endum yngri en 18 ára þarf að fylgja
fullorðinn einstaklingur. Þátttaka
er gjaldfrjáls og innifalið í þátttöku
er gisting, matur, vinnugögn og
annað tilheyrandi.
vaks
Hafdís María sigraði í U15 auka flokki.
Landsbankamótið
fór fram um helgina
Davíð Logi sigraði í U11 flokki.
Máni Berg og Halla Stella sigruðu í tvíliðaleik í U15 flokki.
Tóku þátt í
Norðurlandamótinu í klifri
Ungmennaþing Vesturlands
verður haldið á Lýsuhóli