Skessuhorn - 29.06.2022, Qupperneq 4

MIÐVIKUDAGUR 29. JÚNÍ 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnhildur Lind Hansdóttir glh@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Steinunn Þorvaldsdóttir sth@skessuhorn.is

Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Atvinnugreinar í atgangi
Undanfarið hef ég verið dálítið hugsi yfir núningi fólks sem stendur á bak
við ólíkar atvinnugreinar sem hér á landi eru stundaðar. Hagsmunagæsla er
býsna hörð og menn fylgnir sér í málflutningi sínum.
Síðastliðinn föstudagsmorgun var fyrsta langreyðurin á þessari hvalver-
tíð dregin að landi í Hvalfirði. Þrjú ár eru síðan hvalur var veiddur síðast
við landið og ljóst að að óbreyttu fengjum við ekkert súrt rengi á þorran-
um, sem væri slæmt. Ýmsir fögnuðu því að Kristján Loftsson og hans fólk
var enn einu sinni búið að dubba gömlu gufuknúnu hvalveiðibátana upp og
halda á þeim til veiða. Persónulega finnst mér þessar veiðar vera órjúfan-
legur hluti af menningu okkar og sögu og af þeim ættum við að vera stolt.
Rétt eins og Hollendingar eru stoltir af túlipanarækt og Írar af Guinness
brauðsúpubjórnum sínum.
Áratuga hefð er fyrir hvalveiðum við Ísland, jafnvel þótt rof hafi komið í
veiðar sum ár, af ýmsum ástæðum. Með hvalveiðum er í mínum huga leit-
ast við að halda jafnvægi í lífríkinu í sjónum umhverfis landið, við færum
björg í bú og aukum útflutningstekjur landsins, þótt ýmsir leyfi sér að halda
öðru fram. Sýnt hefur verið fram á að leyfilegar veiðar eru í svo smáum stíl
að í engu er ógnað stofni þessara stóru dýra sem áætlað er að séu um fjöru-
tíu þúsund í norðurhöfum. Enn á ný hafa engu að síður rekið upp harma-
kvein ýmsir þeir sem telja að hvalveiðar skaði ímynd landsins og annarra
atvinnugreina. Einkum þeir sem hafa tekjur af því að fara með fólk í bátum
út á rúmsjó til að horfa á hvali sem koma upp á yfirborðið. Þarna sjá menn
ógn við þá starfsemi. Ég vil hvetja leiðsögufólk í hvalaskoðunarferðum og
eigendur fyrirtækja til að taka annan pól í hæðina. Útskýra fyrir gestum
sínum að jafnvel þótt hvalirnir séu fallegir á að líta sé örlítið hlutfall af
stofninum nýtt hér við land, líkt og hefð er fyrir í áratugi og aldir. Af því
séu Íslendingar stoltir, rétt eins og Hollendingar af túlipönunum sínum og
Írarnir af brauðsúpunni.
Í hvert sinn í júnímánuði sem Kristján Loftsson og menn hans halda til
veiða bregst ótilgreindur hópur fólks við með látum. Íslenskir talsmenn
verndunarsamtaka eru þeir sem einkum hafa blásið það upp að hvalveiðar
séu að hefjast. Auglýsa það rækilega og kalla til liðs við sig erlenda fjölmiðla
í þeim tilgangi að hafa hátt. Með hvatningu frá þessum samtökum koma
fréttaritarar erlendra fjölmiðla til landsins. Nýverið fjallaði CNN þannig
um málið, einhverjum dögum áður en fyrsti hvalurinn var skotinn. Álits-
gjafarnir voru að sjálfsögðu talsmenn ferðaþjónustufyrirtækja sem sögðu
það ergilegt að hefja ætti hvalveiðar. Vildu meina að þetta skaðaði orðspor
landsins og myndi mögulega skaða útflutningstekjur ferðaþjónustunnar.
Þannig er enn og aftur búið að egna saman þeim sem nýta vilja auðlindina
og þeim sem nýta vilja sömu auðlind með öðrum hætti.
Nú vill svo skemmtilega til að þessa dagana eru fluttar fréttir af ferða-
þjónustufyrirtækjum sem eru búin að bóka upp hótelgistingar, bílaleigubíla
og aðrar nauðsynjar sem þarf til að hingað geti ferðaþyrstir útlendingar
komið og ferðast um. Upppantað er út sumarið og langt fram á haust. Þrátt
fyrir barlóm úr greininni er þó ekkert sem segir mér að hingað muni flæða
inn afbókanir vegna þess að Kristján Loftsson ætlar að veiða á annað hund-
rað hvali. Hvali sem í mínum huga er alveg fullkomlega jafn sjálfsagt að
veiða, rétt eins og slátra þarf nautunum sem ferðamennirnir fá á diskana
sína meðan þeir dvelja hér.
Í mínum huga ætti að vera stolt hverrar þjóðar að útskýra fyrir gestum
sínum hvað gerir þjóð að þjóð. Við erum af sjómönnum og bændum komin
og eigum að hafa vit og rænu til að bera höfuðið hátt hvað uppruna okkar
varðar. Við lifðum á því sem sjórinn og landið gaf, nýttum jarðhitann og
beittum vissulega kænsku til að lifa af svo langt norður í höfum. Því langar
mig að biðja ferðaheildsala og sölumenn í ferðaþjónustu að hætta þessu
endemis væli.
Magnús Magnússon
Síðastliðinn mánudagsmorgun
var Bláfáninn dreginn að húni
við Langasand á Akranesi, tíunda
árið í röð. Bláfáninn er alþjóð-
legt umhverfismerki sem veitt er
smábátahöfnum, baðströndum
og þjónustuaðilum í sjávarferða-
mennsku fyrir árangursríkt starf að
umhverfismálum. Tilgangur verk-
efnisins er að stuðla að verndun á
lífríki haf- og strandsvæða, draga úr
umhverfisáhrifum, bæta öryggi og
efla umhverfisvitund. Bláfáninn er
þannig tákn um góða frammistöðu
í umhverfismálum og bætir ímynd
og ásýnd þar sem hann blaktir við
hún.
Nemendur og starfsfólk leik-
skólanna, sem og starfsfólk Vinnu-
skólans á Akranesi voru viðstaddir
athöfnina í blíðskaparveðri. Fyrst
ávarpaði Jón Arnar Sverrisson
garðyrkjustjóri gesti, en hann hef-
ur umsjón með að þeim skilyrðum
sé fylkt að bláfáninn fáist afhentur.
Ragnar Þórðarson frá Vottunar-
stöðinni Túni sagði frá hvað felst
í bláfána viðurkenningunni. Lok
ræddi Sævar Freyr Þráinsson bæj-
arstjóri við hópinn og kallaði til liðs
við sig nokkur leikskólabörn til að
draga fánann að húni. Loks sungu
leikskólabörn nokkur lög.
mm
Í gær var unnið af krafti við að
steypa gólfplötu og þak bíla-
kjallara í nýbyggingu við Aspar-
skóga 18 á Akranesi. Hver steypu-
bíllinn af öðrum ók í hlað og var
um 130 rúmmetrum af steypu dælt
í plötuna sem festir um leið saman
forsteyptar einingar sem húsið er
byggt úr. Risin er fyrsta hæðin í
húsinu en það verður að stærstum
hluta á þremur hæðum en að hluta
til á fjórum og penthouse íbúð á
fimmtu. Barium ehf. byggir húsið
fyrir Ferrum fasteignir. Hönnuð-
ur þess er Runólfur Þ Sigurðsson
hjá Alhönnun ehf. Fullbúið verð-
ur húsið með 40 íbúðum auk bíla-
geymslu í kjallara. Húsið verður
því stærsta fjölbýlishúsið á Akra-
nesi, stærra en fjölbýlishúsin tvö við
Stillholt. Að sögn Engilberts Run-
ólfssonar verkefnisstjóra er stefnt
að íbúðir í húsinu fari í sölu eftir
um það bil mánuð.
Hægt er að sjá nánari upplýsingar
um verkefnið á; asparskogar.is mm
Bíllinn á þessari mynd var mann-
laus í vegarskurði á Mýrunum
seinni part dags á laugardaginn,
þegar fréttaritari Skessuhorns átti
leið um. Ekki er vitað með slys á
fólki og líklegt að ökumaður og
mögulega farþegar hafi komist af
sjálfsdáðum úr bílnum og frá vett-
vangi. Í það minnsta var ekki búið
að merkja bílinn lögregluborða til
merkis um að búið væri að færa
óhappið til bókar. Þar af leiðandi
voru margir hugulsamir vegfarend-
ur sem stoppuðu og gáðu inn í bíl-
inn hvort einhver væri þar í vanda.
þa
Bláfáninn blaktir á ný við Langasand
Yfirgefinn bíll í
vegarskurði
Steypt af krafti í stærsta
fjölbýlishúsinu á Vesturlandi
Fyrsta hæðin er nú risin.
Hér rennur steypan úr einum steypubílnum yfir í dælubíl-
inn.
Þannig á húsið fullbúið að líta út. Teikning: Alhönnun.