Skessuhorn - 29.06.2022, Page 19

MIÐVIKUDAGUR 29. JÚNÍ 2022 19
SKIPULAGSAUGLÝSING
Valfell Borgarbyggð - Auglýsing um niðurstöðu sveitarstjórnar
Borgarbyggðar vegna skipulags
Sveitarstjórn Borgarbyggðar samþykkti þann 16. Júní 2022 eftirfarandi tillögu í
samræmi við 2. mgr. 36. gr. skipulagslaga nr. 123/2010 og 32. gr. sömu laga:
Aðalskipulag Borgarbyggðar 2010-2022, Valfell í Borgarbyggð.
Aðalskipulag Borgarbyggðar 2010-2022
Breytingin tekur til þess að fella niður skilgreint svæði Félagsheimili, Valfell (Þ14), úr
þjónustustofnun í landbúnaðarlandi og gefinn er kostur á fastri búsetu á svæðinu. Stefnt
er á stofnun lögbýlis og vera með dúnhreinsun á svæðinu. Valfell er undir 3ha að stærð.
Ekkert deiliskipulag er á svæðinu, breytingin samræmist meginstefnu aðalskipulagsins.
Tillagan er sett fram á uppdrætti, kort og greinargerð, Niðurfelling á Þ14 félagsheimilinu
Valfell – Óveruleg breyting á Aðalskipulagi Borgarbyggðar 2010-2022, dags. 27.05.2022.
Aðalskipulagsbreytingin hefur verið send Skipulagsstofnun sem sér um lokaafgreiðslu
erindisins.
Þeir sem óska nánari upplýsinga um tillögunar og niðurstöðu sveitarstjórnar geta snúið
sér til skipulags- og byggingardeildar Borgarbyggðar, Digranesgötu 2, Borgarnesi.
Nánari upplýsingar má nálgast á heimasíðu Borgarbyggðar á www.borgarbyggd.is
Vakin er athygli á málskotsrétti samkvæmt 52. gr. skipulagslaga nr. 123/2010 og lögum
um úrskurðarnefnd umhverfis- og auðlindamála nr. 130/2011 en þar kemur fram að
stjórnvaldsákvarðanir má kæra til úrskurðarnefndar umhverfis- og auðlindamála.
Þeir einir geta kært stjórnvaldsákvarðanir sem eiga lögvarða hagsmuni tengda þeirri
ákvörðun sem kæra á. Kærufrestur er einn mánuður frá birtingu skipulagsáætlana í
B-deild Stjórnartíðinda.
Sveitarstjórn Borgarbyggðar
S
K
E
S
S
U
H
O
R
N
2
02
2
Melahverfi útivistarsvæði

Hvalfjarðarsveit óskar eftir tilboðum í að
byggja upp útivistar- og samkomusvæði fyrir
þéttbýlið í Melahverfi.
Verkið skal unnið í tveimur áföngum, sem unnir eru
hvor á eftir öðrum. Fyrri áfangi skal unninn árið 2022
og verklok seinni áfanga skal skila 15.06.2023.
Helstu verkliðir eru jarðvinna, lagnir, rafkerfi,
mannvirki, frágangur yfirborðs, gróður og leiktæki.
Verkið skal vinna samkv. útboðs- og verklýsingu, ásamt
þeim gögnum sem þar er vísað til.
Gögn verða send bjóðendum. Senda skal póst á
hvalfjardarsveit@hvalfjardarsveit.is og tilgreina netpóst
sem gögnin verða send á.
Tilboði skal skilað í síðasta lagi kl 11.00 miðvikudaginn
3. ágúst 2022.

Samtök fyrirtækja í sjávarútvegi
(SFS) og fyrirtæki innan þeirra
vébanda hafa ákveðið að styrkja
þrenn hjálpar- og mannúðarsamtök
í Úkraínu um 130 milljónir króna.
Upphaflega var tilkynnt um gjöf-
ina á ársfundi samtakanna 6. maí en
þá lá ekki fyrir hvaða hjálparsamtök
yrðu fyrir valinu. „Vart þarf að fara
mörgum orðum um hið hörmulega
ástand sem nú ríkir í Úkraínu en
það er von fyrirtækjanna að gjöfin
megi, þótt í litlu sé, koma að gagni.
Ekki síst konum og börnum,“ segir
í tilkynningu frá SFS.
Þrjú samtök
hljóta styrki
Samtökin sem styrkinn hljóta eru
í fyrsta lagi Caritas hjálparsamtök
í Úkraínu. Styrkur til þeirra mun
einkum fara til útibús samtakanna
í borginni Ternopil sem er skammt
frá borginni Lviv í vesturhluta
landsins. Styrkurinn mun koma í
góðar þarfir á þessum slóðum því
þúsundir Úkraínumanna hafa flúið
hörmungar í austurhluta lands-
ins og leitað til borganna tveggja.
Þar er mikill skortur á ýmsum
nauðsynjum eins og mat, klæði og
húsnæði.
Annars vegar hlýtur UNICEF,
Barnahjálp Sameinuðu þjóðanna,
styrk til að sinna börnum og fjöl-
skyldum þeirra innan og utan Úkra-
ínu, en talið er að allt að 60-70%
barna í Úkraínu hafi flúið heimili
sín. UNICEF hefur opnað barn-
vænar hjálparstöðvar við landa-
mæri Úkraínu þar sem fólk á flótta
getur fengið mat, rými til að hvíla
sig, sálræna aðstoð og nauðsyn-
legar upplýsingar. Þar er flóttafólk
skráð og fjölskyldur sameinaðar.
Samtökin sinna einnig fylgdarlaus-
um börnum en talið er að um 4%
barna á flótta tilheyri þeim hópi.
Þá senda samtökin nauðsynjar til
fæðingarheimila í Úkraínu sem
starfa við ömurlegar aðstæður.
Loks fá UN Women styrk til að
sinna neyðaraðstoð og sérstökum
þörfum kvenna og jaðarsettra hópa.
Eitt verkefna samtakanna snýr að
því að styðja konur sem hafa verið
beittar kynferðisofbeldi í stríðinu.
Samtökin veita konunum athvarf,
sálrænan stuðning og lögfræðiað-
stoð. Mikilvægt er að koma konum
og stúlkum til aðstoðar eins fljótt
og hægt er og koma málum þeirra
í þann farveg að hægt sé að sækja
stríðsglæpamenn til saka.
Þau styrkja:
Fyrirtækin sem standa að gjöf-
inni eru í stafrófsröð: Arctic Fish
á Ísafirði, Brim í Reykjavík, Eskja
á Eskifirði, G. Run. Í Grundarf-
irði, Gjögur á Grenivík, Hrað-
frystihúsið Gunnvör á Hnífs-
dal, Huginn í Vestmannaeyjum,
Iceland Pelagic í Hafnarfirði,
Iceland Seafood International
í Reykjavík, Ísfélagið í Vest-
mannaeyjum, Loðnuvinnslan á
Fáskrúðsfirði, Oddi á Patreks-
firði, Rammi á Siglufirði, Sam-
herji á Akureyri, SFS, Síldar-
vinnslan í Neskaupstað, Skinn-
ey-Þinganes á Höfn í Hornafirði,
Vinnslustöðin í Vestmannaeyjum,
Vísir í Grindavík og Þorbjörn í
Grindavík.
mm
Sjávarútvegsfyrirtæki styrkja
mannúðarsamtök í Úkraínu
Sautján sjávarútvegsfyrirtæki leggja úkraínufólki lið. Meðal annarra G.Run í
Grundarfirði. Ljósm. úr safni/tfk.