Skessuhorn - 29.06.2022, Side 22

MIÐVIKUDAGUR 29. JÚNÍ 202222
Það var líf og fjör í Borgarnesi um
helgina þegar UMFÍ Landsmót
50+ fór þar fram. Mótið hófst á
föstudagmorgni með keppni í
boccia og síðan leiddi hver keppn-
isgreinin aðra, allt fram á sunnudag
þegar mótinu lauk. Að þessu sinni
voru keppendur á þriðja hundraðið
og tóku þeir þátt í þrettán keppnis-
greinum. Í upphafi móts voru bæði
felldar út fyrirhugaðar keppnis-
greinar vegna dræmrar þátttöku, en
öðrum reyndar bætt við. Þannig var
að þessu sinni ekki keppt í hestaí-
þróttum og pönnukökubakstri eins
og til stóð. Að sögn forsvarsmanna
UMFÍ er ástæða þess að ekki voru
fleiri keppendur á Landsmótinu
að fjölmargt var í boði víðsvegar
um landið; í menningu, íþróttum
og ýmiskonar afþreyingu. Þegar
hömlur vegna Covid-19 eru ekki
lengur til staðar eru fjölmargir
erlendis, en einnig á mannamót-
um sem frestað hefur verið undan-
farin tvö ár. Engu að síður mætti
á þriðja hundrað áhugasamt fólk í
Borgarnes sem reyndi um helgina
fyrir sér í fjölda greina. Mótið var
sett í Hjálmakletti á föstudagskvöld
að viðstöddum Guðna Th Jóhann-
essyni forseta Íslands. Þar var í boði
kótelettukvöld og skemmtun fram
eftir kvöldi.
Bráðabani skar úr um
úrslit í pútti
Keppni á mótinu hófst í boccia í
íþróttahúsinu í Borgarnesi. Þar
uppskar heimafólk vel, en lið
UMSB bar sigur úr býtum eft-
ir bráðabana við lið Gjábakka úr
Kópavogi. Lið Akurnesinga varð í
þriðja sæti. Eftir boccia var sett upp
net í íþróttahöllinni og undirbúin
keppni í ringói.
„Stemningin er rosalega fín og
við vorum mjög heppin með veð-
ur,‟ sagði Flemming Jessen, sér-
greinastjóri í pútti, þar sem hann
stóð á golfvellinum á Hamri á
laugardaginn. Um 50 þátttakend-
ur voru skráðir til leiks í púttinu
og þurfti bráðabana til að skera úr
um þrjú efstu sætin í kvennaflokki.
Úrslit í flokki karla voru hins vegar
nokkuð skýr. Flemming hafði nóg
að gera á Landsmóti UMFÍ 50+.
Hann var sérgreinastjóri í boccía
á föstudeginum og aftur í pútti á
laugardag. Hann kom einnig að
keppni í ringói á föstudaginn og
bridge á laugardag. Bridge var
fjölmenn keppnisgrein sem stóð
yfir allan laugardaginn í Hjálma-
kletti. Spilaðar voru sjö umferð-
ir og sigraði sveit Keflavíkur með
yfirburðum. Boccía var einnig stór
grein á Landsmóti UMFÍ 50+ eins
og púttið en þar voru 16 fjögurra
manna lið skráð til leiks. Sjö lið
kepptu í ringói og fjórtán sveitir í
bridge.
Keppnisgreinar dreifðust nokk-
uð um bæinn. Á íþróttavellin-
um var keppt í nokkrum greinum
frjálsra íþrótta og knattspyrnu og
var Íris Grönfeldt sérgreinastjóri í
frjálsum, sannarlega á heimavelli í
víðum skilningi. Keppni í sundi var
svo í lauginni og golfið á Hamri.
Hlaupið var um götur Borgarness
og Hjálmaklettur nýttur undir
bridge.
Á sunnudag héldu leikar svo
áfram með körfubolta 3:3, göngu-
fótbolta og að lokum stígvélakasti,
sem er geysivinsæl og ávallt síð-
asta grein þessa móts. Fjöldi þátt-
takenda kepptist þar um að kasta
stígvéli sem lengst. Að stígvélakasti
loknu sleit Gunnar Þór Gestsson,
varaformaður UMFÍ, mótinu og
sagðist hlakka til að sjá mótsgesti
á næsta móti sem verður á Stykkis-
hólmi að ári. Fyrir utan tvö smáó-
höpp í knattspyrnuleik á sunnudag
fór Landsmót UMFÍ 50+ vel fram.
Úrslit úr öllum greinum mótsins
verða birt á mótasíðu Landsmóts
UMFÍ 50+
mm
Líf og fjör á Landsmóti 50+ í Borgarnesi
UMFÍ fáninn í forgrunni við Hjálmaklett þar sem mótsstjórn hafði aðsetur sitt um helgina. Ýmsir fánar styrktaraðila mótsins
voru síðan í fánaborg upp við Hjálmaklett. Ljósm. mm
Fyrstir á verðlaunapall voru liðsmenn UMSB í boccia, en það var fjölmennasta
keppnisgreinin á mótinu. Ljósm. mm
Flemming Jessen sérgreinastjóri hafði í nægu að snúast. Hér stýrir hann pútti.
Ljósm. umfí
Þær Íris, Inga og Mumma Lóa höfðu í mörg horn að líta á mótinu. Ljósm. mm
Við setningu Landsmótsins veitti Eðvar Ólafur Traustason,
formaður fræðslunefndar og sveitarstjórnarfulltrúi í Borgar-
byggð, Þorsteini Eyþórssyni styrk fyrir hönd Borgarbyggðar
að upphæð tvö hundruð þúsund krónur. Steini lauk nýverið
við að hjóla Vestfjarðarhringinn, eins og ítarlega er greint
frá á öðrum stað hér í blaðinu. Hér er Steini ásamt Guðna
forseta. Ljósm. umfí. Síðdegis á föstudaginn var boðið upp á götuhlaup á
Landsmóti, en það var sú grein mótsins sem opin var öllum
aldurshópum. Hér er skokkað um Dílahæðina. Ljósm. umfí.
Sunddrottningar á palli. Þær Björg og Guðmunda Ólöf frá
UMSB hafa áður unnið til verðlauna á mótum, oft. Ljósm.
umfí
Þungt hugsi yfir skákinni, en í henni voru tefldar fimm
umferðir eftir Monradkerfi. Ljósm. umfí.
Skagamennirnir Böðvar, Hilmar og Eiríkur unnu til brons-
verðlauna í boccia. Ljósm. umfí
Þorbergur að kasta boltanum í boccia, hvar hann ásamt
liðsfélögum sínum vann til gullverðlauna. Hann rifjaði
það upp við blaðamann að nú væru rétt 65 ár síðan hann
keppti fyrst á íþróttamóti, en það var í frjálsum íþróttum á
Þingvöllum með liði Borgfirðinga. Ljósm. umfí