Skessuhorn - 29.06.2022, Blaðsíða 31

31MIÐVIKUDAGUR 22. JÚNÍ 2022
Skagamenn eru úr leik í Mjólkur-
bikarkeppni karla eftir að hafa tap-
að naumlega gegn Breiðabliki 2:3,
í 16 liða úrslitunum á Akranesvelli
á mánudagskvöld, þar sem Blikar
skoruðu sigurmarkið á lokamínútu
venjulegs leiktíma.
Það var jafnræði með liðunum í
byrjun leiks en hægt og rólega náði
lið Blika tökum á leiknum enda um
að ræða langbesta lið landsins í dag.
Á 11. mínútu leiksins náðu þeir
forystunni þegar Kristinn Stein-
dórsson skoraði í fjærhornið. Eftir
þetta höfðu þeir öll tök á leiknum
en Skagamenn vörðust samt vel. En
þeir komu engum vörnum við á 35.
mínútu þegar Anton Logi Lúðvíks-
son skoraði með hnitmiðuðu skoti
á nærstöng. Skagamenn komust
næst því að minnka muninn þegar
Kaj Leo í Bartalstovu átti skot af
löngu færi en fór beint í fang Ant-
ons Ara markvarðar Blika. Staðan
0:2 í hálfleik.
Skagamenn fóru greinilega vel
yfir stöðuna á hálfleik og komu
grimmir til leiks og létu finna fyr-
ir sér en það vantaði nokkuð upp á
það í fyrri hálfleiknum. Þegar fimm
mínútur voru liðnar af hálfleiknum
fengu þeir vítaspyrnu þegar Gísli
Laxdal var hindraður inni í vítateig.
Kaj Leo í Bartalstovu steig á punkt-
inn og skoraði af öryggi og stað-
an orðin 1:2. Við þetta voru Blik-
arnir slegnir út af laginu og áræðni
Skagamanna jókst og á 74. mínútu
átti Wout Droste langa sendingu
fram völlinn og Anton Ari mark-
vörður Blika kom vaðandi út úr
vítateignum og missti af boltanum
og Kaj Leo var fyrstur til að átta sig
og náði boltanum og sendi hann
í opið markið. Staðan orðin 2:2.
Skömmu síðar þurfti Anton Ari að
verja vel skot frá Inga Þór Sigurðs-
syni og allt gat gerst.
Nú var allt í járnum og leikurinn
æsispennandi og liðin sóttu á víxl á
næstu mínútum. En skömmu eftir
að Kaj Leo skoraði jöfnunarmark-
ið varð hann fyrir meiðslum og
Skagamenn búnir með allar skipt-
ingar sínar og hann haltraði um það
eftir lifði leiks og gat lítið beitt sér.
Þetta nýttu Blikar sér og á lokamín-
útu venjulegs leiktíma náði Gísli
Eyjólfsson að setja boltann í fjær-
hornið og tryggja Blikum sigurinn.
Skagamenn geta verið stoltir af
frammistöðunni þrátt fyrir tapið.
Eftir að hafa verið í varnarhlutverki
í fyrri hálfleik létu þeir finna fyrir
sér í síðari hálfleik og veittu Blikum
verðuga keppni.
Nú tekur baráttan í Bestu
deildinni við og liðsins bíður mjög
mikilvægur leikur gegn Leikni í
Breiðholtinu nk. mánudag. En
það er áhyggjuefni að Skagamenn
misstu þrjá lykilleikmenn af velli í
leiknum; þá Gísla Laxdal Unnars-
son, Kaj Leo í Bartalstovu og Alex
Davey. Meiðsli Daveys virtust
alvarleg en vonandi að hinir tve-
ir nái sér sem fyrst og verði klárir í
leikinn í næstu viku.
Jón Þór Hauksson þjálfari Skaga-
manna sagði í viðtölum eftir leik að
hann hefði verið óhress með mörk-
in sem liðið fékk á sig og taldi að
hægt hefði verið að koma veg fyrir
þau en var samt sáttur með barátt-
una og þá sérstaklega í síðari hálf-
leik. se
Eftir tvo sigurleiki í röð tapaði Kári
óvænt gegn neðsta liði deildarinnar,
Knattspyrnufélaginu Hlíðarenda, í
Akraneshöllinni á föstudagskvöldið.
Káramenn fengu draumabyrjun
þegar Andri Júlíusson skoraði strax
á 5. mínútu leiksins. Var það glæsi-
mark með bakfallsspyrnu eftir horn-
spyrnu. En KH menn létu það ekki
slá sig út af laginu og náðu að jafna
á 18. mínútu eftir laglegt spil í gegn-
um vörn Káramanna og var það Vict-
or Páll Sigurðsson sem skoraði mark-
ið af stuttu færi. Liðin skiptust á um
að sækja það sem eftir lifði hálfleiks
án árangurs og staðan því jöfn í leik-
hléi 1:1.
Hlíðarendastrákarnir komu spræk-
ari til leiks í síðari hálfleik og voru
sterkari framan af hálfleiknum og
Þurfti Dino Hodzic í marki Kára að
verja vel í tvígang áður en KH náði
nokkuð sanngjarnt forystunnu á 67.
mínútu enda Káramenn búnir að vera
hálfsofandi það sem af var hálfleiks.
Það var Haukur Ásberg Hilmarsson
sem skoraði markið einn og óvald-
aður inni í vítateig Kára. Við þetta
vöknuðu loks heimamenn og gerðu
harða hríð að marki KH og mark-
vörður þeirra þurfti að taka á öllu
sínu til þess verja skot frá Andra Júl-
íussyni. Jöfnunarmark Kára lá í loft-
inu og það kom loksins á 78. mínútu.
Þá skoraði Andri Júlíusson sitt annað
mark er hann náði frákasti frá mark-
verði og þrumaði boltanum upp í
þaknetið. 2:2.
Nú var ekkert annað að gera fyrir
Kára en að reyna að knýja fram sig-
urmarkið og þeir lögðu allt í sókn-
ina en Hlíðarendapiltar vörðust vel
og við bættist að skotnýting heima-
manna var ekki góð. En á lokmínútu
leiksins náði KH skyndisókn og voru
nú skyndilega tveir sóknarmenn KH
gegn einum varnarmanni Kára. Vict-
or Páll Sigurðsson var með boltann
og afgreiddi hann snyrtilega framhjá
Dino Hodzic og tryggði KH sigurinn
á lokaandartökum leiksins.
Svekkjandi fyrir Kára að fá ekk-
ert út úr leiknum. En þeir þurfa að
sýna mun betri frammistöðu en þeir
sýndu á föstudagskvöldið ef þeir ætla
að endurheimta sæti sitt í 2. deildinni
að ári. Varnarleikurinn var brota-
kenndur þá sérstaklega í mörkun-
um og Andri Júlíusson virðist nánast
einn bera sóknarleikinn á herðum sér.
Næsti leikur Kára er gegn Vængj-
um Júpiters á morgun, fimmtudag, í
Grafarvoginum kl. 20:00. se
Víkingur frá Ólafsvík tapaði naum-
lega 2:3 gegn KF á Ólafsfirði í 2.
deildinni á laugardaginn og skor-
uðu heimamenn sigurmarkið aðeins
tveimur mínútum fyrir leikslok.
Heimamenn í KF náðu forystunni
strax á 5. mínútu leiksins þegar Þor-
valdur Daði Jónsson kom þeim yfir.
En á 26. mínútu dró til tíðinda þegar
Aron Elí Kristjánsson í liði KF fékk
rauða spjaldið og heimamenn orðnir
einum færri. Það nýttu Víkingar sér
og á 30. mínútu leiksins náðu þeir að
jafna metin þegar Brynjar Vilhjálms-
son skoraði og staðan 1:1 í hálfleik.
Á 61. mínútu náðu heimamenn
forystunni á nýjan leik með marki
Julio Cesar Fernandes. En Vík-
ingar gáfust ekki upp og náðu að
jafna metin tíu mínútum fyrir leiks-
lok þegar Bjartur Bjarmi Barkar-
son skoraði úr vítaspyrnu. En þegar
aðeins tvær mínútur lifðu leiks náðu
heimamenn í KF að knýja fram sigur
þegar Atli Snær Stefánsson skoraði
sigurmarkið og þar við sat.
Svekkjandi tap Víkinga að þessu
sinni. Víkingar eru sem stendur í
þriðja neðsta sæti deildarinnar með
5 stig. Næsti leikur þeirra er gegn
Reyni frá Sandgerði og fer hann
fram syðra í dag, miðvikudag, kl.
19:15. se
Skagamenn tóku á móti FH-ing-
um í Bestu deild karla í knattspyrnu
á þriðjudaginn í síðustu viku og
fór leikurinn fram í roki og rign-
ingu á Akranesvelli. FH mætti til
leiks með nýja þjálfara í brúnni,
þá Eið Smára Guðjohnsen og Sig-
urvin Ólafsson, sem tóku við um
helgina af Ólafi Jóhannessyni sem
var látinn taka pokann sinn. Það
var frekar fátt um fína drætti í fyrri
hálfleik, blautur völlurinn og rok-
ið voru ekki að hjálpa leikmönnum
að ná að spila einhvern fótbolta að
einhverju viti og fá færi litu dagsins
ljós, 0-0 var því staðan þegar leik-
menn liðanna fengu smá skjól frá
veðrinu í hálfleikshléinu.
Fyrsta mark leiksins kom fljót-
lega í seinni hálfleik þegar Atli
Gunnar markvörður FH missti
boltann klaufalega frá sér í teign-
um og Kaj Leo í Bartalstovu nýtti
sér það, náði boltanum af Atla og
renndi boltanum í netið. Eftir þetta
róaðist leikurinn niður, Skaga-
menn færðu sig aftar á völlinn og
FH-ingum gekk lítið að opna vörn
ÍA sem var ansi þétt fyrir. FH náði
síðan að jafna metin eftir horn-
spyrnu Björns Daníels Sverrissonar
sem hitti beint á kollinn á Matthíasi
Vilhjálmssyni, staðan jöfn og tæp-
lega korter eftir af leiknum. Mínútu
síðar fékk Davíð Snær Jóhannsson
leikmaður FH beint rautt spjald
eftir ruddalega tæklingu á Steinari
Þorsteinssyni og gestirnir einum
færri það sem eftir lifði leiks. Bæði
lið reyndu síðan að ná sigurmark-
inu en sú varð ekki raunin og jafn-
tefli líklegast sanngjörn úrslit, loka-
staðan 1-1.
Skagamenn eru nú í tíunda sæti
deildarinnar með átta stig eftir tíu
umferðir en neðst eru Leiknir R.
og ÍBV með fjögur stig. Eins og
staðan er núna er deildin tvískipt,
KR er í sjötta sæti með 16 stig á
meðan Keflavík er í sjöunda sætinu
með ellefu stig.
Næsti leikur ÍA í Bestu deild
karla er ekki fyrr en mánudaginn 4.
júlí þegar þeir spila á móti Leikni
Reykjavík í Breiðholtinu. Í milli-
tíðinni taka þeir á móti Breiðablik
í 16 liða úrslitum Mjólkurbikarsins
næsta mánudag á Akranesvelli og
hefst leikurinn klukkan 19.45.
vaks
Víkingur tapaði naumlega gegn KF
Byrjunarlið Kára. Ljósm. af FB síðu félagsins.
Kári þurfti að sætta sig
við tap gegn botnliðinu
ÍA og FH gerðu jafntefli
í tilþrifalitlum leik
Eyþór Aron
og Kaj Leó,
sem skoraði
bæði mörk
Skagamanna
í leiknum.
Ljósm. úr
safni/ Lárus
Árni Wöhler.
Frábær síðari hálfleikur hjá Skagamönnum dugði ekki til