Morgunblaðið - 28.04.2022, Blaðsíða 43

MORGUNBLAÐIÐ FIMMTUDAGUR 28. APRÍL 2022
SPORTÍS SKE I FAN 1 1
1 0 8 REYKJAV ÍK
S POR T I S . I S
520-1000
HANNAÐ AF KONUM
FYRIR KONUR!
Rósa Margrét Tryggvadóttir
rosa@mbl.is
Tónlistin hefur verið athvarf Unu
Torfadóttur tónlistarkonu frá því hún
var barn en hún semur tónlist sína og
texta út frá hjartanu, segir það bestu
leiðina til að vinna úr tilfinningum en
sjálfri líður henni alltaf best þegar
hún er að syngja. Tónlistin hélt
áfram að vera haldreipi Unu þegar
hún greindist með krabbamein í
heila, á 20. ári sínu, árið 2020. Rúmt
ár er síðan Una sigraðist á krabba-
meininu og í dag er hún heilbrigð og
hamingjusöm en segir að veikindin
hafi kennt sér ótrúlega margt og gef-
ið sér nýja sýn á lífið. Hún gaf á dög-
unum út nýtt lag af væntanlegri EP-
plötu sinni Flækt, týnd og einmana,
sem er væntanleg í lok maí/byrjun
júní, þar sem hún syngur um ástina
en lagið ber nafnið „En“.
„Þetta er lag sem lýsir þessum til-
finningalega rússíbana sem felst í því
að vera skotin í vini sínum og vona að
það verði eitthvað meira en það er og
verða svo alltaf fyrir vonbrigðum aft-
ur og aftur en halda samt í vonina,“
segir Una um lagið í samtali við
blaðamann en hún segir að textar
hennar séu oftast mjög persónulegir.
Beint úr dagbókinni
„Mjög mikið af textunum mínum
er tekið beint upp úr dagbókinni
minni og stundum eru þeir næstum
því orðrétt eitthvað sem einhver hef-
ur sagt við mig eða ég hef sagt. Mér
hefur alltaf fundist þetta svo góð leið
til að vinna úr tilfinningum og gefa
hverri tilfinningu sitt rými. Í þessu
lagi er ég svolítið að fást við þessa
höfnun með húmor. Að reyna að sjá
fegurðina og kómedíuna í því að mað-
ur sé alltaf að gera sjálfum sér þetta
aftur og aftur,“ segir Una sem vill þó
að hlustendur túlki það eftir sínu
höfði hvort ástin sigrar að lokum eða
ekki í laginu.
Aðspurð hvar hún sjái sig í fram-
tíðinni segir Una að hún þrái ham-
ingjuna heitast af öllu.
„Ég þrái það bara heitast að vera
hamingjusöm og geta lifað friðsælu
og skemmtilegu lífi þar sem ég get
verið skapandi og á góð tengsl við
fólkið í kringum mig. Ef það inniheld-
ur það að fá að vera tónlistarkona þá
væri það stórkostlegt. En aðalatriðið
er hamingja og sátt,“ segir Una, sem
segir að krabbameinið hafi „á ein-
hvern furðulegan hátt“ frelsað hana
undan alls konar óþarfa áhyggjum
um litlu hlutina.
„Það að vera 20 ára og verða
skyndilega mjög meðvituð um eigin
dauðleika breytir manni mjög mikið.
Það hafði áhrif á alla mína tilveru og
sýn mína á lífið,“ segir Una.
„Maður veit aldrei“
„Allt í einu var svolítið stórt verk-
efni sem ég fékk í hendurnar. Þá þarf
maður bara að einbeita sér að því og
temja sér æðruleysi gagnvart því
sem maður getur ekki stjórnað. Þetta
var ákveðin eldskírn en mjög þrosk-
andi upplifun og fékk mig til að sjá
lífið í nýju ljósi – algjörlega! Að vera
duglegri að segja bara „fokk it“. Gera
bara það sem mig langar að gera.
Vera bara hamingjusöm af því að
maður veit aldrei,“ segir tónlistar-
konan einlæg.
Una segir það hafa komið sér mest
á óvart í veikindunum að sjá hversu
sterkt fólkið í kringum hana var og
jafnframt hversu sterk hún gat verið
sjálf.
„Það kom mér líka á óvart að það
er ekki stanslaust drama að vera með
krabbamein. Það er stundum mjög
sorglegt. Stundum mjög hræðilegt.
Stundum er maður mjög hræddur og
leiður og reiður. Svo suma daga
gleymir maður bara að maður sé
veikur. Aðra daga er maður bara full-
ur af þakklæti yfir því hvað lífið er
stórkostlegt,“ segir Una.
Platan Flækt, týnd og einmana,
sem er væntanleg í vor, er fimm laga
EP-plata sem Una hefur unnið að
síðan haustið 2020 en hún er samsett
af bæði nýjum og gömlum lögum úr
smiðju Unu. Plötuna vann hún ásamt
pródúsernum Hildi Kristínu Stefáns-
dóttur.
„Upphaflega planið var að gera
bara eitt lag saman en um leið og við
hittumst og ég var búin að spila svo-
lítið fyrir hana komumst við að þeirri
niðurstöðu að það væri alltof lítið, af
því að okkur fannst svo gaman að
vinna saman. Úr varð þessi fimm
laga plata,“ segir Una.
Subbulegt en fallegt líf
„Þetta eru allt lög sem hverfast um
það þema að vera ungur og í leit að
ástinni. Ég hugsa það sem ákveðið
kaþarsis eða hreinsun að semja þessi
lög og raða þeim upp á plötu. Platan
er svolítið svona ferðalag í gegnum
þessa höfnunartilfinningu – og að
lokum að sætta sig við það að lífið er
svolítið subbulegt en ótrúlega fallegt
á sama tíma,“ lýsir söngkonan ein-
læg.
Una lýsir tónlist sinni sem „indí-,
folk- popptónlist sem kemur beint frá
hjartanu og reynir að fanga einhver
svona hversdagsleg augnablik sem
mynda fallega heild“.
Innblásturinn fær söngkonan helst
frá fólki.
„Það sem veitir mér helst inn-
blástur er fólk og hvernig fólk hagar
sér og hvernig það talar og hvað við
erum öll lík í rauninni. Ég hef svo
gaman af því að skrifa um mjög ná-
kvæmar minningar með mörgum
smáatriðum. Ég veit að fólk getur
tengt og þótt það hafi ekki upplifað
nákvæmlega atburðarásina sem ég
er að lýsa er það atburðarásin sem
fangar þessa tilfinningu sem við
tengjum öll svo við. Mér finnst það
svo magnað í skáldskap,“ lýsir Una
sem er listræn að eðlisfari og líður
best þegar hún getur verið skapandi.
„Mér finnst mjög gaman að skrifa
ljóð og skrifa texta og lesa,“ segir
hún en Una stundar nú nám í fata-
tækni við Tækniskólann þar sem hún
lærir að sauma föt. Auk þess starfar
hún í Þjóðleikhúsinu sem dresser.
„Það er stundum smá vesen að
vera með svona mörg áhugamál en
það er líka smá best,“ segir hún hlæj-
andi.
Áhugamál sem aldrei
hefur svikið
„Ég byrjaði að læra á klarínett
þegar ég var sjö ára en ég hef verið
að syngja síðan ég man eftir mér. Það
hefur alltaf verið mitt stærsta áhuga-
mál. Áhugamál sem hefur aldrei svik-
ið mig. Svo lærði ég að spila á píanó
og gítar heima, fyrst og fremst til að
geta sungið meira,“ segir Una, sem
segist hafa samið mikið af ástarsorg-
artextum á ensku sem barn. Það var
þó þegar hún var um 15 ára sem hún
byrjaði fyrir alvöru að semja söng-
texta á íslensku.
Líður best þegar
hún er að syngja
Draumurinn um að geta iðkað tón-
list hefur því lengi blundað í Unu.
„Ég hef alltaf fengið svo mikið út
úr því að deila tónlist með fólki. Mér
líður best þegar ég er að syngja. Þá
finnst mér ég hvíla best í mér.
Draumurinn snýst kannski bara um
það að fá að syngja sem oftast,“ segir
hún.
Una hikar ekki þegar hún er spurð
um ráð fyrir annað upprennandi tón-
listarfólk.
„Það er mikilvægt að gefa þessu
tíma. Bæði í þeim skilningi að stund-
um þarf maður að ákveða að setjast
niður og vinna vinnuna, en stundum
þarf að leyfa einhverju að liggja
þangað til það er tilbúið. Ekki vera að
stressa sig á því hvað annað fólk vill
að maður sé að gera. Leyfa hlutunum
að taka sinn tíma og líka reyna að
njóta þess að eiga tónlist og eiga
þetta athvarf, því það er alveg best í
heiminum að geta leitað í þetta þegar
á móti blæs. Ekki missa sjónar á því í
eltingaleik við að meika það, það er
bara bónus,“ segir Una að lokum.
Hægt er að hlusta á tónlist Unu
undir nafninu Una Torfa á Spotify.
Krabbameinið gaf nýja sýn á lífið
„En“ Nýja lagið „En“ er singúll af
væntanlegri plötu Unu Torfa.
Ljósmynd/Svava Lovísa Aðalsteinsdóttir
Una Torfadóttir, ung söngkona á 22. aldursári, hefur alltaf notið sín best syngjandi. Tónlistin var athvarf hennar á erfiðum tímum
þegar hún greindist með krabbamein tæplega tvítug en hún segir veikindin hafa hjálpað sér að sjá lífið í nýju ljósi. Una vinnur nú að
nýrri EP-plötu, Flækt, týnd og einmana, en hún gaf út lagið „En“ af plötunni á dögunum.
Eldskírn „Þetta var ákveðin eldskírn en
mjög þroskandi upplifun og fékk mig til að
sjá lífið í nýju ljósi – algjörlega! Að vera dug-
legri að segja bara „fokk it“,“ segir söng-
konan Una Torfa um upplifun sína af því að
greinast með krabbamein á 20. aldursári.