Morgunblaðið - 28.04.2022, Blaðsíða 10

10 FRÉTTIR
Innlent
MORGUNBLAÐIÐ FIMMTUDAGUR 28. APRÍL 2022
Starfsmannafatnaður
fyrir hótel og veitingahús
Höfðabakka 9, 110 Reykjavík | Sími 561 9200 | www.eddaehf.is
Hótelrúmföt kristin@run.is | Starfsmannafatnaður thorhildur@run.is
Eigum allt fyrir:
• Þjóninn
• Kokkinn
• Gestamóttökuna
• Þernuna
• Hótelstjórnandann
Hótelrúmföt
Sérhæfum okkur í sölu á rúm-
fatnaði og öðru líni fyrir hótel
Við kynnumst stórkostlegri
náttúru, fjölbreyttu dýralífi og
hinum forna menningarheimi
Maya indíana. Skoðum m.a.
hinn heimsþekkta piramida
Tulum , gamlar menninga-
borgir, syndum í sjónum við
næst stærsta kóralrif heims og
upplifum regnskóginn. Síðustu
3 næturnar gistum við á lúxus
hóteli við ströndina, þar sem
allt er innifalið.
Síðumúli 29 - 108 Reykjavík | Sími 588 8900
info@transatlantic.is | www.transatlantic.is
Verð á mann í 2ja manna
herbergi 489.500 kr.
Innifalið
• Flug með sköttum og tösku
• Gisting 1 nótt í New York á útleið
• Allur fararmáti milli staða skv.
dagskrá
• Hótel með morgunmat í Mexico,
Guatemala og Belize
• Síðustu 3 nætur í Mexico allt inni-
falið á lúxus hóteli við ströndina
• Aðgangur þar sem við á
• Íslenskur og innlendur farastjóri
Ævintýri
á slóðir
Maya
indíánaMexico
Guatemala
Belize
2.-16. október
Ágúst Ingi Jónsson
aij@mbl.is
Líklegt er að um 70 íslenskir slökkvi-
liðsmenn á vegum Landssambands
slökkviliðs- og sjúkraflutninga-
manna verði staddir í Hannover í
Þýskalandi á miðju sumri. Tilefni
ferðar þeirra er ein stærsta björg-
unartækjasýning í heimi, sem kallast
Rauði haninn, og verður haldin 20.-
25. júní. Til viðbótar má reikna með
nokkrum fjölda slökkviliðsmanna á
eigin vegum, starfsmönnum opin-
berra fyrirtækja og þeim sem tengj-
ast framleiðendum. Alls gæti fjöldi
Íslendinga orðið í kringum 100.
Lárus Steindór Björnsson,
Slökkviliði höfborgarsvæðisins,
skipuleggur ferðina fyrir LSS og
segir að sýningin sé fjölþætt og hald-
in í nokkrum sýningarhöllum auk
útisvæða. Þar sé meðal annars hægt
að kynnast öllu því helsta sem við-
komi brunavörnum, slökkvistörfum
og sjúkraflutningum. Sýning sem
þessi hefur verið haldin á fimm ára
fresti og átti að halda hana 2020, en
var þá frestað vegna heimsfaraldurs-
ins.
„Þarna er allur skalinn í tækjum
og tólum. Allt frá reykskynjurum
upp í bíla sem geta farið með körfu
upp í 90 metra hæð,“ segir Lárus.
Hann bætir því við að mikilvægt sé
fyrir slökkviliðsmenn að geta fylgst
með öllu því nýjasta og fengið tæki-
færi til að spjalla við sérfræðinga og
sölumenn.
Ekki áhrif á útköll
Frá Slökkviliði höfuðborgarsvæð-
isins fara um 15 manns og einnig fer
stór hópur frá Slökkviliði Akraness
og Hvalfjarðarsveitar og Suður-
nesjum, en mörg önnur slökkvilið
eiga fulltrúa í hópnum. Spurður
hvort nægur mannskapur verði eftir
til að sinna útköllum segir Lárus að
það eigi ekki að verða vandamál.
Nægur mannskapur verði til að
sinna verkefnum.
Slökkviliðsmenn
á Rauða hanann
- Sýning á björgunarbúnaði í Þýska-
landi - Allur skalinn í tækjum og tólum
Ljósmynd/INTERSCHUTZ
Hannover Slökkvibílar af ýmsum og stærðum og gerðum og margvíslegur
annar búnaður er meðal þess sem sýnt verður á björgunartækjasýningunni.
Margrét Þóra Þórsdóttir
Akureyri
Tillaga frá Arkþingi hlaut fyrstu
verðlaun í hugmyndasamkeppni um
skipulag á Torfunefi í miðbæ Ak-
ureyrar. Í öðru sæti var tillaga frá
sænskri arkitektastofu, Manda-
works, og tillaga frá Arkidea Arki-
tektum varð í þriðja sæti. Alls bárust
sjö tillögur sem uppfylltu skilyrði
samkeppnislýsingar.
Ásthildur Sturludóttir, bæjarstjóri
á Akureyri og formaður dómnefndar,
tilkynnti um úrslit í samkeppninni
við athöfn hjá Hafnasamlagi Norður-
lands í gær.
Ásthildur segir skipulagsyfirvöld
bæja og borga um allan heim sífellt
gera sér betur grein fyrir því gríð-
arlega aðdráttarafli sem vel skipu-
lögð hafnarsvæði með blandaðri
starfsemi hafi fyrir íbúa og ferðafólk.
Því hafi mikil áhersla verið lögð á
faglega uppbyggingu á þessum verð-
mætu svæðum sem liggja að hafi, sjó
eða stærri fljótum. Svæðið í kringum
hina gömlu Torfunefsbryggju á Ak-
ureyri hafi alla burði til að verða
blómleg miðstöð mannlífs með beina
tengingu við miðbæinn og Menning-
arhúsið Hof.
Meginatriði vinningstillögu Ark-
þings felst í fjölbreyttum útirýmum
sem mótuð eru með sjö byggingum,
ólíkum að stærð og formi. Þær
mynda húsaröð og aðdraganda að
Hofi, en gönguleiðin þangað er end-
urbætt á áhugaverðan hátt. Þessi
nýja byggð myndar fjölbreytta bæj-
armynd séð frá Pollinum auk þess
sem götumynd Glerárgötu er mótuð
m.a. með útrýmum mót vestri. Þjón-
ustuhúsi hafnarinnar er komið fyrir
undir settröppum sem snúa að vel
mótuðu viðburðatorgi og er gert ráð
fyrir tengingu við innirými syðstu
húsanna.
Í tillögunni er sérstaklega unnið
með tengsl við miðbæinn, annars
vegar með porti við gatnamót Kaup-
vangsstrætis sem leggur áherslu á
leiðina niður að bryggju og hins veg-
ar með ákveðinni rýmismyndun og
áfangastað við nyrði tenginguna í
framhaldi af nýju göturými vestan
Glerárgötu.
Sigríður María Róbertsdóttir,
markaðsstjóri hjá Hafnasamlagi
Norðurlands, segir að stefnt sé að því
að fara yfir tillöguna með Arkþingi á
næstu vikum og setja upp skýrari lín-
ur sem síðan verður unnið út frá.
Akureyri Svona gæti svæðið við Torfunesbryggju litið út þegar búið verður að reisa byggingar á landfyllingunni.
Arkþing með fyrstu verð-
laun um Torfunefssvæðið
- Hugmyndasamkeppni um skipulag við Torfunefsbryggju
Morgunblaðið/Margrét Þóra
Höfundar Helgi Mar Hallgrímsson, Hjalti Brynjarsson, Barbara Soplinska
og Kristín Guðmundsdóttir, arkitektar hjá Arkþingi, báru sigur úr býtum.