Morgunblaðið - 20.05.2022, Blaðsíða 32

J
ónbjörg S. Hannesard. Guðrúnardóttir fékk sér
sílikonpúða í brjóstin fyrir sjö árum. Í kjölfarið
versnaði heilsa hennar til muna og lét Jónbjörg
loksins fjarlægja púðana í byrjun apríl. Hún fann
strax mun eftir aðgerðina og er hætt að taka inn
gigtarlyf. Heilsa Jónbjargar var orðin það slæm að hún
flutti af þriðju hæð niður á jarðhæð.
„Í mars 2015 fór ég og fékk brjóstapúða frá Mentor.
Þessir sem ég fékk voru með hrjúfri skel á yfirborðinu.
Þeir eru taldir jafnslæmir og þeir sem búið er að innkalla.
Ég bíð eiginlega eftir að þeir verði innkallaðir líka,“ segir
Jónbjörg og vísar til púða sem voru innkallaðir fyrir
nokkrum árum. Þeir voru svipaðir og þeir sem Jónbjörg
var með.
Jónbjörg tók ákvörðun um að fá sér sílikonpúða eftir að
hún var búin að eignast þrjú börn. Líkaminn hafði tekið
miklum breytingum og hún var óörugg með sjálfa sig.
„Ég mjólkaði rosalega mikið eftir að þau fæddust og ég
slitnaði alveg svakalega á brjóstunum. Ég var alveg með
tóma lafandi tepoka, niður á nafla nánast. Ég lendi í skiln-
aði 2013 og mér leið mjög illa með sjálfa mig. Ég fór í síli-
kon af því að mér fannst brjóstin á mér ekki nógu góð og
ekki öðrum bjóðandi,“ segir Jónbjörg.
Hún segir skaðlegar staðalímyndir í samfélaginu hafa
haft áhrif á sig. Í dag er henni sama um útlitið og segir að
mikil vitundarvakning um líkamsvirðingu hafi átt sér stað
á undanförnum árum. Slík umræða hafi ekki verið komin
langt á veg árið 2015.
Fann fljótt fyrir versnandi heilsu
Jónbjörg hafði glímt við vefjagigt í nokkur ár áður en
hún fékk sér brjóstapúðana en segir að einkennin hafi
versnað til muna um fjórum mánuðum eftir aðgerðina.
„Ég fékk verki í bakið, á milli herðablaðanna, bólgu og
stingi sem voru bara komnir til að vera. Ég vaknaði einn
morguninn með sjúklegan verk á milli herðablaðanna,
meira við hægra herðablaðið. Svo fara einkennin að áger-
ast, vefjagigtareinkennin verða verri og verri. Ég verð
þreyttari og þreyttari. Ég næ mér aldrei á strik, líður aldr-
ei betur. Ég var mjög virk manneskja. Gerði helling með
börnunum mínum, svo tapaði ég heilsunni jafnt og þétt eft-
ir aðgerðina. Átti ekki einn góðan dag.“
Það sem Jónbjörg glímdi við er kallað „Breast Implant
Illness“ á ensku og er helst lýst sem aukaverkunum vegna
brjóstapúða. Hún segist oft hafa farið til heimilislæknis
vegna versnandi heilsu, fór til gigtarlæknis og í endurhæf-
ingu. Enginn benti henni á að ástæða versnandi heilsu
gæti verið brjóstapúðarnir. „Þú ert bara með vefjagigt“
eða „við vitum ekkert hvað er að þér“ voru svör sem hún
fékk gjarnan.
„Svo fékk ég bólgur í fótinn, fór versnandi í hægri fæti
alveg frá ökkla niður í tær. Það vissi enginn hvað þetta var.
Blóðprufur sýndu ekkert, bara að það væru einhverjar
bólgur. Ég var hrædd um að ég væri að fá alvarlega gigt
sem ekki væri hægt að greina,“ segir Jónbjörg og bendir á
að bólgur séu gigtareinkenni. Hún neyddist meðal annars
til að flytja af þriðju hæð á jarðhæð þar sem hún gat ekki
lengur gengið upp og niður stiga með góðu móti.
Eftir að Jónbjörg eignaðist fjórða barnið í október 2019
með núverandi manni sínum hrakaði henni enn meira.
„Eftir að ég átti hana var ég nánast rúmliggjandi.“
Það var fyrir fjórum árum sem Jónbjörg fór fyrst að
leggja saman tvo og tvo. Hún áttaði sig á að púðarnir væru
aðskotahlutir í líkamanum og það gæti verið að þeir hefðu
slæm áhrif á heilsu hennar. Hún tók þó ekki ákvörðun fyrr
en í október á síðasta ári um að láta fjarlægja púðana.
„Það tekur tíma fyrir mann að sættast við þá tilhugsun að maður
hafi gert sjálfum sér svona mikinn óleik að fá sér púða. Ég var í
pínu afneitun, ég vildi ekki missa púðana, vildi ekki missa brjóstin.
En svo kom bara tímapunktur í október á síðasta ári þar sem ég
fékk nóg. Ég gat ekki meira af þessu heilsuleysi, ég var svo búin á
því.“
Þegar blaðamaður talaði við Jónbjörgu, um þremur vikum eftir
aðgerð, hafði hún ekki enn upplifað að vera búin á því eftir daginn.
Fyrir aðgerðina fann hún daglega fyrir því að vera uppgefin.
„Ég fann strax mun á orkunni. Hún var mikið jafnari yfir daginn.
Ég var þannig að ég gekk á orkudrykkjum. Ég gat varla hreyft
mig, farið út í búð eða gert nokkurn skapaðan hlut án þess að
drekka orkudrykki eða þamba kaffi,“ segir Jónbjörg.
„Ég finn alveg fyrir vefjagigtareinkennunum enn þá en mun-
urinn er svo mikill. Allar bólgur úr báðum fótum eru farnar. Ég hef
ekki fundið fyrir því í þrjár vikur. Ég stíg bara fram úr rúminu og
haltra ekki neitt. Þetta er bara lygilegt.“
Líkaminn reyndi að gera Jónbjörgu grein fyrir óþolinu fyrir púð-
unum með ýmsum hætti. Fyrir um fjórum árum hætti hún að þola
epli og vínber. „Ég fékk mikla verki í bringubein og milli herðablað-
anna þegar ég borðaði ávextina, þetta var einhvers konar óþol. Í
dag get ég borðað epli og vínber án vandkvæða og það gerðist eftir
að púðarnir fóru. Ég prófaði reglulega að fá mér en fékk alltaf
verki. Ég get ekki talið eplin eða magnið af vínberjum sem ég hef
innbyrt eftir að púðarnir fóru.“
Fékk bara uppáskrifuð lyf
Jónbjörg segir að lækna hafi ekki skort viljann til að gefa henni
lyf. „Það eru bara uppáskrifuð lyf, meiri verkjalyf, bólgueyðandi.
Ég hef ekki þurft að taka inn gigtarlyf, bólgueyðandi eða verkjalyf
til þess að sofa síðan ég kom úr aðgerðinni ef frá er talið vegna
verkja í brjóstum rétt eftir aðgerðina.“
Jónbjörg segir að ónæmiskerfi hennar hafi verið að berjast við
aðskotahlutina, brjóstapúðana, í líkamanum. Nú þegar búið er að
fjarlægja þá fær líkaminn loksins
tíma til að vinna í því sem hefur setið
á hakanum.
Hún segir mismunandi hversu
opnir lýtalæknar séu fyrir því að við-
urkenna að brjóstapúðar geti haft
skaðleg áhrif á heilsu fólks. Jónbjörg
ákvað að fara til Kristjáns Skúla Ás-
geirssonar, sem er sérhæfður
brjóstaskurðlæknir, en hún hafði
heyrt góðar sögur um hann.
„Viðmótið hjá honum var mjög
gott. Hann neitaði engu, þetta væri ekki bara ég að ímynda mér eða
eitthvað slíkt eins og maður hefur heyrt að læknar segi. Eina sem
hann sagði var að hann gæti ekki lofað mér betri heilsu, en sagði að
margar konur fyndu fyrir betri heilsu eftir að púðarnir færu. Þann-
ig viðurkenndi hann það strax.“
„Ég vil að
konur viti af
hættunni“
Jónbjörg S. Hannesard. Guðrúnardóttir fékk sér sílikonpúða í
brjóstin fyrir sjö árum. Í kjölfarið versnaði heilsa hennar til muna og lét
Jónbjörg loksins fjarlægja púðana í byrjun apríl. Hún fann strax mun
eftir aðgerðina og er hætt að taka inn gigtarlyf. Heilsa Jónbjargar var
orðin það slæm að hún flutti af þriðju hæð niður á jarðhæð.
Guðrún Selma Sigurjónsdóttir | gudrunselma@mbl.is
Heilsa Jónbjargar hefur
skánað mikið eftir að hún
lét fjarlægja púðana.
„Ég lendi í skilnaði
2013 og mér leið
mjög illa með sjálfa
mig. Ég fór í sílikon
af því að mér fannst
brjóstin á mér ekki
nógu góð og ekki
öðrum bjóðandi.“
32 MORGUNBLAÐIÐ FÖSTUDAGUR 20. MAÍ 2022
OPIÐ
fyrir umsóknir
Lingó er vottaður umboðsaðili á Íslandi fyrir alþjóðlega fagháskóla víða
um lönd; Á Englandi, Skotlandi, Þýskalandi, Ítalíu, Spáni, Kanada og í
Bandaríkjunum.
Nám í slíkum skóla er einstakt tækifæri til að kynnast suðupotti hug-
mynda, stefnum og straumum víða að úr heiminum. Aðstaða og umhverfi
er eins og best gerist og kennarar eru reyndir fagmenn og sérfræðingar.
Nám erlendis í hönnun, miðlun, sjónlistum, stjórnun, sviðslistum, tísku,
ferðaþjónustu eða viðskiptum, opnar einnig möguleika á að hitta „rétta“
fólkið og komast áfram á alþjóðlegum markaði.
Háskólanám erlendis
á sviði skapandi greina
Nám erlendis
opnar þér nýjan
heim, að heiman.