Morgunblaðið - 20.05.2022, Blaðsíða 33

H
vernig er snyrtirútínan þín?
„Á sunnudagskvöldum geri ég mig klára fyrir
vikuna. Þá lita ég og plokka á mér augabrúnirnar
og set djúpnæringu í hárið. Núna nota ég Intensive Mask
frá Label.m. Brúnkukrem á annaðhvort andlit eða andlit
og líkama. Svo set ég á mig góðan maska, núna síðast not-
aði ég Infuse Fast-andlitsmaskann frá Wrinkles
Schminkles en hann dregur úr hrukkum, jafnar húðlit og
hjálpar til við að laga skemmdir í húð. Með svona góðum
grunnundirbúningi eru morgnarnir út vikuna auðveldari
og þá þarf svo miklu minni fyrirhöfn til að mæta fersk í
daginn,“ segir Kristín Tinna.
Hvað gerirðu til að hugsa sem best um húðina?
„Vera dugleg að þrífa hana og bera gott krem sem við-
heldur raka. Ég ber reglulega á andlitið Cera Repair frá
Biotherm og Glow Serum frá Wrinkles Schminkles á
morgnana sem virkar vel sem grunnur undir farða. Ég
djúphreinsa húðina á um það vil tveggja vikna fresti með
ávaxtasýruklút.“
Hvert er besta bjútíráð sem þú hefur fengið?
„Að þvo hendurnar með tannkremi til að losna við
brúnkukremsmislit í lófum.“
Hvaða snyrtivöru gætir þú ekki verið án?
„Maskara. Augnhárin mín eru það ljós og fíngerð að ég
get ekki verið án maskara. Í augnablikinu nota ég Sensa-
tional Sky High frá Maybelline.“
Finnur þú fyrir því að húðin sé að eldast og hvað ger-
irðu í því?
„Já, undanfarin ár hef ég séð hraðar breytingar á húð-
inni. Sérstaklega á enninu og á bringunni. Ég kynntist
hrukkuplástrum sem ég sef með. Þeir koma í veg fyrir
svefnhrukkur en auka á
sama tíma blóðflæði, raka
og kollagenframleiðslu
þannig að þegar ég tek
plástrana af mér á morgn-
ana eru grunnar línur
farnar. Inn á milli sef ég
einnig með örnálaplástra
frá sama merki þegar ég
vil herja betur á dýpri hrukkur. Hjá mér eru „reiðihrukk-
urnar“ verstar en ég sé strax mun eftir fyrstu notkun.“
Hvernig farðar þú þig dagsdaglega?
„Yfir sumartímann farða ég mig mun minna því ég vil
sýna freknurnar og vera fersk. Ég er með gerviaugnhár á
efri augnhárunum þannig að ég nota maskara á þau neðri;
tvískipta hyljarann frá Estée Lauder sem ég ber í kringum
nasirnar og í augnkrók og svo örlítið sólarpúður yfir. Mér
hefur reynst Bronze to Paradise frá L’Oréal best fyrir létt
sólar-look, svo Balm Dezert sem er blanda af „bronzer“ og
kinnalit sem ég set á kinnbeinin fyrir ljóma. Fyrir meira
look elska ég Double Wear-farðann frá Estée Lauder. Ég
hef notað hann í fimm ár og kaupi alltaf aftur. Ég þarf ekki
að nota hyljara með því hann sér um það, svo tollir hann á
húðinni allan daginn. Ég er með rósroða og ör eftir bólur í
andliti þannig að það er sjaldgæft fyrir mig að finna farða
sem hylur jafn vel.“
Þvær hendurnar
með tannkremi
Kristín Tinna Aradóttir framkvæmdastjóri Wrinkles
Schminkles nýtir sunnudagana vel. Þá djúpnærir hún á
sér hárið, plokkar augabrúnir og ber á sig brúnkukrem.
Þess á milli sefur hún með plástra sem slétta úr hrukkum.
Marta María Winkel Jónasdóttir | mm@mbl.is
Kristín Tinna sefur
með plástur í andlitinu.
Kristín Tinna Aradóttir
hugsar vel um útlitið.
Morgunblaðið/Kristinn Magnússon
Fórst þú í aðgerðina á þinn kostnað?
„Heilsan var orðin það slæm að ég setti það ekki fyrir mig. Ég
dreifði bara afborgununum, ég hafði ekkert val. Ég veit að það eru
margar sem safna sér fyrir þessu en aðgerðin kostar hátt í milljón,“
segir Jónbjörg, sem lét bæði fjarlægja púða og örvefina í heilu lagi
utan um púðana.
Útlitið er bara kápa
Jónbjörg er ekki mótfallin því að fólk fari í fegrunaraðgerðir en
hvetur fólk til þess að vera upplýst áður en það tekur stórar
ákvarðanir á borð við þá sem hún tók.
„Mér finnst mega gefa konum betri upplýsingar um aðgerðina.
Ég held að margar myndu sleppa því í dag, vitandi af skaðseminni.
Ég hefði ekki farið í aðgerðina 2015 ef ég hefði vitað allt þetta, ef
umræðan hefði verið orðin svona mikil. Læknirinn lét mig ekki fá
upplýsingar, ég fékk ekki að vita neitt um innihaldsefni púðanna, ég
fékk engan bækling, ekki neitt. Ég kom bara inn þarna með lélegt
sjálfsmat. Ég vildi bara ekki vera með brjóst sem löfðu niður á
nafla og mér leið illa þannig. „Já, við skellum í þig sílikonpúðum,“
sagði læknirinn. Ég vissi ekki neitt. Ég vil að konur viti af hætt-
unni,“ segir Jónbjörg. Henni
var ekki bent á að tala við sál-
fræðing eða annan fagaðila áð-
ur en henni var skellt á skurð-
arborðið.
„Útlit mitt er bara kápa. Það
hefur ekkert að gera með hver
ég er, það skilgreinir mig ekki.
Ég hef verið mjó á þessu tíma-
bili og ég hef verið feit á þessu
tímabili og ég hef verið þarna á
milli. Andlega heilsan varð ekk-
ert betri þótt ég væri mjó,“ seg-
ir Jónbjörg þegar hún er spurð hvað hún myndi segja við yngri út-
gáfuna af sjálfri sér.
„Fræðstu meira um hvað þú ætlar að setja í líkama þinn. Ekki
fara í vanlíðan og taka ákvörðun um að setja aðskotahlut í líkamann
sem getur gjörsamlega rænt þig lífinu, þeir gera það í svo mörgum
tilfellum. Ég veit um svo margar sem hafa orðið jafnveikar og ég
eða jafnvel veikari,“ segir Jónbjörg.
Í dag er Jónbjörg full sjálfstrausts og það stendur ekki á svörum
þegar blaðamaður spyr hana út í brjóstin sem hún er með í dag.
„Mér gæti ekki verið meira sama. Maðurinn minn á stóran þátt í
því. Ég hafði áhyggjur af því að hann yrði ekki ánægður með mig.
Hann er hann svo mikill klettur og er mjög hvetjandi. Hann sagði:
„Ég vil bara hafa þig,““ segir Jónbjörg ánægð með manninn sinn.
Hún horfir horfir björtum augum til framtíðar. Hún vonast til
þess að klára grunnnámskeið í björgunarsveit sem hún þurfti að
hætta á þegar heilsunni hrakaði á sínum tíma. Hún segist lifa fyrir
að hjálpa öðrum og gefa af sér og stefnir á að gera það einn daginn í
björgunarsveit.
„Útlit mitt er bara
kápa. Það hefur ekk-
ert að gera með hver
ég er, það skilgreinir
mig ekki. Ég hef verið
mjó á þessu tímabili og
ég hef verið feit á
þessu tímabili og ég hef
verið þarna á milli.“
FÖSTUDAGUR 20. MAÍ 2022 MORGUNBLAÐIÐ 33
Grandagarði 13 Glæsibæ, 5.hæð eyesland.is
Mikið úrval af vönduðum sólgleraugum í
Eyesland. Skoðaðu úrvalið á eyesland.is
Hágæða
sólgleraugu
Grandagarði 13 Glæsibæ, 5.hæð eyesland.is