Morgunblaðið - 20.05.2022, Blaðsíða 35

FÖSTUDAGUR 20. MAÍ 2022 MORGUNBLAÐIÐ 35
Glæsibær, Álfheimar 74, pöntunarsími 831 5676.
Netbókanir á www.noona.is/fegurdogspa
Microblade
• Fíngerðar og
eðlilegar hárlínur
• Mildur valkostur
fyrir varanlega
förðun
• Brúnir sem endast
í allt að tvö ár
• Fullkomið til að
skerpa/fylla í
augabrúnir eða
forma nýjar
A R T I S T
Heiðdís
Steinsdóttir
heimaverkefni sem ég hef verið að láta pör fá sem tengj-
ast þessu, til að brjóta ísinn og prófa eitthvað nýtt.
Hver veit nema maki okkar sé
að hugsa nákvæmlega það sama
en þori ekki að tjá það?“
Allir eru fallegir á sinn hátt
Nú er mikil útlitsdýrkun í gangi
og margir feimnir við eigin líkama,
þar sem líkamar okkar eru alls
konar og alls ekki eins og glans-
myndirnar í blöðunum. Hvernig
vinnur þú í þessu?
„Þetta er mjög algengt, því miður. Ég nota mismun-
andi aðferðir til að vinna með þetta og fer mjög mikið eftir
á hvaða aldri viðkomandi er. Þegar unnið er með unglinga
hef ég verið með forvarnafyrirlesturinn „Sjálfsmynd og
kynheilbrigði“. Þar ber helst á þessum samanburði. Ég
hvet þau oft til þess að hugsa út frá sjálfum sér þegar
kemur að sem dæmi samfélagsmiðlum. Hvernig þeim líð-
ur með sig þegar þau eru búin að horfa á sögu fólks á
Instagram sem dæmi, eða fara þau í niðurrif með líkam-
ann og finnst þau ekki eins frábær og viðkomandi. Sam-
anburður við eitthvað, sem er kannski fótósjoppað er al-
gjört eitur.
Ég bendi líka öllum á að fylgja Ernu sem er með Ernul-
and á Instagram. Hún er búin að vera að berjast fyrir já-
kvæðri líkamsímynd. Umhverfi okkar og félagsleg tengsl
geta haft mikil áhrif á sjálfsmyndina og því skiptir máli að
reyna að velja eins vel og maður getur.
Þegar konur koma til mín með brotna eða lélega sjálfs-
mynd byrjum við oft á að skoða hvað það er sem er magn-
að við viðkomandi líkama. Oft eru konur á þeim stað að
það er ekkert sem þeim líkar við á sjálfum sér en svo þeg-
ar maður kafar dýpra kemur í ljós að það er eitthvað sem
hægt er að byggja ofan á. Þetta er æfing og vinna en það
er magnað að sjá árangurinn með tímanum. Og þá er ég
ekki að tala um að missa einhver kíló eða laga eitthvað,
heldur einfaldlega breyta hugarfarinu og hugsunum sín-
um til sjálfs sín. Við erum eins ólík og við erum mörg, og
kynþokki og útgeislun kemur svo sannarlega ekki bara út
frá því hvernig þú lítur út heldur hvernig manneskja þú
ert.“
Mikilvægt að læra að þiggja
Áttu fimm góð ráð til að auka færni í nánd á kynferð-
issviðinu?
Ef við tökum dæmi um par þá geta þessi atriði verið:
Að snerta hvort annað oftar yfir daginn. Þegar þú labb-
ar fram hjá viðkomandi að gera létta snertingu yfir svæði
á líkamanum sem þú veist að viðkomandi aðili kann að
meta. Horfast oftar í augu og dvelja þar. Það getur verið
áskorun fyrir einhverja en oft eru orð óþörf og með þess-
ari æfingu eruð þið berskjölduð og það getur leitt til þess
að nándin verði dýpri.
Að hrósa hvort öðru, segja hvað þér líkar við í fari mak-
ans og hvað þú kannt að meta við viðkomandi. Hvað
heillar þig. Senda kynæsandi skilaboð yfir daginn. Það
þarf ekki einu sinni að vera neitt skrifað, það má senda
tjákn (e. emoji) sem þið tengið við og tákna eitthvað
ákveðið fyrir ykkur. Að skrifa hvort öðru ástarbréf eða
setja einhver skilaboð á post-it-miða og lauma í jakkavasa
viðkomandi eða tölvunatöskuna.
Að taka dag eða kvöld frá sem
snýst eingöngu um annan aðilann og skipta svo á milli.
Þar sem það er ljóst hvað viðkomandi vill, allt frá um-
hverfi, tónlist, snertingu og kynlífi.
Þar sem annar þiggur og nýtur og hinn gefur.
Það getur verið krefjandi þar sem það er innprentað í
okkur að gefa og þiggja strax, en ef þú veist að þú munt
gera það síðar geturðu sleppt tökum á því og notið stund-
arinnar sem á sér stað akkúrat á þessu augnabliki.“
Ekki hafa sjónvarp í svefnherberginu
Viltu nefna fimm hluti sem fólk ætti að forðast að gera
inni í svefnherbergi?
„Ég veit ekki alveg hvað ég ætti að segja með fimm at-
riði en ég hef þá persónulegu skoðun að það eigi aldrei að
vera sjónvarp inni í svefnherbergi hjá pörum. Þá fer tím-
inn kannski meira í það að horfa á þátt og sofna út frá
honum en að njóta stundar saman.
Það er mjög misjafnt hvað fólk tekur með sér inn í
svefnherbergi. Kannski er þetta eini staðurinn þar sem
hægt er að ræða mál eins og börn og fjármál og slíkt í
friði fyrir öllu áreiti, en ég mæli með að reyna að forðast
það og tala frekar saman um eitthvað annað innan veggja
svefnherbergisins.“
Hvað með hugsanir, hvernig við hugsum til okkar –
skiptir það máli?
„Það skiptir að sjálfsögðu miklu máli. Ef við erum föst í
niðurrifi og gagnrýni á okkur sjálf eru minni líkur á að við
náum að njóta í sem dæmi kynlífi. Þá dvelur hugurinn
meira þar en í stundinni sem er mögulega að eiga sér
stað. Stærsta kynfærið er heilinn. Ef hann er að ofhugsa
náum við minna að njóta kynlífsins.“
Hvað með hugsanir til maka okkar, er eitthvað sem
skiptir máli í því samhengi?
„Hvernig við hugsum til maka okkar hefur áhrif á það
hvernig okkur líður með makanum. Ef við erum ást-
fangin upp fyrir haus og endalaust að dást að maka okkar
hefur það að sjálfsögðu góð áhrif á samband okkar og
kynlíf. Alveg eins og það kveikir ekkert í okkur ef við er-
um pirruð út í viðkomandi og það er eitthvað að trufla
okkur við viðkomandi. Þá er best að ræða það, tækla og
leysa.“
Það á ekki að vera tabú að biðja um aðstoð
Hvernig má auka á fjölbreytileika og skemmtun í kyn-
lífi?
„Það er hægt að gera margt til þess að gera kynlíf sitt
skemmtilegra. Í fyrsta lagi er mikilvægt að þetta þarf
ekki að vera eitthvað alvarlegt. Það má hafa húmor fyrir
hlutunum, gera eitthvað fyndið og skemmtilegt og reyna
að hlæja ef það gerist eitthvað vandræðalegt. Ég mæli
alltaf með að deila því hvað kveikir í þér. Skoða í samein-
ingu eitthvað sem gæti kryddað hlutina. Þora að prófa
nýja hluti og fara á námskeið. Það er ótrúlega margt í
boði þarna úti og mikið um frábær námskeið. Sem dæmi
mæli ég með því sem Spektrum Reykjavík býður upp á.
Oft getur verið gaman að prófa eitthvað nýtt, og það
versta sem gæti gerst er að þið komist að því að þið fílið
ekki eitthvað ákveðið en mögulega geta opnast nýir
skemmtilegir heimar. Einnig er alltaf gaman að deila
fantasíum sínum hvort með öðru. Oft eru fantasíur eitt-
hvað sem við myndum aldrei gera í alvörunni en mögu-
lega er eitthvað sem hægt er að framkvæma og verður
geggjað.
Kynlíf er mikilvægur hluti af því hver við erum sem
manneskjur. Þegar við erum sátt með það kynlíf sem við
stundum líður okkur betur. Það er hægt að vinna í því að
gera kynlífið betra og einnig er hægt að gera gott kynlíf
enn betra.
Það á ekki að vera tabú að ræða um kynlíf eða leita sér
aðstoðar ef þarf.“
Ljósmynd/Colourbox
Kristín Þórsdóttir er kynlífs-
markþjálfi sem aðstoðar fólk
við allt milli himins og jarðar
þegar kemur að málefnum á
kynferðissviðinu.
„Heilbrigt kynlíf er
mjög vítt hugtak.
Eitthvað sem gæti
verið heilbrigt kynlíf
fyrir þér getur virk-
að „triggerandi“
fyrir aðra og öfugt.“