Morgunblaðið - 02.07.2022, Blaðsíða 16

16 FRÉTTIR
Innlent
MORGUNBLAÐIÐ LAUGARDAGUR 2. JÚLÍ 2022
STANGVEIÐI
Einar Falur Ingólfsson
efi@mbl.is
„Þetta var besta opnun hér í manna
minnum, alveg frábær,“ segir Þor-
steinn Stefánsson, staðarhaldari við
Stóru-Laxá, eftir að fyrsta holl hafði
í gær lokið veiðum á því sem nú eru
sameinuð neðri þrjú veiðisvæði ár-
innar en veiðin á því efsta, hinu til-
komumikla fjórða svæði, hófst fyrr
og ekki síður vel, þar var 16 löxum
landað á fyrstu tveimur dögunum.
„Og þetta var ekki bara opnunin,
veiðimenn eru ennþá í flottum fiski
um alla á,“ bætir Þorsteinn við.
„Veiðin á neðri svæðunum byrjaði
27. júní og það var ennþá meiri
sprengiopnun en upp frá. Það komu
upp 30 laxar í opnunarhollinu. Á öll-
um svæðum.“
Hefðin hefur verið að veiða svæði
þrjú sérstaklega og það hefur oft
verið fremur rólegt fyrri hluta sum-
ars. Sú var ekki raunin nú. „Miðhluti
veiðisvæðanna var bestur en það
veiddust líka fiskar neðst og efst.
Fimm eða sex komu af svæði þrjú.
Laxinn er orðinn mjög vel dreifður
um alla á.“
18 veiddust fyrsta daginn á Iðu
Lítið hefur veiðst af smálaxi í
Stóru það sem af er en hefur aðeins
sést, segir Þorsteinn. Og talsvert
hefur veiðst af lúsugum nýrenn-
ingum. „Veiðimaðurinn sem ég var
að leiðsegja í morgun fékk til dæmis
þrjá, einn var lúsugur tveggja ára
fiskur en hinir ekki, samt spánnýir.
Þá hefur áfram verið mjög fín veiði á
efsta svæði, annað hollið sem mætti
fékk 15 eða 16 og það þriðja níu.“
Og er þetta þessir klassísku
sterku Stóru-Laxár-laxar?
„Heldur betur! Við erum búin að
fá þó nokkra yfir 90 cm og meðal-
lengdin í opnunarhollinu var yfir 80
cm. Þetta voru mikið stórar hrygn-
ur, 80-85 cm. Ég fékk sjálfur um
daginn upp frá í Flatabúð 92 cm
hæng lúsungan. Hann er þá búinn að
bruna beint einhverja 60 km frá
hafi.“ Nú er öllum laxi sleppt í
Stóru-Laxá og eftir þessa góðu byrj-
un á veiðisumrinu er Þorsteinn
skiljanlega bjartsýnn fyrir sumarið.
Hann segir vatnsstöðuna líka mjög
góða. Nýr leigutaki Stóru-Laxár
stendur fyrir talsverðum breyt-
ingum, fyrir neðri svæðin var gert
upp veiðuhús fyrir sumarið en nýtt
hús verður tilbúið þar að ári. Þá hafa
miklar endurbætur verið gerðar á
veiðihúsinu á efsta svæði árinnar.
Aðstandendur laxveiðisvæða við
Hvítá og Ölfusá eru líka að vonum
spenntir fyrir veiðisumrinu því fyrir
tilstuðlan NASF, Verndarsjóðs
villtra laxastofna, hefur verið samið
um upptöku flestra netalagna í
jökulánum og á því laxinn mun
greiðari leið upp í sínar ár en áður.
Á Iðu, mótum Hvítár og Stóru-
Laxár, fór veiðin líka frábærlega af
stað en á opnunardaginn fyrir viku
var landað hvorki meira né minna en
18 löxum á stangirnar þrjár.
Urriðafoss, svo Þverá-Kjarrá
Samkvæmt nýjustu tölum á Angl-
ing.is, vef Landssambands veiði-
félaga, höfðu á miðvikudagskvöldið
flestir laxar veiðst við Urriðafoss,
341 og 106 þar af í liðinni viku, en
þar hófst veiðin líka fyrst í ár. Er
það nokkru minna en á sama tíma í
fyrra en 30. júní hafði þá veiðst 501.
Í Þverá-Kjarrá var 124 löxum land-
að í síðustu viku, samtals 211 frá
opnun, og í Norðurá höfðu 206 verið
færðir til bókar, þar af 111 í liðinni
viku þegar smálaxagöngurnar voru
farnar að renna sér upp ána. Næstar
á listanum eru Haffjarðará með 123
laxa á 12 dögum og Flókadalsá í
Borgarfirði með 87 á sama tíma.
Þegar horft er á veiðitölur er mikil-
vægt að skoða hvað veitt er á marg-
ar stangir, afli á stöng sýnir gæðin,
og í fyrrnefndu ánni er veitt á sex en
þrjár í síðarnefndu. Í Flóku er
meðalveiði á stöng þessa byrjunar-
daga veiðisumarsins því nær tveir og
hálfur lax á stöng á dag en nær tveir
í Haffjarðará, sem er mjög gott.
Í Miðfjarðará voru 37 færðir til
bókar í liðinni viku á sex stangir og
26 á fimm í Laxá í Leirársveit.
Norðurá „blá af laxi“
Svo aftur sé vikið að smálaxa-
göngunum sem hafa styrkst með
hverjum degi í vikunni, enda stór-
streymt í gær, þá segja leiðsögu-
menn við ár á Vesturlandi að ný-
renningurinn dreifist hratt um
veiðisvæðin. Í samtali við Sporða-
köst á Mbl.is sagði Styrmir Elí Ing-
ólfsson hjá Störum, sem leigir Þverá
og Kjarrá, að síðasta holl í Þverá
hefði landað 59 löxum, að langmestu
leyti var um smálax að ræða og
margir lúsugir.
Svipuð saga var sögð af Norðurá
en Brynjar Þór Hreggviðsson
staðarhaldari sagði mikið af laxi að
ganga.
„Einn leiðsögumaðurinn sagði við
mig að áin væri blá af laxi frá Eyr-
inni og niður í Bryggjur,“ sagði
Brynjar.
Besta byrjun í manna minnum
- Laxveiðin í Stóru-Laxá fer afar vel af stað á öllum svæðum - „Ennþá meiri sprengiopnun“ á neðri
svæðunum en efsta - Flestir hafa veiðst við Urriðafoss - Mjög góð veiði í Flókadalsá og Haffjarðará
Gleðistund Þorsteinn Stefánsson, leiðsögumaður og staðarhaldari við Stóru-Laxá, með kröftugan stórlax, 92 cm
hæng, sem hann veiddi lúsugan ofarlega í Stóru-Laxá. Mikið er þegar gengið af laxi á öll svæði árinnar.
Sumartónleikar í Akureyrarkirkju
hefjast á morgun, sunnudag. Fyrstu
tónleikar með þessu nafni voru sum-
arið 1987 og hafa þeir því fest sig í
sessi í menningarlífinu á Akureyri.
Viðburðir verða alla sunnudaga í júlí
en tónleikarnir hefjast alltaf kl. 17.
Aðgangur er ókeypis en tekið er við
frjálsum framlögum, segir í tilkynn-
ingu um tónleikana.
Fyrstu tónleikarnir bera nafnið
Tunglið og ég og þar koma fram þau
Heiða Árnadóttir söngkona og
Gunnar Gunnarsson píanóleikari og
flytja lög eftir Tónskáldið Michel
Legrand (1932-2019) en hann hefði
orðið 90 ára núna í febrúar. Lögin
verða flutt á íslensku og eru textarn-
ir samdir af þeim Árna Ísakssyni og
Braga Valdimari Skúlasyni.
Sunnudaginn 10. júlí koma fram
systkinin Örn, Ösp og Björk Eldjárn
í hljómsveitinni Blood Harmony.
Flytja þau lög sem Örn og Ösp tóku
upp í miðjum kórónuveirufaraldri, í
kjallaranum á æskuheimilinu Tjörn.
Síðar fengu þau Björk til liðs við sig.
Helena Guðlaug Bjarnadóttir og
Sigrún Magna Þórsteinssdóttir
flytja lög úr ljóðaflokknum „Varpa-
ljóð á Hörpu“ eftir Ingibjörgu
Azimu, við ljóð Jakobínu Sigurðar-
dóttur, á tónleikunum 17. júlí. Söng-
lögin samdi Ingibjörg í tilefni af 100
ára afmæli ömmu sinnar, Jakobínu.
Síðustu tónleikarnir í röðinni
verða 24. júlí en á þeim leikur Duo
BARAZZ sem er skipað saxófón-
leikaranum Dorthe Højland frá
Danmörku og Láru Bryndísi Egg-
ertsdóttur organista Grafarvogs-
kirkju.
Morgunblaðið/Þorgeir Baldursson
Sumartónleikar Fagrir tónar óma í Akureyrarkirkju næstu sunnudaga.
Sumartónleikar í
Akureyrarkirkju
- Tunglið og ég hefja leik á morgun
Sjúkratryggingar Íslands (SÍ) auglýsa eftir rekstraraðila
til að reka heilsugæslustöð í Reykjanesbæ.
Um er að ræða heilsugæslustöð í 1.050 m2 húsnæði að Aðalgötu 60 Reykjanesbæ.
Fjármögnun fer skv. fjármögnunarlíkani fyrir heilsugæslu á landsbyggðinni.
Um þjónustuna gilda, sjá gögn hér:
Heilsugæslustöð í Reykjanesbæ - Auglýsing | Sjúkratryggingar Íslands (island.is)
1. Almennir skilmálar Sjúkratrygginga Íslands um kaup á heilbrigðisþjónustu.
2. Kröfulýsing fyrir rekstur heilsugæsluþjónustu, nú útg. 2.0.
3. Fjármögnunarlíkan heilsugæslu á landsbyggðinni, útg. 2022.
4. Samningsdrög
Önnur gögn, þ.m.t. teikningar af húsnæðinu, má nálgast á ofangreindri slóð.
Ríkið leggur til húsnæði undir starfsemina að Aðalgötu 60 Reykjanesbæ, sem verður innréttað í
samráði við verksala, en miðað er við að verksali leggi til húsbúnað og lækningatæki.
Gengið er út frá samningi til fimm ára. Stöðin skal opna 4-6 mánuðum eftir undirritun samnings
við leigusala. Samningur við rekstraraðila verður gerður með fyrirvara um að samningar við
leigusala gangi eftir.
Áhugasamir aðilar eru beðnir um að senda útfyllt tilboðshefti Heilsugæslustöð í Reykjanesbæ -
Auglýsing | Sjúkratryggingar Íslands (island.is) á netfangið: innkaup@sjukra.is, þar sem fram
kemur hvenær viðkomandi getur opnað heilsugæslustöðina og upplýsingar um menntun og
reynslu starfsmanna. Þá skal bjóðandi samhliða tilboði senda SÍ kynningu á fyrirtækinu, lýsingu
á gæðastefnu, gögn sem staðfesta fjárhagslegt hæfi og upplýsingar um hvernig uppfylla á kröfur
sem koma fram í gögnum um verkefnið.
Fyrirspurnir má senda á ofangreint netfang.
Frestur til að senda inn tilboð er til kl. 12:00 þann 8. ágúst 2022.
Taka tilboða: SÍ munu taka hagstæðasta tilboðinu, sem miðast við hvenær viðkomandi bjóð-
andi getur opnað heilsugæslustöðina, að öðrum skilyrðum uppfylltum. Séu tvö eða fleiri tilboð þá
jafngild mun val fara eftir fjölda stöðugilda lækna (fleiri gefa hærra mat) en séu þau enn jöfn mun
hlutkesti ráða því við hvern verður samið. SÍ áskilja sér rétt til að hafna öllum tilboðum séu þau
ófullnægjandi.