Morgunblaðið - 02.07.2022, Síða 22

22 FRÉTTIR
Viðskipti | Atvinnulíf
MORGUNBLAÐIÐ LAUGARDAGUR 2. JÚLÍ 2022
Hanskar á lager!
Stærðir:
• S
• M
• L
• XL
Verð kr. 1.477
100 stk í pakka.
Kemi | Tunguhálsi 10 | Sími 415 4000 | www.kemi.is
2. júlí 2022
Gengi Kaup Sala Mið
Dollari 133.72
Sterlingspund 161.85
Kanadadalur 103.46
Dönsk króna 18.671
Norsk króna 13.422
Sænsk króna 12.945
Svissn. franki 139.46
Japanskt jen 0.9813
SDR 177.5
Evra 138.9
Meðalgengi/Viðskiptavog þröng 169.7837
BAKSVIÐ
Þóroddur Bjarnason
tobj@mbl.is
Eins og greint var frá á mbl.is í gær
hafa Ljósleiðarinn, dótturfélag
Orkuveitu Reykjavíkur, og utanrík-
isráðuneytið samið um afnot Ljós-
leiðarans af tveimur af átta ljós-
leiðaraþráðum í ljósleiðarastreng
Atlantshafsbandalagsins (NATO
streng), sem liggur hringinn í kring-
um Ísland og til Vestfjarða. Samn-
ingurinn var gerður að undangeng-
inni auglýsingu ráðuneytisins.
Ljósleiðarinn leigir þræðina til allt
að 10 ára með möguleika á frekari
framlengingu.
„Með þessu erum við að skapa ný
tækifæri við tengingu heimila, fyrir-
tækja og stofnana á svæðum sem
ekki hafa notið okkar þjónustu eða
ljósleiðaratenginga til þessa,“ segir í
tilkynningu.
Athugasemdir við ferlið
Orri Hauksson, forstjóri Símans,
segir í samtali við Morgunblaðið að
gerðar hafi verið athugasemdir við
ferlið sem hann segir að hafi verið
sett upp með þeim hætti að í raun
hafi Ljósleiðarinn verið eina fyrir-
tækið sem hefði getað fengið samn-
inginn. Skilyrði um eðli þeirra fyrir-
tækja sem komu til greina hafi gert
það að verkum að ekkert annað
fyrirtæki hafi passað inn í „skapalón-
ið“, eins og Orri orðar það. „Niður-
staðan var fyrir fram ljós.“
Óvenjulegt hjá ráðuneyti
Orri segir að sér finnist óvenjulegt
að utanríkisráðuneytið kjósi að
blanda sér í samkeppnismarkað í
eigin landi. Slík inngrip séu ekki í
takti við anda EES-samningsins og
auk þess ekki kjarnahæfi utanríkis-
ráðuneyta neins lands að grípa inn í
atvinnugreinar.
Orri gerir athugasemdir við að
sneitt hafi verið hjá því að kalla mál-
ið „útboð“. Með því að gera það ekki
hafi verið hægt að sniðganga útboðs-
reglur og þannig hafi mátt leiða inn
hið opinbera fyrirtæki Ljósleiðarann
sem hinn augljósa kost til að fá út-
hlutað þessum opinberu gæðum.
Spurður að því hvort að Síminn og
dótturfyrirtæki hans Míla hyggist
kæra málið segir hann að Síminn
hyggist skoða réttarstöðu sína, hvað
sem aðrir kunni að gera. Míla sé á
leið út úr eignarhaldi Símans og að í
öllu falli sé ekki hlutverk Símans að
ákveða fyrir Mílu.
Athugasemdir við fjármögnun
Í tilkynningu Ljósleiðarans um
samninginn segir að stjórn fyrir-
tækisins hafi ákveðið að fela fram-
kvæmdastjóra undirbúning að aukn-
ingu hlutafjár félagsins til að styrkja
efnahag og fjármagnsskipan þess og
„gera því kleift að nýta þau tækifæri
til fjárfestinga sem nú bjóðast við
uppbyggingu landshrings.“
Eins og Orri útskýrir hafa áður
verið gerðar athugasemdir við fjár-
mögnun móðurfélagsins Orkuveitu
Reykjavíkur á rekstri og fjárfesting-
um Ljósleiðarans.
Ljósleiðarinn hefur farið þá leið á
síðustu árum að sögn Orra að taka
lán þegar fjármagn vantar í fyrir-
tækið, í magni og á kjörum sem ekki
stæðu til boða nema eigandinn væri
jafn sterkur og Orkuveita Reykja-
víkur og Reykjavíkurborg. Hluta-
fjáraukningar frá hinu opinbera
fyrirtæki Orkuveitu Reykjavíkur,
sem er með einkaleyfi fyrir veitu-
starfsemi hjá stórum hluta heimila
og fyrirtækja landsins, hafi reynt á
þanþol ríkisstyrkjareglna.
„Við erum frekar gröm yfir því
hvað þetta fyrirtæki sem skattgreið-
endur kosta kemst upp með af hálfu
íslenskra regluvarða og annarra op-
inberra aðila hér á landi,“ segir Orri.
Spurður um þýðingu þessarar nið-
urstöðu segir Orri að málið snúist
aðallega um það hvað sífellt er verið
að skekkja samkeppnina á fjar-
skiptamarkaði. „Þetta snýst um vill-
una sem felst í þessari áframhald-
andi uppbyggingu fyrir opinbert fé á
opnum samkeppnismarkaði.“
Ljósleiðarinn sá eini sem passaði
Morgunblaðið/Ari Páll
Fjarskipti Athugasemdir hafa áður verið gerðar við fjármögnun OR á rekstri og fjárfestingum Ljósleiðarans.
Ljósleiðarinn
» Uppbygging á nýjum lands-
hring geri landið betur í stakk
búið fyrir síauknar kröfur
framtíðarinnar.
» Auki samkeppni á fjar-
skiptamarkaði, styðji við þétt-
ingu farsímadreifikerfa, m.a.
við þjóðveginn, uppfærslu í 5G
og mæti þörfum neytenda um
aukna bandbreidd og stöð-
ugleika í gagnaflutningum.
» Sem flestir komi að málinu.
- Forstjóri Símans gagnrýnir ferlið og segir utanríkisráðuneytið blanda sér í innlenda samkeppni
- Fyrir fram ljóst og sneitt hjá útboði - Ljósleiðarinn stefnir á aukningu hlutafjár
Skiptafundur þrotabús bakarís-
keðjunnar Hjá Jóa Fel-brauð/köku-
list ehf. fór fram í vikunni en búið
var tekið til gjaldþrotaskipta í sept-
ember 2020.
Arnar Þór Stefánsson skipta-
stjóri segir í samtali við Morgun-
blaðið að skiptum hafi verið lokið á
fundinum og að kröfur í búið hafi
numið 333 milljónum króna. Þar af
hafi samþykktar kröfur verið 141
milljón.
Alls greiddust 19,8 milljónir
króna upp í samþykktar kröfur eða
14,1% að sögn Arnars Þórs.
„Það fengust fjármunir fyrir
rekstur, lausafé, tæki og tól og
einnig innheimtust einhverjar úti-
standandi kröfur. Þá fundust inn-
eignir á bankareikningum og skatt-
greiðsla í ríkissjóð fékkst
endurgreidd,“ segir hann.
Lífeyrissjóðir og starfsmenn
Spurður um helstu kröfuhafa
segir Arnar að það hafi einkum ver-
ið starfsmenn með launakröfur og
lífeyrissjóðir.
Eins og greint var frá í Morg-
unblaðinu á sínum tíma krafðist Líf-
eyrissjóður verslunarmanna gjald-
þrotaskiptanna vegna vangoldinna
iðgjalda sem fyrirtækið hafði inn-
heimt af launum starfsfólks en ekki
skilað til sjóðsins.
tobj@mbl.is
Morgunblaðið/Árni Sæberg
Kökur Jói Fel rak fjölda bakaría en
er nú með Felino í Listhúsinu.
19,6 m.kr. greidd-
ust upp í kröfur
- Skiptum lokið á
þrotabúi Hjá Jóa
Fel-brauð/kökulist