Neytendablaðið - 01.05.2021, Blaðsíða 21

Neytendablaðið // Maí 2021 21
Félagsmaður sagði farir sínar ekki sléttar
eftir búðarferð en á leiðinni heim vildi
ekki betur til en hann rann til á blautri
mold. Hefði hann ekki haldið á plastpoka
hefði byltan ekki kallað á annað og
meira en fataskipti. Í byltunni breyttist
handfang pokans hins vegar í skaðræðis-
hnífsegg.
Handföng burðarpokans voru sérstak-
lega styrkt með þykkara plasti og taldi
maðurinn að af því skapaðist óþarfa hætta
eins og hann hafði mátt reyna. Þegar
saumar voru teknir hafði maðurinn ekki
tilfinningu í fingrinum og kom í ljós að
taug hafði skorist í sundur. Maðurinn
gerði sér því ferð í verslunina og tók
verslunarstjórinn honum vel en sagðist
vilja ræða málið við yfirmann sinn áður en
ákvörðun um bætur væri tekin.
Að endingu voru manninum boðnar
1.000 kr. og afsökunarbeiðni sem hann
hafnaði enda var mikil kergja hlaupin
í samskiptin. Var honum þá bent á að
kvörtun hans væri lík því að hann hefði
keypt niðursuðudós, skorið sig á lokinu
og kennt versluninni um. Maðurinn hafði
einnig samband við innflytjanda pokanna
en talaði þar fyrir daufum eyrum. Fannst
manninum hann njóta lítils skilnings en
taldi rétt að vekja athygli á málinu ef það
mætti verða til að forða öðrum frá sömu
örlögum.
Frá áramótum hefur verslunum
ekki verið heimilt að afhenda
eða selja burðarpoka úr plasti.
Er þetta liður í baráttunni
gegn plastmengun. Má af
þessu tilefni rifja upp sögu um
skaðræðisplastpoka sem birtist í
Neytendablaðinu árið 1984. Hér er
það þó ekki skaðsemi plastsins á
umhverfið sem er til umfjöllunar
heldur hönnun pokans sem
olli félagsmanni líkamstjóni.