Neytendablaðið - 01.05.2021, Side 24

24 Neytendablaðið // Maí 2021
Eftir að notandi smellir á
„Continue to Cancel“ opnast
nýr gluggi, notandi er aftur
ávarpaður með fornafni og
Amazon segist á þessu
stigi þykja leiðinlegt að sjá
á eftir notandanum. Guli
þríhyrningurinn birtist enn og
aftur ásamt fyrri viðvörunum.
Notanda er boðið að gera hlé á
áskrift, hann getur einnig hætt
við og fengið áminningu síðar.
Notandi þarf að skruna fram
hjá þessum hnöppum og
þríhyrningurinn guli birtist
aftur til að láta notanda vita
í fjórða sinn að hann missi
„Prime exclusive offers“ láti
hann verða af uppsögn.
Notandi er nú ávarpaður með
fornafni og hans freistað með
ýmsum tilboðum svo hann
hætti við að hætta í áskrift, svo
sem að breyta yfir í ársáskrift.
Aftur birtist gulur þríhyrn-
ingur og notandi minntur á
að uppsögn geti haft áhrif á
vörur og þjónustu sem tengist
Prime-áskrift án þess að það
sé útskýrt nánar.
Skruna þarf fram hjá fríð-
indatilboðum sem áður hafa
birst, þar á meðal áberandi
appelsínugulum tilboðshnappi,
áður en komið er að öðru setti
af þremur hnöppum. Líkt og
áður er notanda fyrst boðið
að halda áfram í áskrift, fá
áminningu um uppsögn eða
„Continue to cancel“ (halda
áfram í uppsagnarferli). Þrátt
fyrir að notandi hafi nú þegar
ítrekað komið þeim vilja
sínum á framfæri að hann vilji
segja upp áskrift þarf hann
aftur að staðfesta það.
Komist notandi framhjá öllum fríðindunum sem eru í þann mund að renna honum úr greipum
stendur hann frammi fyrir þremur hnöppum. Sá fyrsti, í skærbláum lit, segir „Use your benefits
today“ (notaðu fríðindi þín í dag). Fyrir neðan er þrír gulir hnappar. Á Þeim fyrsta stendur „Keep
My Benefits“ (halda fríðindum), og ef smellt er á hann stöðvast ferlið og viðkomandi er áfram
í áskrift. Á næsta hnappi stendur „Cancel my benefits“ (Eyddu fríðindum mínum) og ef ýtt
er á hann heldur uppsagnarferlið áfram. Athygli vekur að uppsagnarhnappur á fyrri síðu, „End
membership“, hefur nú breyst í „Cancel my benefits“ (Eyddu fríðindum mínum). Hér er um að
ræða svokallaða staðfestingarskömm (e. confirm shaming) svo notandi sé enn og aftur rækilega
minntur á að uppsögn á áskrift geti haft afleiðingar. Þriðji og síðasti hnappurinn, sem er uppljó-
maður sjálfkrafa, segir „Remind me later“ (minntu mig á síðar) og gefur möguleika á að minna
notanda á uppsögn þremur dögum fyrir endurnýjun áskriftar. Notandi sem enn er staðráðinn í að
segja upp þjónustunni þarf nú að velja „Cancel My Benefits“- hnappinn og þá opnast nýr gluggi.
6
7
9
8
10