Sjómannablaðið Víkingur - 01.02.2017, Blaðsíða 20

20 – Sjómannablaðið Víkingur
Þangað réðst Ólafur þegar Goðafoss kom nýr til landsins í júní
1915. Í millitíðinni hafði hann verið 1. stýrimaður á es Mjölni
frá Kaupmannahöfn.
Erum við þá loks að nálgast hinn örlagaríka atburð í nóvem-
ber 1916 þegar Goðafoss strandaði við Straumnes og segir frá í
2. tölublaði Víkings 2016.
Eftir strandið
Mánuðirnir eftir strandið voru erfiðir Ólafi. Hann var atvinnu-
laus en fékk loks eitthvað að gera við seglasaum. Einnig var
hann um skeið leiðsögumaður á strandferðaskipinu es. Sterling.
Um haustið fluttist hann af landi brott, fyrst til Englands en
þaðan til Noregs. Segir næst af honum þar sem hann hefur ráð-
ið sig sem skipstjóra á Rigmor, þrímastraða skonnortu með
hjálparvél. Eigandi var Konráð Hjálmarsson kaupmaður á
Norðfirði en skipið sigldi með fisk til Spánar og salt til baka.
Nú tók aftur að birta til í lífi Ólafs. Um haustið skrifaði hann
mági sínum Eyjólfi að ef allt gengi „vel í þessari ferð þá hefur
þetta ár verið mér gott.“ Hann bar skipinu hins vegar heldur
illa söguna en hvað það var nákvæmlega sem Ólafur setti fyrir
sig er okkur ókunnugt um. Næst
vitum við það um ferðir Rigmor
að 1. desember þetta ár 1918 eru
skipverjar staddir á Ibiza þaðan
sem Ólafur sendir skeyti heim:
„Íslenzki fáninn er í dag dreginn
upp í Miðjarðarhafinu. Ham-
ingjuósk frá skipstjóra og skips-
höfn á skipinu Rigmor.“
Þannig var nýfengnu sjálfstæði
Íslands fagnað á spánskri eyju í
Miðjarðarhafi sem var sannarlega
í anda Ólafs Sigurðssonar. Hann
hafði dreymt um að stjórna
glæstu millilandaskipi í eigu
Íslendinga og frekar en ekkert
gefið upp á bátinn frama hjá er-
lendum skipafélögum til að
stjórna litlum og borðlágum
póstbáti sem sigldi með strönd-
um fram en ekki yfir reginhöf.
Þegar svo tækifærið gafst hafði hann gripið gæsina en örlaga-
nornir spunnu honum á endanum sama þráð og Goðafossi.
Eftir skeytið 1. desember 1918 spurðist ekki framar til Ólafs
Sigurðssonar og áhafnarinnar á Rigmor. Skipið hvarf í hafi á
leið til Færeyja, væntanlega með saltfarm. Ólafur lét eftir sig
eiginkonuna, Christensu, og þrjú börn þeirra, auk dóttur sem
hann eignaðist 1898.
Helstu heimildir:
Guðmundur Jakobsson: Skipstjóra og stýrimannatal. H-P, Reykjavík
1979.
Jóhann Ingólfsson: Skipstjórar og skip II. Skipstjórafélag Íslands
fimmtíu ára, Reykjavík 1986
Vilhjálmur S. Vilhjálmsson: Kaldur á köflum. Endurminningar Eyjólfs
frá Dröngum, Hafnarfirði 1953.
Hinn 1. desember 1918 var nýfengnu sjálfstæði lands og þjóðar fagnað á Ibiza,
eflaust að frumkvæði skipstjórans, Ólafs Sigurðssonar.
Ólafur Sigurðsson. Hann var
barnungur þegar faðir hans lést
og var fyrir vikið töluvert hjá
eldri systur sinni, Sigríði, og
seinni manni hennar, Eyjólfi
Stefánssyni í Geitareyjum sem
vitnað er til í greininni.
K Ä R C H E R S Ö L U M E N N
HáþrýstidælurGufudælur
Öflugir vinnuþjarkarHDC Classic
Háþrýstistöð fyrir 1-3
notendur
HDC Standard
Háþrýstistöð fyrir 1-8
notendur
HD 9/18-4 ST
Háþrýstistöð fyrir
1 notanda