Sjómannablaðið Víkingur

Árgangur

Sjómannablaðið Víkingur - 01.02.2017, Blaðsíða 10

Sjómannablaðið Víkingur - 01.02.2017, Blaðsíða 10
leiksýningum og skemmtunum á vegum félags skipstjórnar- kvenna, Öldunni. Þar naut hún sín vel. – En það hefur verið óvenjuleg staða fyrir kvenmann á þess- um árum að standa ein og óstudd fyrir heimili, en vera þó gift? – Jú, eflaust. Þó ekki fyrir mömmu. Hún var skipstjóradóttir og þekkti ekki annað. Hún var ekki nema 13 eða 14 ára þegar hún missti móður sína. Afi, Jón Högnason, skipstjóri, tók hana þá úr skólanum til að hugsa um heimilið. – En hvernig gekk föður þínum að aðlaga sig lífinu í landi? Hann var ánægður og sáttur, þegar hann kom í land, en það var líka „töff“, sérstaklega fyrir mömmu. Hún hafði alltaf stjórnað heimilinu, var fylgin sér, hafði séð um allt, þannig að það var erfitt fyrir hana að hleypa honum að og á sama tíma þurfti hún að minna okkur systkinin á að muna eftir pabba, hann væri nú til staðar. En þetta jafnaði sig þegar frá leið. – Höfðu þið mikil samskipti við áhöfnina á Ingólfi? – Já, svo sannarlega. Heimilið var eins og félagsmiðstöð og oft þéttsetinn bekkurinn í eldhúsinu þar sem alltaf var hlaðborð af góðgæti með kaffinu, mamma sá til þess. Skipverjar komu iðulega í heimsókn og sátu lengi. Við þekktum þá alla með nafni. Þeir voru vinir okkar, já eins og hluti af fjölskyldunni. Og það dró ekki úr þessari fjölskyldustemningu að 1. stýrimað- ur á Ingólfi Arnarsyni, var Grímur Jónsson bróðir mömmu, en þeir voru alla tíð saman á Ingólfi, hann og pabbi. Pabba fannst það líka skipta miklu máli að heimilið stæði undirmönnum hans alltaf opið. Ég man að einu sinni kom Jón Bergvinsson í heimsókn, ögn kenndur. Ég var ein heima, þorði ekki að hleypa honum inn. Þegar ég sagði pabba þetta, sagði hann „Þú átt alltaf að hleypa köllunum á Ingólfi inn, því þeir gera ekki flugu mein, allir, góðir kallar, Sigrún mín“. Pabbi var kominn í land þegar þetta gerðist, en það breytti engu um, að karlarnir sem höfðu verið með honum á sjónum áttu alltaf athvarf á Austurbrún 33. Og þeir sóttu hingað. Mamma og pabbi höfðu svo góða nær- veru. Þó vildi Jón Bergvinsson ekki vera með honum á Bjarna Benediktssyni, þegar pabbi hringdi í hann og bauð honum pláss. Hann var svo mikill kommi, hann Jón Berg, að hann gat ekki hugsað sér að sigla á skipi með þessu nafni. Ankerið af Ingólfi Arnarsyni Það líður að lokum góðrar stundar á Austurbrún 33. Eftir að hafa setið hjá Sigrúnu og Robert, skil ég skipverjana á Ingólfi vel, að hafa sótt í eldhúskrókinn til Sigurjóns og Ragnhildar. Eplið hefur sannarlega ekki fallið langt frá eikinni. Í því að ég kveð hin góðu hjón benda þau mér á ankeri í garðinum. - Það er af Ingólfi Arnarsyni, segir Sigrún. Ég er búin að gefa það Íslenska sjávarklasanum niðri á Granda. Auðvitað, hugsa ég. Á Grandagarði á ankerið af Ingólfi Arnarsyni, fyrsta nýsköpunartogara Íslendinga heima, hvergi annars staðar. Skipsbjallan er líka vel varðveitt. Ankerið af Ingólfi Arnarsyni í garðinum hjá Sig- rúnu en mun nú senn flutt út á Granda. Sigurjón Stefánsson skipstjóri. 10 – Sjómannablaðið Víkingur
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Sjómannablaðið Víkingur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Sjómannablaðið Víkingur
https://timarit.is/publication/335

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.