Fréttablaðið - 17.08.2022, Blaðsíða 8

Þetta eru átök um
ákveðin sameiginleg
gildi. Þar sem lýðræðis-
legar hugsjónir mæta
grimmd og harðstjórn.
Kira Rudik, þingkona í Úkraínu
og leiðtogi stjórnarandstöðu-
flokksins Voice
Úkraínska þingkonan Kira
Rudik hélt á riffli í fyrsta
skipti daginn sem inn-
rás Rússa í Úkraínu hófst.
Hún segist þess fullviss að
úkraínska hernum muni á
endanum takast að brjóta
þann rússneska á bak aftur.
Ástandið heima fyrir eigi þó
eftir að versna með haustinu.
ggunnars@frettabladid.is
ÚKRAÍNA Kira Rudik hefur setið á
þingi í Úkraínu frá árinu 2019. Hún
er 38 ára og fer fyrir stjórnarand-
stöðuflokknum Voice sem kennir
sig við frjálslyndi og lýðræði.
Hún er stödd hér á landi meðal
annars til að vekja athygli á aðstæð-
um í heimalandinu og ræða við
úkraínska flóttamenn.
Nú þegar hálft ár er liðið frá
innrás Rússa í Úkraínu segir Kira
að komið sé að ákveðnum vendi-
punkti.
„Ástandið er erfitt en við munum
á endanum ná aftur stjórn á eigin
landi. Ég er handviss um það.“
Þrátt fyrir bjartsýnina segir Kira
að búast megi við erfiðum vetri í
Úkraínu.
„Við vitum að orkukreppan mun
bitna á okkur. Við vitum líka að
Rússar munu beita lönd sem styðja
okkur þrýstingi. Þetta stríð snýst
nefnilega ekki bara um átök á milli
Rússlands og Úkraínu. Þetta eru
átök um ákveðin sameiginleg gildi.
Þar sem lýðræðislegar hugsjónir
mæta grimmd og harðstjórn. Það
eru hinar raunverulegu átakalínur.“
Hún segir erfitt að færa ástandið í
Úkraínu í orð.
„Það er ekki til sá skóli í heim-
inum sem getur búið þig undir stríð.
Maður vaknar á hverjum morgni
án þess að vita hvort maður muni
lifa daginn af. Svo hugsar maður
um það sem maður getur gert til að
hjálpa og það drífur mann áfram.
Þessi hugsun, að ef þetta verður
minn síðasti dagur, þá vil ég verja
honum í það sem raunverulega
skiptir mig máli.“
Kira var nýkomin af þingfundi
þegar innrás Rússa hófst. „Leyni-
þjónustan sagði að við þyrftum
annað hvort að yfirgefa landið eða
búa okkur undir að berjast. Ég greip
því byssu og sagðist ætla að berjast.
Mér fannst ég ekki hafa neitt val,“
segir Kira.
„Ég bý í venjulegu húsi og ég á fjöl-
skyldu. Þess vegna valdi ég byssuna.
Ég hafði aldrei komið nálægt skot-
vopnum áður. Nú sex mánuðum
síðar get ég sannarlega sagt að ég sé
orðin mun betri skytta en ég var þá,“
segir Kira.
Hún segist telja það eitt af sínum
brýnustu verkefnum, sem þing-
kona, að hlúa að öllu því fólki sem
sé á flótta vegna stríðsins í Úkraínu.
„Við stöndum á ákveðnum kross-
götum nú þegar hálft ár er liðið
frá innrásinni. Nær allur opinber
stuðningur er hugsaður til skemmri
tíma en nú verðum við að hugsa
þetta skipulega og til lengri tíma.
Ég vil leggja mitt af mörkum svo að
það megi verða.“
Kira vill að endingu koma á fram-
færi sérstökum þökkum til allra
þeirra sem hafa rétt úkraínskum
flóttamönnum hjálparhönd.
„Þið trúið ekki hvað þetta hefur
mikla þýðingu fyrir okkur. En þetta
er líka það sem stríð kennir manni.
Maður getur ekki tekist á við það
einn. Samstaðan er eina leiðin til að
mæta harðstjórn og grimmd. Það er
þessi samstaða sem við finnum svo
sterkt í öllum þeim löndum sem
deila sömu gildum og við,“ segir Kira
Rudik. n
Byssan var eini valkostur Kiru Rudik
Kira hafði aldrei haldið á skotvopni áður en stríðið braust út í Úkraínu.
MYND/AÐSEND
Pollahopp í Lundúnum
Ungur herramaður stekkur yfir poll á götum Lundúna í gær en eftir gífurlega hita að undanförnu dró loksins fyrir sólu og byrjaði að rigna. Jarðvegurinn er
mjög þurr í Englandi eftir hitabylgju og tekur ekki við neinu regnvatni. Haldi rigningarnar áfram eins og spáin lítur út gæti flætt í höfuðborginni líkt og gerðist
á síðasta ári en breska veðurstofan hefur gefið út flóðaviðvaranir fyrir miðvikudag. FRÉTTABLAÐIÐ/GETTY
thorgrimur@frettabladid.is
KENÍA Raila Odinga, sem tapaði
forsetakosningum í Keníu sam-
kvæmt lokatölum sem birtar voru á
mánudaginn, neitar að viðurkenna
ósigur. Samkvæmt niðurstöðum
kjörstjórnar bar sitjandi varafor-
seti landsins, William Ruto, sigur
úr bítum en Odinga segir niður-
stöðuna markleysu.
Þetta var í f immta sinn sem
Odinga býður sig fram til forseta
Keníu og ekki fyrsta skiptið sem
hann neitar að viðurkenna ósigur.
Atkvæðamunurinn milli Ruto og
Odinga í ár var aðeins um eitt og
hálft prósent.
Fjórir af sjö meðlimum kjör-
stjórnarinnar neituðu að ábyrgjast
niðurstöðu kosninganna og vísuðu
til þess að talningarferlið hefði verið
ógegnsætt. n
Viðurkennir ekki
ósigur og kærir
Odinga hyggst kæra kosningarnar.
FRÉTTABLAÐIÐ/GETTY
kristinnhaukur@frettabladid.is
VESTFIRÐIR Enn er kríuvarpið við
Tunguhverfi á Ísafirði að plaga íbú-
ana. Tilraunir til að færa varpsvæðið
hafa ekki borið nægilegan árangur.
Íbúar í Tunguhverfi, sem er nýlegt
hverfi innst í Skutulsfirðinum, hafa
mátt þola bæði hávaða og loftárásir
frá fuglunum.
Í aðsendu erindi til Ísafjarðar-
bæjar er sagt að ekki sé farandi um
án þess að vera með hjálm og rökin
að íbúarnir eigi að „sættast við nátt-
úruna,“ ekki í gildi sökum árásar-
girni fuglsins. Kríunum hafi fjölgað
og séu nú farnar að ógna fólki sem
vinnur í görðunum sínum. n
Sambúð Ísfirðinga
við kríurnar erfið
kristinnhaukur@frettabladid.is
AUSTURLAND Lögreglan á Austur-
landi hefur fengið aðgang að eftir-
litsmyndavélakerfi Seyðisfjarðar-
hafnar. Bæði á hafnarsvæðinu sjálfu
og tollsvæði ferjuhússins. Reiknað er
með að Norræna sé í auknum mæli
notuð sem vettvangur skipulagðrar
brotastarfsemi.
Margrét María Sigurðardóttir,
lögreglustjóri Austurlands, segir að
lögreglan sé sífellt að auka notkun
eftirlitsmyndavéla. „Þarna koma upp
stór mál og því er mikilvægt að hafa
öfluga og góða löggæslu,“ segir hún.
Lögreglan sótti einnig um að koma
upp myndavélum utan hafnar-
svæðisins. Sú beiðni hefur ekki verið
afgreidd í bæjarráði Múlaþings. n
Aukið eftirlit í
Seyðisfjarðarhöfn
Lögreglan mun fylgjast betur með
umferð um Norrænu.
8 Fréttir 17. ágúst 2022 MIÐVIKUDAGURFRÉTTABLAÐIÐ