Fréttablaðið - 20.08.2022, Page 22

Ég vissi þó að hann
langaði í barn og þegar
hann stakk upp á því
sagðist ég ætla að skoða
möguleikana en sjálf hélt
ég að það væri ekkert
hægt að eignast barn eftir
breytingaskeiðið. En það
er hægt.
Áslaug Magnúsdóttir eignaðist í
maí síðastliðnum sinn annan son,
Ocean Thor Tueni. Það væri kannski
ekki í frásögur færandi nema fyrir
þær sakir að tæp þrjátíu ár eru á
milli sona hennar og Áslaug 54 ára
gömul.
Áslaug Magnúsdóttir hefur und-
anfarna áratugi skapað sér nafn í
tískuheiminum, um tíma fjárfesti
hún í tísku fyrir Baug og stofnaði
árið 2010 fyrirtækið Moda Oper-
andi, sem selur hátískufatnað beint
af pöllunum. Eftir sáran viðskilnað
við fyrirtækið nokkrum árum síðar
og sambandsslit, fór Áslaug í alls-
herjar endurskoðun á lífi sínu, hún
fór að leita meira inn á við og setti
meiri áherslu á heilbrigðan lífsstíl,
en þær breytingar áttu svo sannar-
lega eftir að koma henni vel.
Í viðtali við Fréttablaðið í maí
2020 segir Áslaug frá Kötlu, sjálf-
bæru kvenfatalínunni sem hún
hafði þá nýverið sett á laggirnar en
hefur síðan vaxið fiskur um hrygg
og hvernig hún hafi fundið ræt-
urnar hér heima eftir langa búsetu
í Bandaríkjunum.
Hér heima fann Áslaug líka ástina
í austurrískum frumkvöðli, Sacha
Tueni, hann bjó þá í Kaliforníu,
þangað sem Áslaug svo f lutti frá
New York en alltaf voru þau með
annan fótinn hér heima. Íslensk
náttúra togaði og einkasonur
Áslaugar, sem hafði komið sér vel
fyrir ásamt unnustu sinni í íbúð
á neðri hæð fallegs heimilis sem
Áslaug hafði búið sér hér heima.
Fjölskylda með þrjú ríkisföng
Það sem Áslaug aftur á móti sagði
ekki frá í viðtalinu fyrir tveimur
árum, voru tilraunir þeirra Sacha til
að eignast barn saman. Nú hittumst
við aftur til að ræða breytingarnar
og auðvitað dást að litla kraftaverk-
inu sem kom í heiminn fyrir tæpum
þremur mánuðum síðan.
Áslaug var stóran hluta meðgöng-
unnar hér á landi en ferðatakmark-
anir höfðu þar áhrif. „Við ætluðum
út strax eftir áramótin en um tíma
var mér ráðið gegn því að fljúga og
átti að taka því rólega svo við biðum
fram í lok mars. Þá fórum við aftur
út til Kaliforníu þar sem hann kom
í heiminn í lok maí. Við vorum allt-
af ákveðin í að hann myndi fæðast
í Bandaríkjunum svo hann fengi
bandarískan ríkisborgararétt. Við
verðum því með þrjú ólík vegabréf
fjölskyldan: íslenskt, austurrískt og
bandarískt,“ segir Áslaug og hlær
en bætir við: „Ég ætla nú líka að fá
íslenskt vegabréf fyrir hann.“
„Við skiptum tíma okkar mikið á
milli Bandaríkjanna og Íslands. Við
vorum lengi vel í Kaliforníu en fram-
undan er að prófa að búa á Miami
þar sem við eigum íbúð og þangað er
styttra til Íslands en frá Kaliforníu.
Ég hugsa að það verði þó ekki fyrr en
í janúar, fram að því verðum við hér
og í Austurríki,“ segir Áslaug, sem nú
hefur enn ríkari ástæður til að rækta
tengslin við föðurlandið.
„Við komum hingað í mars 2020
og ætluðum ekkert að flytja en svo
skellur Covid á og við ílengdumst.
Sacha féll algjörlega fyrir landinu
þó að veturnir reynist honum enn
þungir.“
Sumarheimili í Svefneyjum
Á síðasta ári festu hjónin kaup á
Svefneyjum á Breiðafirði sem þau
hugsa sem bæði sumardvalarstað,
en einnig eru þau farin að vinna
þörunga á svæðinu og nota í efnis-
framleiðslu fyrir Kötlu.
„Ætlunin er því að vera meira
Fyrir mér var
þetta algjört
kraftaverk
Áslaug og
Ocean Thor í
eins göllum úr
Kötlu línu sem
að hluta til er
úr þörungum.
FRÉTTABLAÐIÐ/
ERNIR
Björk
Eiðsdóttir
bjork
@frettabladid.is
hér á landi. Við vorum að leita að
sumarheimili þegar Sacha sá þetta
auglýst. Við fórum og skoðuðum og
féllum algjörlega fyrir staðnum sem
er auðvitað ótrúlegur. Við vorum
mikið þarna í fyrrasumar en erum
fyrst að fara nú um helgina eftir að
hann fæddist,“ segir Áslaug. „Okkur
þykir mikilvægt að hann finni þess-
ar íslensku rætur og læri að meta
náttúruna. Við gerum oft grín að því
að hann verði þörungabóndi þegar
fram líða stundir,“ segir hún og hlær.
„Þetta er magnaður staður fyrir
börn og alla fjölskylduna. Það fyrsta
sem við gerðum eftir að við fengum
lyklana afhenta var að halda þarna
upp á 75 ára afmæli mömmu. Við
höfum töluvert reitt okkur á þá
Kristin Nikulásson og Unnar Valby
Gunnarsson, sem ólust upp í Svefn-
eyjum og hafa mikið hjálpað okkur
með ferðir fram og til baka enda öllu
vanir.“
Taldi barneignir útilokaðar
En að stærstu breytingunni, að
verða aftur móðir 54 ára.
„Við þurftum alveg að hafa fyrir
því að láta þetta gerast,“ segir Áslaug
aðspurð um hvernig það er að
verða barnshafandi eftir fimmtugt.
„Sacha átti engin börn en langaði að
láta þann draum rætast. Sjálfa hafði
mig alltaf langað að eignast annað
barn en fyrrum maðurinn minn var
lengi vel ekki tilbúinn í barneignir
en þegar hann svo var það þegar ég
var rúmlega fertug, gekk það ekk-
ert.“
Þegar þau Áslaug og Sacha kynnt-
ust var hún fimmtug en hann er
fjórum árum yngri. Þegar hann
bryddaði upp á umræðunni um
barneignir hélt Áslaug að slíkt væri
útilokað fyrir sig sem hafði þá lokið
breytingaskeiði.
„Ég vissi þó að hann langaði í
barn og þegar hann stakk upp á
því sagðist ég ætla að skoða mögu-
leikana. En sjálf hélt ég að það væri
ekkert hægt að eignast barn eftir
breytingaskeiðið. En það er hægt,“
segir Áslaug og hlær.
Ungar konur ættu að frysta egg
„Við fengum aðstoð frá klíník í
Kaliforníu en barnið var getið
með glasafrjóvgun,“ segir Áslaug
og bendir á að ungar konur ættu
jafnvel að íhuga möguleikann á að
frysta egg. „Ég held að konur ættu
alveg að leiða hugann að því – ef
þær eru kannski ekki búnar að hitta
rétta manninn ennþá. Margar vin-
konur mínar í New York hafa gert
það en ég hef ekki heyrt jafn mikið
um það hér á landi. Það er auðvitað
önnur menning þar og fólk oft að
gifta sig seinna og stofna fjölskyldu
en það er töluvert um það að konur
hafi fryst egg á yngri árum.“
Þar sem Áslaug var, eins og fyrr
segir, búin að fara í gegnum breyt-
ingaskeiðið þurfti hún að fá horm-
ónagjöf fyrir uppsetningu fósturvís-
is og á fyrstu mánuðum meðgöngu.
„Ég þurfti að taka estrógen 
22 Helgin 20. ágúst 2022 LAUGARDAGURFRÉTTABLAÐIÐ