Fréttablaðið - 20.08.2022, Side 81

Í það heila var spila-
mennskan bæði til-
finningaþrungin og
vönduð.
TÓNLIST
Flói í Hörpu
Tónlist eftir: Inga Bjarna á
Djasshátíð Reykjavíkur.
Fram komu: Ingi Bjarni, Anders
Jormin, Hilmar Jensson og
Magnús Trygvi Eliassen.
Hvenær: Fimmtudaginn 18. ágúst.
Jónas Sen
Rokktónlistarmaðurinn spilar þrjá
hljóma fyrir þúsund áheyrendur,
en djassarinn spilar þúsund hljóma
fyrir þrjá áheyrendur. Þessi brand-
ari er lýsandi fyrir það hve djassinn
er miklu þróaðri og fjölbreyttari en
rokkið, en líka hve hið síðarnefnda
er vinsælt. Brandarinn átti þó ekki
við um tónleika á Djasshátíð Reykja-
víkur sem haldnir voru í Flóanum í
Hörpu á fimmtudagskvöldið. Þar
var talsverður fjöldi áheyrenda,
og mikil stemning í salnum með
áköfum fagnaðarlátum.
Listamennirnir sem fram komu
áttu það fyllilega skilið. Tónlistin
var öll eftir píanóleikarann, sem
kallaði sig einfaldlega Inga Bjarna.
Hann er ungur að árum og undir-
ritaður minnist þess ekki að hafa
rekist á hann áður í tónlistarlífinu.
Segjast verður eins og er að tónlist
hans var sérlega áhrifamikil. Hún var
skemmtilega frjálsleg, með grípandi
tónahendingum og gædd seiðandi
stemningu. Framvindan í henni
kom stöðugt á óvart og hljómarnir,
kannski ekki alveg þúsund talsins,
voru safaríkir og spennandi.
Áhugaverður píanóleikur
Píanóleikurinn sjálfur var líka
góður. Sum hröðu tónahlaupin
hefðu kannski mátt vera skýrari og
glæsilegri, en í það heila var spila-
mennskan bæði tilfinningaþrungin
og vönduð. Á einum tímapunkti
lék Ingi Bjarni fjölradda, þ.e. eina
laglínu með annarri hendinni og
allt aðra með hinni, en laglínurnar
tvær hljómuðu fullkomlega saman.
Margt fleira áhugavert gat að heyra í
hrynjandinni í píanóleiknum, í tón-
mótuninni, áslættinum, stígandinni
og litbrigðunum. Þetta var flott.
Eins og títt er um djassinn þá var
töluvert leikið af fingrum fram, og
það var ferskt, jafnvel hnyttið, og
alltaf athyglisvert. Gamla kempan
frá Svíþjóð, Anders Jormin á kontra-
bassa, var frábær. Hann hristi alls
konar blæbrigðaríkar strófur fram
úr erminni, aðallega plokkaðar, en
líka með boga. Rödd bassans var
skemmtilega rám og hrá, en aldrei
þannig að það kæmi niður á gæð-
unum.
Unaðslegur samhljómur
Hinir hljóðfæraleikararnir voru líka
magnaðir. Trommuleikur Magnúsar
Trygvason Eliassen var einhver sá
besti sem heyrst hefur á íslenskum
djasstónleikum. Leikur hans var
snarpur, en jafnframt fullur af smit-
andi léttleika. Útkoman var klið-
mjúk og lifandi, og rann einstaklega
fallega saman við leik hinna hljóð-
færaleikaranna.
Hilmar Jensson á gítar var
sömuleiðis framúrskarandi. Spila-
mennska hans var glitrandi og
áleitin í senn, ýmist áferðarfögur
eða framúrstefnuleg og tilrauna-
kennd, en aldrei þannig að það
skemmdi heildarsvipinn. Enga til-
gerð var þar að finna.
Og talandi um heildarmyndina
þá var hún svo vel samstillt og jafn-
vægið í hljóðkerfinu það gott að vart
er hægt að gera betur. Fjórmenn-
ingarnir léku sem einn maður, líkt
og þeir hefðu gert það árum saman.
Þetta var snilld. n
NIÐURSTAÐA: Innblásin tónlist,
innblásin spilamennska.
Þúsund hljómar hver öðrum fegurri
Gagnrýnandi
Fréttablaðsins
var einkar hrifin
af tónleikum
píanóleikarans
Inga Bjarna.
MYND/AÐSEND
ALVOTECH
OPIÐ HÚS
OG
LISTAVEISLA
Oddi
Norræna húsið
Tjörnin
Sæ
m
un
da
rg
at
a
15
–1
9
Sturlugata
Inngangur
ALVOTECH Næg bílastæði og stutt
í miðbæ Reykjavíkur.
Viðburðurinn á Menningarnótt er haldinn í samstarfi við Aztiq og Listasafn Reykjavíkur.
Opið hús
Alvotech opnar höfuðstöðvar sínar í
Vatnsmýri á Menningarnótt.
Þar gefst áhugasömu fólki tækifæri til
að kynnast menningu og starfsemi
fyrirtækisins.

Við erum stöðugt að bæta við nýju
starfsfólki. Við hvetjum fólk til að koma
við og kynnast örtvaxandi, fjölþjóðlegu
fyrirtæki í hjarta Reykjavíkur þar sem
rík áhersla er lögð á jafnrétti og
fjölbreytileika.
Listaveisla
Gestum gefst einnig einstakt tækifæri
til að skoða listaverkin í húsakynnum
Alvotech í Vatnsmýri. Þar er að finna
mósaíkmyndir og málverk eftir Erró og
skúlptúra eftir Sigurð Guðmundsson.
Verkin voru unnin sérstaklega fyrir
höfuðstöðvar fyrirtækisins.
Alvotech, í samstarfi við Aztiq og
Listasafn Reykjavíkur býður gestum
Menningarnætur að skoða verkin undir
leiðsögn Sigríðar Melrósar Ólafsdóttur,
listfræðings.
Þrjár ferðir verða farnar um húsið,
kl. 13:00, 14:00 og 15:00
Við hlökkum til að taka á móti ykkur.
Tímasetning
20. ágúst kl. 12.00 – 17.00
Staðsetning
Alvotech
Heimilisfang
Sæmundargata 15,
102 Reykjavík
LAUGARDAGUR 20. ágúst 2022 Menning 49FRÉTTABLAÐIÐ