Mosfellingur - 12.05.2022, Blaðsíða 36

- Íþróttir36
N a m o e h f. - S m i ð j u v e g i 7 4 ( g u l g ata ) - 2 0 0 K ó pavo g i Sími: 566 7310 - jakosport@jakosport.is - jakosport.is
AftureldingAr
vörurnAr
fást hjá okkur sport íslandi
Skarphéðinn með
brons á NM unglinga
Norðurlandamótið í júdó fór fram á
Íslandi 23. og 24. apríl. Skarphéðinn
er á sínu fyrsta ári í U21 og endaði
í 3. sæti í sínum þyngdarflokki -90
kg. Hann keppti einnig í fullorðins-
flokki en tapaði naumleg brons-
glímunni. Skarphéðinn var einn af
þeim sem fékk styrk frá Mosfellsbæ
sem veittur er efnilegum unglingum
og fram undan er Íslandsmót í
U21, æfingabúðir og mót erlendis í
sumar.
Fótboltinn kominn
á fleygiferð
Fótboltasumarið er farið af stað og
báðir meistaraflokkar léku heima-
leiki um síðustu helgi. Meistara-
flokkur karla gerði 1-1 jafntefli við
Grindavík í fyrsta leik í Lengjudeild
karla á meðan meistaraflokkur
kvenna tapaði 2-1 gegn Þór/KA
í hörkuleik í Bestu deild kvenna.
Fjölmargir heimaleikir eru fram
undan en á laugardag fær meistara-
flokkur karla lið Vestra í heimsókn
á Malbikstöðina á Varmá klukkan
14:00. Næstkomandi miðvikudag,
18. maí, mætir meistaraflokkur
kvenna Stjörnunni á Malbikstöðinni
klukkan 19:15 og föstudaginn
20. maí mæta strákarnir okkar
síðan Selfyssingum á heimavelli.
Mætum í stúkuna og styðjum okkar
lið til sigurs! Á myndinni má sjá
núverandi og fyrrverandi leikmenn
meistaraflokks kvenna í glænýjum
búningum félagsins.
Úrslitakeppnin í blaki kláraðist í byrjun maí og voru stelpurnar okkar þar í
eldlínunni. Þær töpuðu gegn KA stúlkum og því fór bikarinn norður á Akureyri
þetta árið.
Stelpurnar okkar komust einnig í úrslitakeppni Bikarkeppni BLÍ, Kjörísbik-
arnum, og mættu þá einnig KA sem unnur úrslitaleikinn sem var hreint frábær
skemmtun og spiluðu liðin eitt besta blak sem sést hefur á Íslandi en leikurinn
var sýndur beint á RÚV. Það má því segja að stelpurnar okkar séu silfurstelpur
eftir veturinn.
Afturelding átti 3 fulltrúa í liði ársins, María Rún Karsldóttir sem kantur,
Valdís Unnur Einarsdóttir miðja og Thelma Dögg Grétarsdóttir díó. Auk þess
fékk Thelma Dögg viðurkenningar fyrir að vera stigahæst í sókn og stigahæst
í uppgjöf. Að lokum var Thelma Dögg valin besti leikmaður úrvalsdeildiar
kvenna á leiktíðinni.
Blakdeildin getur vel við unað eftir leiktíðina því karlaliðið komst einnig í
úrslit Íslandsmótsins en þurfti að játa sig sigraða í undanúrslitunum gegn HK.
Næstu tvö árin mun Tindahlaup Mosfells-
bæjar bera nafnið Tindahlaup Mosfells-
bæjar í boði Nettó en á dögunum skrif-
uðu Mosfellsbær, Nettó og aðstandendur
Tindahlaupsins undir tveggja ára sam-
starfssamning þar um.
Aðspurð segist Ingibjörg Ásta Halldórs-
dóttir markaðsstjóri Samkaupa hlakka til
samstarfsins en markmið Nettó væri að
styðja við íþróttastarf á landsvísu. „Við
styðjum margþætt æskulýðs- og forvarnar-
starf á landsvísu sem stuðlar að heilbrigð-
um lífsstíl og endurspeglast þessir þættir að
öllu leyti í samstarfinu við Tindahlaupið,“
segir Ingibjörg Ásta.
Nettó opnaði verslun í Sunnukrika í Mos-
fellsbæ í byrjun júní í fyrra. Í versluninni
er m.a. að finna gríðarlegt úrval af heilsu-
vörum fyrir hlaupara og alla sem huga að
heilsunni.
Fjórar vegalengdir í boði 27. ágúst
Fyrir þá sem ekki þekkja til þá er Tinda-
hlaupið skemmtilegt og krefjandi utan-
vegahlaup sem haldið er síðustu helgina í
ágúst ár hvert í tengslum við bæjarhátíðina
Í túninu heima.
Hlaupið býður upp á fjórar leiðir og
vegalengdir eða 1, 3, 5 og 7 tinda þar sem
hlaupið er um fjöll, heiðar og dali Mosfells-
bæjar. Geta því allir áhugasamir fundið leið
og vegalengd við sitt hæfi í hlaupinu, óháð
fyrri hlaupareynslu eða -getu.
Fyrir utanvegahlaupara sem stefna
á hlaup erlendis má greina frá því að
Tindahlaupið hefur staðist kröfur ITRA
(International Trail Running Association)
og fengið þrjár af fjórum hlaupaleiðum
viðurkenndar sem punktahlaup.
Nánari upplýsingar um hlaupið er hægt
að nálgast inn á vefsíðunni Tindahlaup.is.
Tveggja ára samstarfssamningur undirritaður • Tindahlaup Mosfellsbæjar 27. ágúst
Tindahlaupið í boði Nettó
hrannar frá kyndli, ingibjörg
frá nettó og gunna stína frá
blakdeild aftureldingar
GoTT silfur Gulli beTra
María rún, thelMa dögg og Valdís unnur
Frítt á völlinn
fyrir eldri borgara
Eldri borgarar fá frítt inn á heimaleiki
Aftureldingar í Bestu deild kvenna
og Lengjudeild karla í sumar. Af því
tilefni mættu leikmenn í heimsókn í
Félagsstarfið á Eirhömrum í Mosfellsbæ
á dögunum og kynntu leiki sumarsins.
Á myndinni eru Georg Bjarnason,
Sigrún Gunndís Harðardóttir, Sesselja
Líf Valgeirsdóttir og Elmar Kári Enesson
Cogic leikmenn meistaraflokkanna
ásamt stjórnarfólki FAMOS og fólki í
Félagsstarfinu í Mosfellsbæ.
heiMaleikjakortin afhent