Mosfellingur - 12.05.2022, Blaðsíða 48

- Aðsendar greinar48
Forsendubreytingar í skipu-
lagsmálum
Mosfellsbær hefur verið í mikl-
um vexti undanfarin ár og nú lítur
út fyrir að á næstu árum muni eiga
sér stað enn meiri uppbygging
innan bæjarfélagsins.
Áætla má að fjöldi bæjarbúa
verði kominn yfir 30.000 eftir
um 20 ár. Þegar svona stendur á
er nauðsynlegt að staldra við og
spyrja hvort ekki hafi orðið for-
sendubreytingar hvað varðar mið-
bæjarskipulag bæjarins.
Hver er þörfin á næstu árum
og hvað kemur fram í núverandi
skipulagi? Tekur miðbæjarskipu-
lagið á komandi innviðaþörfum
og þjónustuóskum bæjarbúa? Hvar verður
endastöð borgarlínunnar og er gert ráð fyrir
skiptistöð fyrir innanbæjarvagn? Er ennþá
gert ráð fyrir kirkju í miðbænum eins og
um var talað á sínum tíma? Hvar endar og
byrjar miðbærinn? Það eru margar spurn-
ingar sem brenna á fólki, en það stendur
oft á svörunum.
Óljós uppbyggingarstefna
Þegar farið er inn í skipulagssjá koma
í ljós fjögur deiliskipulög sem ná yfir
það svæði sem mætti túlka sem miðbæ
Mosfellsbæjar. Við þau skiplög eru síðan
fjölmargar stakstæðar skipulagsbreytingar
undir viðkomandi skipulögum, sem komið
hafa til vegna breytinga og óska lóðarhafa.
Þetta leiðir til þess að uppbyggingarstefnan
er óljós, sundurslitin og missir marks.
Leitin að miðbænum mun því halda
áfram um nokkurt skeið, nema við tökum
þá stefnu að marka skýra og heildstæða sýn
hvað varðar uppbyggingu til næstu ára.
Samfylkingin vill marka skýra stefnu
hvað varðar skipulag miðbæjarins, upp-
byggingaráform innan áhrifasvæðis hans
og varða leiðina með áfangaskiptingu. Það
að uppfæra stakstæð skipulög eftir óskum
lóðarhafa kemur okkur ekki upp úr hjól-
förum gamalla skipulagshugmynda. Hér er
ekki nóg að segja; er ekki bara best
að gera eins og við höfum alltaf
gert! Hér er þörf á breytingum.
Hvað þarf til – hvert er ferlið
fyrir skipulagssamkeppni
Það er nauðsynlegt að endur-
skoða öll þau deiliskipulög sem ná
til þess svæðis sem afmarkað er í
aðalskipulagi sem miðbær Mos-
fellsbæjar. Í þessum deiliskipu-
lögum er margt sem má halda í en
annað er úr takti við óskir og þarfir
íbúa og er nauðsynlegt að víki.
Áður en þessi endurskoðun getur
farið fram þarf að skilgreina hvaða
þjónustu og starfsemi við Mosfell-
ingar viljum sjá í miðbænum.
Samfylkingin telur það best gert með
opnu samtali við þá sem nýta sér þá
þjónustustarfsemi sem er í miðbænum og
þeirra sem veita hana. Þetta væri best gert
í gegnum opið íbúaþing sem og rýnihópa
um uppbyggingu miðbæjarins og með að-
komu lóðarhafanna sjálfra.
Þegar þessar óskir og forsendur liggja
fyrir er kominn grundvöllur til þess að
fara í skipulagssamkeppni, sem við hjá
Samfylkingunni teljum eina af meginfor-
sendunum fyrir heildstæðri uppbyggingu
á nýjum miðbæ.
Skipulagssamkeppni er því aðferð til þess
að móta heildstæða sýn en samtímis draga
fram þau tækifæri sem kunna að skapast
við þær forsendubreytingar sem verða með
fjölgun bæjarbúa. Um leið er mörkuð stefna
og tekin frá svæði fyrir ákveðna innviða-
þjónustu, menningarstarfsemi og verslun
í bland við nýjar miðbæjaríbúðir.
Nauðsynlegt er að ná fram heildstæðu
skipulagi að nýjum miðbæ, skipulagi sem
kallar fram staðaranda Mosfellsbæjar og
gerir okkur stolt af miðbænum okkar.
Anna Sigríður Guðnadóttir og Ómar Ingþórsson,
skipa 1. og 3. sæti á lista Samfylkingarinnar.
Leitin að miðbænum
Framsókn í Mosfellsbæ styður
áframhaldandi uppbyggingu á
íbúðarhúsnæði fyrir alla aldurs-
og tekjuhópa. Annað væri óábyrgt
miðað við stöðuna á húsnæðis-
markaðnum í dag. Sú staða hefur
áhrif á flest heimili meðal annars í
gegnum vaxandi verðbólgu.
Margir finna fyrir skorti á hús-
næði og þá sérstaklega unga fólkið en
einnig þeir sem eldri eru. Húsum þar sem
ungmenni fá aðstöðu í bílskúrnum hjá for-
eldrum sínum fjölgar enn í Mosfellsbæ og
húsaleiga er gríðarlega há.
Fréttir af fyrirhugaðri uppbyggingu í
Blikastaðalandi eru því löngu tímabærar.
EN það er ekki sama hvernig hlutirnir eru
gerðir. Þessi uppbygging mun hafa gríðar-
leg áhrif á núverandi íbúa Mosfellsbæjar.
Það vita þau sem hafa búið hér á síðustu
tveimur áratugum. Á þeim tíma hefur
íbúafjöldinn tvöfaldast. Sú fjölgun hefur
ekki verið án vaxtaverkja og við þurfum að
læra af þeirri reynslu.
Við þurfum að horfa á þróun og rekstur
bæjarins í samhengi. Það er ekki skynsam-
legt að líta til stakra málaflokka og halda að
rekstur á einum lið hafi ekki áhrif á annan.
Ekkert frekar en í rekstri fyrirtækja eða
heimila.
Staðan er sú að á sama tíma og nú-
verandi bæjarstjórn hefur skuldbundið
verðandi fulltrúa varðandi uppbyggingu
á Blikastaðalandi, sem er gríðarlega stórt
verkefni, stöndum við frammi fyrir stór-
um áskorunum á öðrum sviðum. Það eru
samgöngumálin á höfuðborgarsvæðinu
sem skipta okkur Mosfellinga miklu máli.
Einnig munum við glíma við eftirköst
heimsfaraldurs, endurskipuleggja mála-
flokk eldra fólks, taka á móti flóttafólki
og efla starfsemi leik- og grunnskóla með
hagsmuni barna að leiðarljósi svo eitthvað
sé nefnt.
Að auki eigum við inni samtal
um þróun á atvinnustarfsemi í
Mosfellsbæ sem hefur ekki verið
í forgrunni heldur mætt afgangi
sem sést á stefnu- og áhugaleysi
bæjaryfirvalda.
Þessi verkefni verða ekki leyst
farsællega nema með samvinnu,
samtali við íbúa, trausti og forgangsröðun.
Þau verða heldur ekki leyst farsællega nema
með því að styrkja stjórnsýsluna til að gera
henni kleift að sinna sínum verkefnum.
Það er stjórnmálanna að leggja til fram-
tíðarsýn og gera langtímaáætlanir. Fólki í
stjórnmálum ber skylda til að gera það á
gagnsæjan hátt og þannig að lýðræðið sé
virt. Upplýsingagjöfin og samtalið á að fara
stöðugt fram en ekki bara rétt fyrir kosn-
ingar. Það á heldur ekki að koma íbúum né
kjörnum fulltrúum á óvart þegar verið er
að gera stóra samninga um uppbyggingu
í sveitarfélaginu. Það eru ekki vinnubrögð
sem við getum boðið upp á.
Framsókn í Mosfellsbæ leggur áherslu
á heiðarleg og gagnsæ vinnubrögð. Virkt
samtal við hagsmunahópa og öflugt nefnd-
arstarf í nefndum og ráðum bæjarins. Við
viljum hugsa stórt og við viljum hugsa til
lengri tíma.
Hvernig sveitarfélag verður Mosfellsbær
í framtíðinni? Hvaða áherslur þarf að leggja
í uppbyggingu bæjarins sem gerir hann
aðlaðandi og ákjósanlegan til búsetu til
framtíðar bæði fyrir börnin okkar og okkur
sjálf á efri árum? Svarið við þessum spurn-
ingum liggur hjá okkur sem búum hér í
dag og látum okkur málin varða. Hlutverk
kjörinna fulltrúa er að hafa hugrekki til að
hlusta og koma hlutunum í verk.
Munið X við B á kjördag
Aldís Stefánsdóttir
2. sæti á lista Framsóknar í Mosfellsbæ
Vöndum vinnubrögðin
við stækkun bæjarins
Mosfellsbær er, í stóra samheng-
inu, tiltölulega nýorðinn bær. Fyrir
ekki svo löngu vorum við ennþá
Mosfellssveit og ímynd bæjarins er
enn þann dag í dag einhvers konar
sveit í borg. Fullkomið jafnvægi
þess að búa nálægt öllu sem borg
hefur upp á að bjóða en á sama
tíma anda djúpt að sér í grænu
umhverfi.
Mosfellsbær hefur stækkað
mikið og í vaxandi bæ þarf að huga
að ýmsu. Ef við viljum halda í þá
ímynd sem bærinn okkar hefur
þarf að vanda til verka.
Húsnæðismál eru stórt mál í
Mosfellsbæ og verður áfram, ekki
síst fyrir ungar fjölskyldur. Gríðarleg upp-
bygging hefur þegar farið fram og áform
eru um uppbyggingu á Blikastaðalandi.
Ótal tækifæri felast í því þegar nýtt hverfi
er skipulagt frá grunni. Tækifæri til að gera
meira en bara að setja niður þéttan fjölda
íbúðarhúsa sem öll eru eins. Þétting byggð-
ar er af hinu góða fyrir umhverfið, en það
má ekki ganga of langt, það getur haft áhrif
á lífsgæði og lýðheilsu fólksins sem byggir
hverfin.
Stefna Vinstri grænna er skýr þegar kem-
ur að því að öll hverfi skuli hafa þjónustu í
göngufæri og græn svæði. Gera skal ráð fyr-
ir heilnæmu umhverfi og öllu því sem gefur
lífinu gildi, leikvöllum, svæði til útivistar
og samveru. Hverfi er nefnilega meira en
bara íbúðin sem þú býrð í og bæjarskipu-
lag á að þjóna fólkinu sem þar býr en ekki
öfugt. Skólar og leikskólar skulu vera vel
staðsettir og þeim þurfa að fylgja lóðir sem
gera yngstu kynslóðunum auðvelt að vaxa
og dafna og rannsaka heiminn í
kringum sig.
Í takt við að leggja áherslu á að
skapa fjölbreytta flóru af þjónustu í
heimabæ þarf að huga að því að til
staðar séu fjölbreytt atvinnutæki-
færi, svo ekki þurfi allir að sækja
sér atvinnu út fyrir bæjarmörkin.
Við Vinstri græn viljum leggja
áherslu á að gera íbúum bæjarins
kleift að stunda áhugaverð störf
í nærumhverfinu ásamt því að
styðja við bakið á fyrirtækjum í
bænum. Stuðla þarf að sveigjan-
legum vinnumarkaði meðal ann-
ars með störfum án staðsetningar
og fjarvinnukjörnum þar sem ein-
yrkjar eða litlir samstarfshópar geta leigt
sér skrifstofurými og fundarherbergi til
skemmri og lengri tíma. Skapandi og líflegt
vinnuumhverfi sem þetta styrkir böndin
milli fólks í ólíkum atvinnugreinum og býr
til tækifæri til nýsköpunar og samstarfs.
Styrkja þarf græn störf, m.a. við uppbygg-
ingu grænna svæða sem efla ferðaþjónustu
og náttúruvernd.
Í Mosfellsbæ eru ótal tækifæri þar sem
mikilvægt er að vanda til verka þar sem
uppbygging samræmist þörfum fólksins
í takt við umhverfisstefnu bæjarins og
loftslagsstefnu höfuðborgarsvæðisins. Við
Vinstri græn erum tilbúin í þá vinnu. Göng-
um lengra í Mosfellsbæ.
Höfundar sitja á lista Vinstri grænna fyrir bæjar-
stjórnarkosningarnar í Mosfellsbæ. Kolbrún Ýr
Oddgeirsdóttir, formaður VG í Mosfellsbæ situr í
2. sæti og Garðar Hreinsson situr í 5. sæti.
Skipulag fyrir fólk … sem fokking ól mig upp!
Svo sagði í laginu hans Dóra
DNA, Mosó, sem kom út árið
2004.
Það eru án efa fleiri en ég sem
tengja við þennan texta, enda þarf
samfélag til að ala upp börn. Ég
fluttist í Mosfellsbæ eins árs og hef
búið hér að stærstum hluta síðan
en eins og er með flesta Mosfellinga þá
byrjaði ég að búa í öðru sveitarfélagi.
Ég sagði oft að það væri eitthvað sem
togaði mig til baka í Mosfellsbæ og þegar ég
fór að velta fyrir mér hvað þetta ,,eitthvað”
væri komst ég að því að það var samfélagið
og fólkið sem skapaði umhverfið sem ég
ólst upp í. Við eigum það til að taka sam-
félaginu sem sjálfsögðum hlut en þegar
betur er að gáð þá blómstrar samfélagið
ekki nema það sé fólk sem hlúir að því.
Skólarnir
Mikilvægur hlut samfélagsins eru skól-
arnir okkar. Fyrstu minningar marga eru úr
skólakerfinu, bæði leikskóla og grunnskóla
og að ógleymdri frístundinni.
Í þessum stofnunum starfar fólk sem er
stór hlut af lífi barna og það er ekki sjálfgef-
ið fá gott fólk til starfa í skólakerfinu. Ég var
heppin og á góðar minningar frá þessum
tíma hvort sem það er Gulla að hamra inn
íslenskuna, Halldór í samfélagsfræði, Þyri
með stærðfræðina, Árni Jón, Guðmundur,
Hanna, Stefán, Malla, Úrsúla, Steinunn,
Siggi Palli, Linda, Erna, Sesselja, Björg eða
einhverjir af þeim sem ég er að gleyma að
skrifa niður núna.
Til þess að öll börn njóti öryggis og
eignist góðar minningar þá þarf starfsfólk
skólanna vinnuumhverfi og stuðning til
þess að geta veitt börnum tækifæri til þess
að dafna og blómstra.
Við í Viðreisn viljum að áhersla
verði lögð á að bæta stoðþjónustu
í skólunum. Ég vil að við styðjum
við starfsfólk skólanna til þess að
tileinka sér nýja færni og þróast í
starfi.
Ég vil að skólasamfélagið verði
framúrskarandi og að starfsmönn-
um líði vel. Það skiptir framtíðina
máli hvernig er staðið að þessum mála-
flokki.
Þú hefur áhrif
Ég vildi að allir sæju kosningar eins og
þær raunverulega eru. Tækifæri til þess að
hafa áhrif á umhverfið sitt, vegferðina sem
sveitarfélagið er á og framtíð þess.
Því miður þá eru bara alltof margir sem
virðast ekki trúa því að þeir raunverulega
hafi áhrif. Ég held þó að nýliðnar Alþing-
iskosningar hafi sýnt það og sannað að
einungis örfá atkvæði geta breytt öllu!
Á laugardaginn er þitt tækifæri til þess
að ákveða hvert Mosfellsbær á að stefna
næstu 4 árin. Þú ákveður hvaða fólk, hvaða
hugsjón og hvaða flokkur fær þitt atkvæði
og með því ert þú að móta hver framtíð
bæjarins verður.
Með því að veita mér þitt atkvæði mun
ég lofa því að gera allt sem í mínu valdi
stendur til þess að halda í Mosfellsbæjar-
andann, að hér verði fyrirmyndar samfélag
sem hlúir saman að öllum sínum íbúum
og tengist þessum sterku böndum að vera
Mosfellingar.
C-ykkur á kjörstað.
Veldu Viðreisn.
Elín Anna Gísladóttir skipar 3. sæti
á lista Viðreisnar í Mosfellsbæ
Mosfellsbær er staðurinn …