Vasakver : með almanaki fyrir árin 1939-1943 - 01.01.1943, Blaðsíða 109

107
regla, að miðtenn-
urnar eru alltaf einu
ári á eftir inntönnum
í þróuninni, og jaðar-
tennurnar eru ári á
eftir miðtönnum.
Af öðrum aldurs-
einkennum tannanna
má nefna að lengd
slitflatarins (tann-
eggin) styttist með
aldrinum. Upphaf-
lega eru tennurnar
hvassar, og við átta
ára aldurinn er
breidd slitflatarins
nálægt því að vera
helmingur lengd-
arinnar. Við fimmtán ára aldurinn er slitflöturinn nálægt
því að vera hringmyndaður og við tvitugsaldurinn er slit-
flöturinn orðinn öfug-aflangur. Þá breytist einnig hin lóð-
rétta afstaða tannanna, þanning að upphaflega standa
þær nokkurn veginn lóðrétt hvor á móti annarri, en breyt-
ast með aldrinum þannig að þær mynda minna og minna
hom sín á milli, og á gömlum hestum eru þær orðnar
töluvert flatar. Að siðustu skal geta þess, að þegar hest-
urinn er 7—8 ára, myndast svo nefndur krókur á jaðar-
tönnrnn efriskolts. Hann nær vanalega hámarki sinu á
tíunda ári, en getur haldið sér til 14. árs og þá stundum
orðið greinilegri. Þessi krókur er góður að nota hann til
hliðsjónar með öðru, en getur oft blekkt, ef treyst er of
mikið á hann einan.
Langskurðarmynd af inntönn
úr hesti.
Skrá yfir hrossaræktarfélög var í vasakverinu 1941.