Fréttablaðið - 28.09.2022, Blaðsíða 36

Vocal Cords syngur um að
það megi ekkert lengur á
meðan kórsöngvararnir
áreita aðra í auglýsingu þar
sem vakin er athygli á alvar-
legu málefni, kynferðislegri
áreitni, með húmor.
lovisa@frettabladid.is
Rósa Hrund Kristjánsdóttir var
listrænn stjórnandi og Snjólaug
Lúðvíksdóttir texta- og hugmynda-
smiður nýrrar auglýsingar VIRK þar
kynferðisleg áreitni er tekin fyrir
með húmorinn að vopni. Í auglýs-
ingunni syngur kórinn Vocal Pro-
jects „Það má ekkert lengur“ yfir
ýmis atriði þar sem leikarar leika
ólíkar tegundir kynferðislegrar
áreitni.
„Við höfum unnið með VIRK
áður og þau komu til okkar í febrú-
ar með þetta verkefni,“ segir Rósa
Hrund og að beiðnin hafi komið
í kjölfar nýrrar skýrslu sem sýndi
að kynferðisleg áreitni er verulega
algeng á vinnumarkaði á Íslandi.
„Þeirra hlutverk er að grípa fólk
sem dettur af vinnumarkaði og á
sama tíma að koma í veg fyrir að
það gerist. Vellíðan starfsfólks er
þeim mjög mikilvæg. Þau langaði
því að finna einhverja leið til að
vekja athygli á málefninu og vekja
fólk til umhugsunar,“ segir Rósa
Hrund.
Leist ekkert á hugmyndina fyrst
Þær segja báðar að til að byrja með
hafi tilhugsunin um að gera aug-
lýsingar um þetta málefni verið
smá ógnvænleg. Þetta sé f lókið og
viðkvæmt málefni. „Við byrjuðum
á nálgun sem var meira eins og
fræðslumyndband,“ segir Snjó-
laug og að þeim hafi ekki þótt það
spennandi nálgun en eftir því sem
þær hugsuðu málið betur hafi þær
fundið leið sem gæti virkað og sú
leið var að nota húmor.
„Þó svo að þetta sé viðkvæmt
málefni fannst okkur húmor alveg
viðeigandi. Þetta er svart málefni
en húmor er frábær leið til að ná til
víðari hóps,“ segir Snjólaug. Rósa
Hrund tekur undir það og telur að
þetta hafi verið betri leið til að ná
til f leiri.
„Við erum að vona að með aug-
lýsingunni sjái fólk hvað það er
hallærislegt að segja þetta,“ segir
Snjólaug.
„Okkur langaði að skemma þessa
setningu. Að áhrifin væru að þegar
fólk segir þetta fái það aulahroll.
Að það verði ekki töff lengur,“ segir
Rósa Hrund.
Snjólaug segir að þegar hug-
my ndin haf i verið komin og
samþykkt hafi þær fengið Reyni
Lyngdal leikstjóra og Hannes Frið-
björnsson framleiðanda með að
borðinu.
„Við lögðumst saman yfir text-
ann og Reynir tók hugmyndina upp
á næsta stig með útfærslunni,“ segir
Snjólaug og þannig hafi hárréttur
tónn verið sleginn í leikstjórn.
Margir horfi enn í hina áttina
Þær segja að við gerð auglýsingar-
innar hafi þær lagst í mikla rann-
sóknarvinnu. Það hafi margt gerst
eftir #MeToo og margt hafi breyst til
hins betra, en enn fái óviðeigandi
hegðun að viðgangast og enn horfi
allt of margir í hina áttina þegar
þeir verða vitni að þessari hegðun.
Við höfum öll heyrt
þessa setningu, og
jafnvel sagt hana í
gríni, en það eru akk-
úrat þessi viðbrögð
sem eru svo hamlandi.
Þessar litlu pillur sem
gera lítið úr þeim sem
eru að reyna að breyta
samfélaginu.
Rósa Hrund Kristjánsdóttir
ser@frettabladid.is
Þórarinn Hjálmarsson, f lotastjóri
Icelandair, hefur stýrt sinni síðustu
flugvél sem atvinnuflugmaður eftir
nálega 45 ár í f lugbransanum – og
varla er hægt að telja upp allar þær
gerðir f lugfara sem hann hefur
stjórnað á þeim tíma.
„Þetta eru litlar rellur og upp í
stærstu þotur,“ rifjar hann upp í
samtali við Fréttablaðið og nefnir
þar allt frá Skyhawk-vélum og
Twin Otterum upp í Max-vélarnar
sem hann hefur þjálfað f lugmenn
Ice landair á, en þess á milli hafa
komið við sögu DC-8 farþegaþotur
og Boeing-vélar af misjafnlega
breiðu tagi.
Stórum hluta starfsævinnar hefur
Þórarinn varið inni í f lughermi sem
þjálfunarflugstjóri hjá Icelandair,
„en flugtímarnir í háloftunum eru
líklega orðnir rösklega 16 þúsund
talsins,“ segir hann.
Byrjaði 18 ára í bransanum
Flugævintýri Tóta, eins og hann
er gjarnan kallaður af vinum
og starfsfélögum, byrjaði þegar
hann var ráðinn 18 ára gamall til
Arnarflugs sem áhafnabílstjóri og
aðstoðarmaður við það sem til féll
á vellinum. Hann vann á símanum,
í farmiðabókunum og á frívöru-
lagernum uns hann var svo ráðinn
sem atvinnuflugmaður hjá Arnar-
f lugi 21 árs gamall í innanlands-
f lugið og síðar á Boeing 737-vélar
félagsins.
Eftir tæpan áratug lá leiðin svo
til Flugleiða og Icelandair þar sem
hann stýrði í fyrstu DC-8 og Boeing
727, en síðasta aldarfjórðunginn
hefur hann svo verið þjálfunarflug-
stjóri félagsins á seinni tíma far-
þegaþotum Boeing, auk þess að
gegna stöðu f lotastjóra félagsins
fyrir Max-vélarnar þar sem hann
hefur haft yfirumsjón með innleið-
ingu þeirra og þjálfun á þær síðast-
liðinn áratug.
Flugeðlisfræðin lítið breyst
En hver hefur verið stóra breytingin
í f luginu á þessum tíma?
„Það er nú svo skrýtið að f lug-
eðlisfræðin hefur svo til ekkert
breyst á öllum þessum áratugum
sem liðnir eru frá því ég tók fyrst í
stýrið,“ segir flugstjórinn sem talar.
„En annarri tækni hefur f leygt
fram, svo sem hvað siglingafræðina
varðar. Í byrjun var stuðst við vita
á jörðu niðri, en núna er allt inn-
byggt í sjálfa vélina. Svo eru þær
orðnar miklu eyðslugrannari en
áður og munar þar afar miklu,“ segir
Þórarinn og bendir jafnframt á þá
gríðarlegu vinnu sem farið hafi í það
á þessum tíma að auka flugöryggi á
allan máta.
Og ferlinum er lokið, allt hefur
sinn tíma. „Já, blessaður vertu, þar
gilda nú landslögin, hvorki meira
né minna, ég er kominn á tíma,“
svarar hann sæll í bragði eftir far-
sælan feril. n
Tóti leggur flugstjórahúfuna á hilluna
Bára Alexandersdóttir, eiginkona
Þórarins, fagnar með karli sínum
lokafluginu á dögunum.
Þórarinn Hjálmarsson á fyrstu árum sínum hjá Icelandair. MYND/AÐSEND
Skjáskot úr
auglýsingunni.
MYND/HVÍTA HÚSIÐ
Vildu skemma
setninguna
„Okkur langaði að ná til gerenda,
til þeirra sem líta undan og til
þeirra sem gera lítið úr þessu. Við
höfum öll heyrt þessa setningu, og
jafnvel sagt hana í gríni, en það eru
akkúrat þessi viðbrögð sem eru svo
hamlandi. Þessar litlu pillur sem
gera lítið úr þeim sem eru að reyna
að breyta samfélaginu.“
Þær segja báðar að það hafi verið
þeim mjög mikilvægt að fara rétta
leið að þessu málefni og áður en
auglýsingin var frumsýnd var hún
borin undir fjölda manns, bæði hjá
VIRK en líka utan þess, eins og hjá
Stígamótum og Vinnueftirlitinu.
Þær segja að það hafi verið vanda-
samt verk að velja hvers konar
of beldi yrði lögð áhersla á. Í aug-
lýsingunni eru bæði konur og karl-
menn gerendur og segja þær báðar
að það hafi verið mikilvægt að sýna
fram á það, vitandi þó að meirihluti
gerenda samkvæmt rannsóknum
séu karlmenn.
„Við vildum frekar hafa bæði. Við
erum ekki að ráðast bara á karl-
menn heldur samfélagslegt viðhorf
sem er ekki bundið við eitt kyn.“ n
Snjólaug skrifaði auglýsinguna og Rósa Hrund sá um listræna stjórnun en Vocal Projects syngur. FRÉTTABLAÐIÐ/ERNIR
24 Lífið 28. september 2022 MIÐVIKUDAGURFRÉTTABLAÐIÐLÍFIÐ FRÉTTABLAÐIÐ 28. september 2022 MIÐVIKUDAGUR